Ikasteko baliabideak

Hemen agertuko dira klaserako ideiak, materialak eta baliabideak eskaintzen dituzten webguneak:

Zerrenda osoa

Etiketak

Esteka bakoitzari etiketa batzuk ipiniko dizkiegu, hemen daukazu etiketon "lainoa":


Estekak:

04
Eka
2007
Karrajua

Entzun

Lotura: 
http://entzun.blogsome.com/

Sei (Maite) Ikteroa ideia berriarekin agertu zaigu gaur blogosferan, entzun gunea. Irakurketa ozenean eta literaturan xedea jarrita literatur testuak entzuteko eta lantzeko gunea atondu digu. 

Ikteroen blogean egin duen aurkezpen mezuan irakurketa ozenaren aldeko aldarria egin digu. Zergatik landu, zergatik sustatu eta zelan landu. Azalpen dotorea eta eztabaidatzeko gutxi daukana.

Gure partetik, ekarpen modura, gogoratu dezagun bigarren hizkuntza ikastean xede-hizkuntzan testu idatziak ahozkoaren isla izanda, lagungarri handia izaten dela irakurketa ozena entzutea eta praktikatzea irakurketa "isila" lantzeko, eta ahozko ere bai. Irakurtzen dugunari traza, erritmoa eta esanahia hartzeko, eta hizkuntza bera zein haren erregistro idatzia "ulertzeko".

Seguruenik, gehienok inoiz egin duzue irakurgaia ikasleari ozen irakurri, eta hark estimatu, ezta?

09
Mai
2007
Karrajua

Hizkuntzak ikasteko mp3a

Lotura: 
http://zibereskola.blogspot.com/2007/05/mp3-para-aprender-lenguas.html

Txelisen zertzelada baten bidez Zibereskolan argitaratutako bideoa aurkitu dugu. Gipuzkoako Berriztapen proiektuen VI. Jardunaldien barruan, Antoine Bidegain eta Maitena Susperreguik aurkeztu dute ponentzia, eta haren harira hizkuntza ikasteko mp3 entzungailuen erabileraz dihardute Maitenak eta Antoinek bideoan.

Gero eta zabalduago dauden aparato horiekin zerbait egin ahal dela barruntatzen baduzue, honek ideiaren bat emango dizue seguruenik.

Bide batez, jardunaldiotako bideo gehiago ari dira zabaltzen. Ez dakit beste inon publikatu diren, baina GoogleVideoko helbide honetara bazoazte, han, alboko barran bideo gehiago ikusiko dituzue.

Eguneraketa:

Hezkuntza telebista vblogean ipintzen dabiltza. 

21
Api
2007
Karrajua

Hitzola

Lotura: 
http://www.hitzola.net/

Blog berria deskubritu dut egunotan. Egia esanda, ez dakit blog berria ala proba hutsa ote den.

Hitzola dauka izena, berton hizkuntzari buruzko zalantzak eta azalpen interesgarriak eskaintzen dira, sintaxiaz eta morfologiaz gehien bat.

Ez dakit egilea nor den, hizkuntzalaritza edo itzulpengintzaren mundukoa dirudi, artikuluak interesgarriak eta ondo landuak hala ere. Euskaltegi-irakasleen zalantzak ere argitzen dituela dirudi.

13
Api
2007
Karrajua

Buruxkak: liburutegi digitala

Lotura: 
http://www.buruxkak.org/

Buruxkak liburutegi digitala aurkeztu du aste honetan Udako Euskal Unibertsitateak (UEU). Berton erakundeak azkenengo urteotan bide batetik edo bestetik argitaratutakoak dauzkagu pdf formatoan jaisteko moduan, arloka eta gaika saillkatuta.

Geure intereserako honako arloak eta gaiak nabarmendu ditzakegu:

Oro har arlo guztietako testu ugari topatuko ditugu. Adibidez hauek fitxatu ditut lehenengo batean:

Asko gehiago daude, ibili eta deskubritu. Estimagarria benetan UEUren ekimen hau.

Estekak:

12
Api
2007
Karrajua

Hiru.com: Euskal Herriko historia irudietan, bideoak

Lotura: 
http://www.hiru.com/historia/bideo_historikoak

Hiru.com ataria lehenagotik daukagu hemen aipatuta baliabideen iturri bezala, testuak gehien bat. Ataria hala ere, etengabe dabil baliabideak berritzen eta gehitzen, eta haien artean Euskal Herriko historiaren pasarte batzuei buruzko bideo sorta hau aurkitu dugu.

Bideook kalitatekoak dira, dena dela on-line eta tamaina batean baino ezin dira ikuse. Edonola ere material interesgarriak dira ikusentzunezko dokumentu bezala, zein eduki sozio-kulturalak lantzeko orduan.

08
Api
2007
Karrajua

Hizkuntzak ikasteko sare sozialak

Lotura: 
http://www.bildu.net/tags/saresozialak+hizkuntza

Lehengo egunean "Foro de idioma vasco" izenekoa aurkitu genuen sarean. Hizkuntzen ikaskuntzaren inguruko webguneak eta zerbitzuak aspaldian dira ezagunak sarean.Web2.0 honekin zerbitzu berriak hasi dira agertzen, gehienetan aukera ugari eskaintzen dituzte: hizkuntz-trukeak, praktikatzeko taldeak, irakasleen eta tutoreen direktorioak, txat-ak, baliabideen gidak,... ikasteko halako sare sozialak dira gehien bat.

Bildu.net-en eta Del.icio.us-en markatu ditut batzuk eta hemen behean ipini dut "linkroll-a", esteken zerrenda. Gehiago deskubritu ahala hemen agertuko dira. Eta gogoratu, zeuek ere markatu ahal dituzue: "saresozialak" eta "hizkuntza" etiketak erabili.

04
Api
2007
Karrajua

Musikaz blai

Lotura: 
http://www.musikazblai.com/

Musikaz blaik euskal musikaren atari nagusitzat deskribatzen du bere burua. Zerbitzu batzuk eskaintzen ditu:

Horrez gain, edukiak komentatzeko aukera ematen du.

Euskarazko musika baino ez omen dago datu-basean, hau da, euskaraz kantatuta edo titulatuta dagoena. Hala ere, webgunean, mugaz bi aldeetakoei zuzenduta dagoen arren, gaztelania da nagusi, erabiltzaileen iruzkinak edo albisteak ez badaira. Hizkuntza desberdinetan irakurtzeko aukerarik ez du ematen.

Kantuen letrak eta artisen informazioa aurkitzeko leku ona izan daiteke.

30
Mar
2007
Karrajua

Pastoralak EITBn

Lotura: 
http://www.eitb.com/pastoralak/pastorala-2007/

Erabili.com-en bidez jakin dugu. Badakizue ETBn Zuberoako pastoralak grabatu eta urtean zehar ematen dituztela. Urtero webgunea atontzen dute pastoral horien eta euren emanaldien informazioa eskaintzeko. Telebistaz emango dituzten pastolaren testuak (Zubereraz eta batuaz), emisio orduak eta lotura interesgarriren bat ere topatuko duzue berton.

Aurtengoan gainera Zubereraren ezaugarriak eta glosarioak gehitu dituzte.

2004tik hona urtero atondu dute informazio orri berdina. Estekako orriaren behekaldean dauzkazue aurreko urteetakoak.

Folklorea, kultura eta herri-literaturaz interesatuta bazaudete abiapuntua izan daiteke berau.

12
Mar
2007
Karrajua

Todoele.net

Lotura: 
http://www.todoele.net/

Aspaldian eduki dut ikusita baina ez dut hona ekarri.

 

Gaztelania atzerriko hizkuntza bezala irakasten dutenentzat pentsatuta dago Todoele.net ataria. Eduki eta erreferentzia ugari. Adibide batzuk:

Horrez gain, iragarkiak, inkestak, lan-poltsa, dokumentuak,... eta metabloga. 

Ikasbilen edo, aldeak alde, Karrajuaren ezaugarriak ditu, tamaina handian eta ondo hornitua. Ideiak topatzeko ez da leku txarra, ezta? Eta gehiagorako ere bai.

Esteka:

07
Mar
2007
Karrajua

Xuxen

Lotura: 
http://www.xuxen.com/

Xuxen zuzentzaile ortografikoa aspaldian dugu ezaguna. Urteak dira word-ekin erabiltzeko lehenengo bertsioak plazaratu zirenetik. Produktua etengabe garatzen jarraitu dute eta gaur egun bertsio ugari ditugu: Ms office, openoffice.org, QuarkXPress, Mozilla Thunderbird, eta abar. Hemen dauzkazue ikusgai:

Asteon berriz, aukera berria zabaldu dituzte, zuzentzailea on-line erabil daiteke www.xuxen.com gunean, Firefoxerako Euskalbar tresna bikainari gehitu diote, eta Google-eko orrialde pertsonalizatutarako gadget bat sortu dute.

Hemen daukazue informazio gehiago:

Bestalde, duela hilabete batzuk Librezale.org-eko jendeak Firefox nabigatzailean erabiltzeko egokitzapena egin zuen. Oso praktikoa blogak, erantzunak eta nabigatzaileetan zabaltzen diren era guztietako formularioetan erabiltzeko. Proba modura zabaldu zen, nik erabili dut, eta erroretxo batzuk dituen arren lagungarria izaten da oso.

Hemen daukazue hartaz Sustatun zabaldu zen berria: