baliabidea

Ricardo Gomezen Filoblogiari esker asteon eduki dugu Google-en aplikazio honen erabilpenaren berri. FiloBlogiaren liburutegia Google Book Search-en.

Book Search-en bidez Google liburutegi erraldoia sortzen ari da sarean. Liburuak digitalizatu eta kontsultatzeko eran jartzen ditu. Liburuak eta haien testuak. Honetarako prestigioko liburutegi batzuen kolaborazioa dauka.

Ez da horrelako egitasmo bakarra hala ere, polemikatxoa ere sortu da kopia eskubideak direla eta ez direla eta Open Content Alliance izeneko erakundea sortu dute beste batzuek testu libreak zabaltzeko asmoz.

Edonola ere, Ricardok ederto erakutsi digu nola sortu daitekeen liburutegi pertsonala Book Search-eko liburuak hautatuz, eta liburutegi hori bistan ere jarri daiteke, konpartitzeko edo rss-aren bidez jarraitzeko.

Ricardok Euskalaritza zaharraren lanak bildu ditu berean. Nik proba egin dut hizkuntzaren didaktikaren inguruko batzuk batzen. Eta egon badaude, hori bai, ingelesez gehienak eta testuaren pasarte batzuk baino ezin dira berton kontsultatu.

Baliabide interesgarria duda barik norberaren bibliografiak osatzeko, formaziorako eta, testuak osorik sartzen badira, kontsultarako ere bai.

Estekak:

• Google Book Search
• FiloBlogiaren liburutegia Google Book Search-en (artikulua blogean)
• Filoblogiaren liburuak
• Google Book Search, ¿libros gratis? (Consumer)
• Open Content Alliance

International House Eastern Spain IHren barruko hizkuntz-eskola taldea da. Hizkuntz klaseekin batera irakasleen formazioa ere eskaintzen du. Aktibitate honen barruan irakasleen formazioari begirako bloga zabaldu du haren Bartzelonako eskolak.

Blog horretan formazioren inguruko albiste eta gomendioekin batera gaztelania klaserako aktibitateak ere azaltzen dituzte.

Hemen dauzkazue batzuk:

• Los problemas en la espalda, 2.0
• Jugar a los detectives
• Antes de que sea tarde

Ez dut uste beste hizkuntza baten irakaskuntzara ekartzeko egokitzeko arazo askorik emango dutenik.

Edozelan ere blog gomendagarria... eta eredugarria.

Aspaldian geneukan aipatuta Maite Goñi ikasleekin polito atontzen joan den blog-webgune hau. Gaur Ikteroen blogean helbide aldaketa iragarri digute (bere domeinuan ezarri da: www.euskaljakintza.com), eta horrekin batera bloga eta berton batutako baliabideen berrantolaketa.

Baliabide ugari eskaintzen diren gunea izan da beti, eta -onena- Maiteren lana sarean jarraitu dugunok seguru gaude aurrerantzean gehiago eskainiko dizkigula. Euskara ikasteko eta lantzeko apuntatzeko moduko gunea duda barik.

Emun hizkuntza zerbitzuen kooperatiba lan ta lan webgunea atondu du lan mundua euskalduntzen diharduten pertsona eta erakundeei baliabide iturri eta komunikazio gune modura zabaltzeko.

Blogaz gainera baliabide zerrenda interesgarriak dauzkate berton, lan munduarekin lotutakoak, baina lanetik haragokoak ere bai, besteak beste:

• Agiri ereduak
• Euskara zuzenerako arau eta aholkuak
• Hiztegiak
• Euskara on-line
• Euskarazko softwarea
• Zuzentzaile ortografikoak

Sei (Maite) Ikteroa ideia berriarekin agertu zaigu gaur blogosferan, entzun gunea. Irakurketa ozenean eta literaturan xedea jarrita literatur testuak entzuteko eta lantzeko gunea atondu digu. 

Ikteroen blogean egin duen aurkezpen mezuan irakurketa ozenaren aldeko aldarria egin digu. Zergatik landu, zergatik sustatu eta zelan landu. Azalpen dotorea eta eztabaidatzeko gutxi daukana.

Gure partetik, ekarpen modura, gogoratu dezagun bigarren hizkuntza ikastean xede-hizkuntzan testu idatziak ahozkoaren isla izanda, lagungarri handia izaten dela irakurketa ozena entzutea eta praktikatzea irakurketa "isila" lantzeko, eta ahozko ere bai. Irakurtzen dugunari traza, erritmoa eta esanahia hartzeko, eta hizkuntza bera zein haren erregistro idatzia "ulertzeko".

Seguruenik, gehienok inoiz egin duzue irakurgaia ikasleari ozen irakurri, eta hark estimatu, ezta?

Txelisen zertzelada baten bidez Zibereskolan argitaratutako bideoa aurkitu dugu. Gipuzkoako Berriztapen proiektuen VI. Jardunaldien barruan, Antoine Bidegain eta Maitena Susperreguik aurkeztu dute ponentzia, eta haren harira hizkuntza ikasteko mp3 entzungailuen erabileraz dihardute Maitenak eta Antoinek bideoan.

Gero eta zabalduago dauden aparato horiekin zerbait egin ahal dela barruntatzen baduzue, honek ideiaren bat emango dizue seguruenik.

Bide batez, jardunaldiotako bideo gehiago ari dira zabaltzen. Ez dakit beste inon publikatu diren, baina GoogleVideoko helbide honetara bazoazte, han, alboko barran bideo gehiago ikusiko dituzue.

Eguneraketa:

Hezkuntza telebista vblogean ipintzen dabiltza. 

Blog berria deskubritu dut egunotan. Egia esanda, ez dakit blog berria ala proba hutsa ote den.

Hitzola dauka izena, berton hizkuntzari buruzko zalantzak eta azalpen interesgarriak eskaintzen dira, sintaxiaz eta morfologiaz gehien bat.

Ez dakit egilea nor den, hizkuntzalaritza edo itzulpengintzaren mundukoa dirudi, artikuluak interesgarriak eta ondo landuak hala ere. Euskaltegi-irakasleen zalantzak ere argitzen dituela dirudi.

Buruxkak liburutegi digitala aurkeztu du aste honetan Udako Euskal Unibertsitateak (UEU). Berton erakundeak azkenengo urteotan bide batetik edo bestetik argitaratutakoak dauzkagu pdf formatoan jaisteko moduan, arloka eta gaika saillkatuta.

Geure intereserako honako arloak eta gaiak nabarmendu ditzakegu:

• Glotodidaktika gaiaren ingurukoak
• Euskara
• Hizkuntzalaritza eta filologia
• Txerrak Hizkuntzaren soziologia eta beste blogean ohartarazi duenez soziolinguistika atalean gauza interesgarriak daude.
• Itzulpengintza

Oro har arlo guztietako testu ugari topatuko ditugu. Adibidez hauek fitxatu ditut lehenengo batean:

• Irakurriz ikasi (2. argitalpena): Abel Camacho

• Euskara helduaroan ikasteko motibazioa: hainbat gogoeta: Josu Perales

• Helduen euskalduntzearen II. eta III. jardunaldiak

• Menpeko hizkuntzaren bizi-kemena: Nekane Arratibel Insausti, Marijose Azurmendi Ayerbe, Iñaki Garcia Fernandez

Asko gehiago daude, ibili eta deskubritu. Estimagarria benetan UEUren ekimen hau.

Estekak:

• Buruxkak
• UEU
• Albistea Sustatun, Argian eta EITB24n
• Aipamena Hizkuntzaren Soziologia eta beste blogean