gramatika

Wwwhat's new-ren bidez Quizlet aplikazioaren berri eduki dut. Hizkuntza ikasle eta irakasleei hitz-zerrendak egin eta beraiek lantzeko eta ikasteko tresnak eskaintzen ditu: test-ak, ariketak,...

Hemen egin dut proba tonto bat (sartzeko erregistratuta egon behar da), baina burua asko kantsatu barik, interesgarria dirudi, aparteko ezer izan barik. Baten batek erabiltzen badu eta zelan dabilen komentatu nahi badu.

Ariketak eta test-ak egiteko tresna gehiago daude sarean. Zibergelatik eta Ikteroen txokoetatik osteratxo bat egitea gomendatzen dizuet gehiagoren berri eduki edota martxan ikusteko.

Sei Ikteroaren beste ideia bat. Bat publikatzen duen bakoitzean hemen aipatzekoa izaten da.

Hot Potatoes eta Moodle erabilita ikasleak ortografia-ariketak sortzen jarri ditu. Ideia interesgarriak, ariketak egin aurretik, norberak sortu eta gero taldeka egin. Hizkuntzaren gaineko hausnarketa sustatzeko era polita. Teknologia berrien erabilerarekin osatuta.
Hala ere, ideia modura, ordenagailurik ez badago, paperean ere egin daitekeen kontua da.

Erabili.com-en Iritzi-muinetik atalean EiTBko kazetariek plazaratutako zalantzei bertoko euskara sailak emandako gomendioen eta erabakien berri ematen digute.

Euskara klaseetan sarritan agertzen diren gaiak jorratzen dituztela konturatu naiz. Baliabide interesgarria gramatika eta hiztegi kontuetarako gehien bat. Telebistako hizkera formalaren ikuspegitik eginda dagoen arren, hemengo kontu asko eguneroko hizkerara ekartzekoak dira. Edozelan ere, hizkuntzaren gaineko artikulu interesgarriak.

Orri honetan daukazue zerrenda. Ez dakit eguneratuta dagoen.

Hemen daukazue argitaratu den azkena,-LAKO ez da beti egokia. 

Dena dela, honen berri izateko onena erabili.com-era e-postaz edo RSS bidez harpidetzea.

Ekaitz Santazilia filologia ikasleak Euskofilia blogean eztabaida planteatu du hitanoaren erabilera dela eta ez dela.

Irakasle batzuk hiketan hasi direla eta honen inguruko iritziak eta pertzepzioak batu nahi ditu blogean. Horrezaz gainera, esteka pare bat ere eskaintzen dizkigu hitanoaren misterioetan murgiltzen hasteko.

Mito bitxiak dabiltza euskaltegietan hitanoaren inguruan: erabiltzen dela ez dela, ikasi behar dela eta ez dela, aipatu behar dela eta ez, oso zaila dela, hain zaila ez dela,... Akabuan hitanoaren kontu honekin legendunekin pasatzen den antzeko zerbait pasatzen dela uste dut, ez dela hiltzen utzi behar, baina hobeto hurreratzen ez bagara. Dena dela, eztabaida pizten bada, oraindik ibili badabilelako izango da.

Ekaitzek bota duen harriak, adibidez, hitanoa klasean era natural baten tratateko eta sikieran aurkezteko balio ahal digula uste dut. Ea eztabaidak zer ematen duen, horretaz zer esana daukazuenok animatu mutilari erantzuten!

Aizu! aldizkariaren "Ez da hain fazila" atala pdf-n.

EHUren barruko gunea. Euskaraz lan egiten eta idazten laguntzeko jarraibideak, arauak, aholkua, materialak eta ereduak.