Blogak

Azterketak

Otsaila, ekaina eta  iraila izaten dira azterketa sasoi tipikoak  eskola-unibertsitateetan, gure mundu honetan berriz orain hasten da azterketen  "estazioa" atariko probekin eta testekin.

Helduen euskalduntzearen mundu honetan gainera gero eta gehiago dira azterketak, duela urte pare bat hasi ziren  1 eta 2 mailako probei aurten 4 maila gehituko zaie. Eta hauek guztiak aurreko EGAri  eta IRALE eta HHAEko hizkuntz eskakizunei gehitu.

Zertifikazioak  eztabaida piztu du beti  gurean. Bateko, ez dirudi logikoa Euskal Herrian (euskararen herrian) inori euskaraz dakiela ziurtatzeko agiria eskatzeak, besteko, lan eta zer egin batzuetan jarduteko gutxieneko hizkuntza-maila ziurtatzen duen zerbaiten beharra ere aldarrikatzen da. Honi euskaltegiratituluagatikbainoezdatorrenikaslearen mitoa batu zaio.

Eztabaidak gorabehera asteotan ikasle motibatuak eta euskaltzaleak ere  ez direla azterketafobikoak konprobatu dut. Nire berbalagunak hor dabiltza azterketa prestatzen, nerbioekin baina ilusioarekin ere bai, eta haiek ez dute titulurik behar. Usaia ere hor dabilkigu orain barnetegira bueltan azterketak gogoan.

Zer nahi duzue esatea bada? Ez dut uste hauei azterketa prestatzeak bat ere kalterik egiten dienik. Seguruenik beharleku horretan ikasiko dutenak azterketako notak baino gehiago balioko diela eta balioko digula.  Eta nerbioak notagatik baino euren konpromiso pertsonalagatik izango dira gehiago.

Animo ba neska-mutilok, eta azterketan espero ez duzuen nota ateratzen ez baduzue, trankil , neuk eta beste askok "cum laude" eman dizuegu aspaldian.

Karrajutik hona

Tira ba, Blogger-etik honako jauzia egin dut. Aurrerantzean hau izango da "baten bat pasatzen bada-edo"-ko karrajua.Blogger-eko artxiboan bertan egongo dira edo wordpress-en egin dudan kopia honetan ere (hona ere ekarri nahi ditut, baina oraindik ez dut landu Drupal-era ekartzeko modua).

Blogger-en aspaldian iragarri nuen gune hau, bitartean atontzen eta antolatzen ibili naiz. CMSen diseinuan eta prestaketan piloa ikasi dut, ikasteko daukadanaren aldean ezer gutxi hala ere, hutsak, okerrak eta zer hobetu ugari topatuko dituzue seguruenik. Aldaketak ere egongo dira hemendik aurrera, izan ere, hasieran ohartarazi nuen legez, gune honek esperimentoa izateko asmoa du gehien bat.

Bloga egitea ere halako esperimentua zen, baina blog batek eskaintzen duena baino gehiago probatu nahi izan dut eta atari honek edukiak eta gehien bat komunikaziorako tresna gehiago  probatzeko era ematen du. Honez gero gauza batzuk atondu ditut, hemen daukazue azalpen laburra. Aukera asko dauzkagu, hala ere muga batzuk ere badaude:

1. Zerbitzariaren banda-zabalera, lekua eta software-a: ez dut espero aparteko trafikorik, baina gauza batzuk hemen hobeto ikutzen ez baditugu (txat-ak, podcastak, artxibo handien deskarga,..), izan ere hosting merkea hartu dut (ekonomiak ez du gehiago ematen, hala ere donatiboren bat eskainiz gero pentsatuko nuke) eta banda mugatua daukat batetik eta zerbitzariak petatu egin dezake bestetik. Gauza batzuk instalatzeko arazo teknikoak ere izan ditut, zerbitzariaren php bertsioa ez da azken-azkenengoa presisamentean. Beste aukera horietarako dena dela web 2.0. honek zerbitzuak eskaintzen ditu, eta horiekin uztartuta gauza eleganteak egin daitezke.
2. Ezagupen teknikoak. Ez naiz informatikaria, programatzailea edo web-diseinatzailea. Egia esanda gaur egun honako gauzak antolatzeko ez da derrigorrezkoa aparteko ezagutza teknikorik, baina batzuetan horrek mugak jartzen ditu posibilitateak esploratzeko orduan. Beraz, ez etorri atarien diseinua enkargatzen, horretarako profesionalak dauzkagu onak.
3. Norberak daukan denbora, dedikazioa, inspirazioa eta alegrantzia.

Horixe ba, ea hau zelan dabilen hemendik aurrera. Portzierto, berriro esango dut, hau ez da jaio webgune pertsonala izateko, norbait kolaboratzen animatzen bada ongi etorria eman eta Agur Jaunak kantatu ere egingo diot.

Itxura aldaketa

Aspaldian aparteko nobedade barik. Aste Santuko tartetxua aprobetxatuta itxura aldatu diot guneari. Blogger-eko karrajuaren koloreak gustatu eta haren imitazioa-edo egin dut. Ez dakit inoren izena aipatu behar den, edo egile eskubideen mundu labanean sartu ote naizen, horrela bada pekatuaren penitentziari eutsi beharko zaio.

Bestalde, Klaserakoetan Pello Zubiriaren artikulu baten gaineko gogoeta egiten hasi naiz. Aspaldian aipatu nuen Argiako Net Hurbil  sail hau, eta artikuluok zer esana ematen duten neurrian buelta pare bat emango dizkiet. Hasi baino ez naiz egin hala ere, eta ez da hastapenean darabildan bakarra.

Usaiaren ekarpena eta wikien aplikazio bat

Usaia egin zaigu esperimentu honen partaide. Haren eskaera bati erantzunez hizkuntzaren inguruko zalantzak argitzeko foroa zabaldu dut. Badira sarean hizkuntzaren inguruko zalantzak argitzeko leku batzuk: Euskaltzaindiaren Jagonet kontsulta-zerbitzutik hasita, AEKren Kitto zalantzak forora. Bestalde "Euskaltegiblogak" deitu diegun horietan ere aukera emango dute ikasleen zalantzak argitzeko ziur aski.

Deskargua

Aspaldian probak egiten eta tontamentean gauza batzuk gehitzen joan naiz:

• Klaserako baliabideak: lastermarken bilduma antzekoa egin dut. Klaserako baliabideak eskaintzen dituzten webguneak zerrendatzen joango naiz hemen.
• Euskaltegiblogak: euskaltegien munduan sortzen diren blogen jarioak batuko ditut hemen. Goiko estekan sakatuta artikuluak joango dira agertzen, eta hemen sakatuta blogen zerrenda argiagoa ikus daiteke.
• Klaserako ideietan ARGIA aldizkariak hemendik aurrera elkarrizketekin testu idatziarekin batera audio formatuan ere eskainiko ditu. Honen aukerak analizatzen saiatzen ari naiz artikulu baten.
• Testuetan syllabus edo programen diseinuari buruzko ideiak eta apunteak sartzen hasi naiz hemen. Susan Feez-en "Testu bidezko syllabus-en diseinua" liburutik egin ditudan eskema batzuekin hasi naiz. Interesatzen zaidan gaia da, nire ustez gure jardunaren emaitzak hobetzeko gogoeta egin beharreko puntua da gure programen diseinua eta koherentzia.

Gauza asko eskutartean, eta denari arreta ematea kostatzen da. Karraju hau itxura hartzen hasi da dena dela. Oraindinokarren irakin pare bat behar dira hala ere.

Menuak eta aurkezpena

Ezkerreko menua atondu dut apur bat. Espero dut orain hemen zer dagoen argiago azaltzea. Zuek esan bestela.

Menu hauek ordenatu ditut:

• Foroetarako esteka zuzena sartu.
• Gaikako sailkapenak: artikuluen eta mezuen gaiak eta kategoriak tag-cloud-en (etiketa-lainoak?) bidez azaltzen dira.
• Jarioak: RSS irakurle funtzioa ematen du Drupal-ek. Horren bidez Blogger-eko bloga, Del.icio.us-eko estekak edo Sustatu sartu ditut oraingoz.

Foroetan eztabaidagai batzuk sartu ditut inor animatzen bada-edo, eta foroak apur bat argiago ikus daitezen ere bai.

Bestalde, gauza berriak sartu ditut:

Harremanetarako formularioa

Nirekin harremanetan jartzeko harremanetarako formularioa sartu dut: hemen dago. Goiko menuko idatziguzu estekan kokatu dut.

Beraz, badakizue, zerbait esan nahi badiguzue bi aukera:

Aurrera goaz

Egokitzapen batzuk sartu ditut gaur.

• Testu-editorea aldatu dut. HTMLarea kendu eta Tinymc instalatu. Momentuz hobeto dabilela dirudi.
• Blogger-eko karrajuaren jarioa sartu dut hemen. Link-a ipini dut goian.
• Txantiloian aldaketa batzuk sartu ditut. Orain blokeak hobeto ikusten dira (ala ez?)

Aurreko mezuan aipatzen zirenez gain, beste gauza batzuk sartzea pentsatu dut:

• How-to antzeko zerbait. Zelan egin behar dira gauzak hemen? Foroetan posteatu, iruzkinak, bloga,..
• Gure herri honetan sarritan zer egiten den baino nork egiten duen garrantzitsuago izaten denez about me estiloko orri bat (a ze lotsa!). 

Schtuff-en dauzkadan gauzak hona ekarri ditut. Dudan nago hala ere eman diedan formatoarekin. Ideia klaserako ideiak (erredundantzia) eskaintzea eta garatzea bada wiki antzeko zerbait planteatu beharko litzateke. Wikietan bezala martxan orriak sortzeko aukera ematea izan liteke kontua. Flexinode modulua erabili dut, baina nago ez ote den hobea liburu modulua. Proba batzuk egingo ditut zerbitzari lokalean eta erabakiko dut. Ez dakit inork ezer ulertu ote duen, kontua da nahi nukeela klaserako ideiak dokumentu kolaboratiboak izatea, eta oraingo modura ez dakit hori erraza den.