ikasbil

RSS jarioak Ikasbilen

Benito(e)k bidalita 2007, maiatza 27 - 02:07(e)an.

Ikasbil, euskara ikasteko Interneteko baliabidea ikastaroaren programa irakurtzean konturatu naiz. RSS jarioak ipini dituzte Ikasbilen. Hasierako orrian, behean eskuman agertu da bloketxo bat, ez dute iragarri oraindik webgunean.

Aspaldian ibili gara hemen jarioak ondo etorriko zirela esaten. Bitartean Feed43 zerbitzuarekin atondu genituen geureak. Orain zuzenean jarraitu ahal izango ditugu. Karrajuko agregatzailea berriztu egin beharko dugu bada!

Honela antolatu dituzte:

Atalez ataleko jarioak:

Dokuteka eta atazak

Liburutegia

Liburu berriak

Dokuteka eta atazak mailaka:

1A. maila

1B. maila

2. maila

3. maila

4. maila

Podcast-a ere badago, entzungai batzuetan oraindik pottoki efektua dago baina ideia ona da duda barik:

Podcast Jarioak

Hemendik entzun ahal duzue:

Beste berrikuntza bat dago. Inkestak ipini dituzte.

Ondo berrikuntzok. Iradokizuntxo bat: OPML fitxategia, ohiko agregatzaileetara inportatu ahal izateko.

Dena dela, eskertuko litzateke lantzean behin zer asmo daukaten eta zertan dabiltzan kontatzea, ezta? Ez da ahalegin handia.

Konpartitu mezu hau:
delicious | zabaldu zabaldu | bildu bildu

Etiketak: albisteak | ikasbil | web2.0
Benito (r)en bloga | 2 iruzkin | View blog reactions

Ikasten plataforma euskaltegiei irekita

Karrajua(e)k bidalita 2007, martxoa 12 - 12:38(e)an.

HABEk duela gutxi zabaldu duen Ikasten plataforman euskaltegiei euren gunea kudeatzeko aukera emango die, ikastaroak eskaintzeko nahiz barne kudeaketa eta komunikaziorako, Moodle instalazioa erabiltzeko aukera azken baten.

Hemen daukazue HABEtik bidali duten informazioa:

IKASTEN plataforma erabiltzeko eskaintza

HABE erakundeak euskararen irakaskuntzan Informazio eta Komunikazio Teknologia berriak sustatzeko asmotan, IKASTEN izeneko plataforma euskaltegien esku jartzea erabaki du. IKASTEN plataforma Moodle-n oinarrituta dago. Moodle ikastaroak sortzeko eta kudeatzeko software multzoa da eta GNU (Iturri irekia) lizentzia publikoaren baitan garatzen da.

IKASTEN plataformaren bidez euskaltegiek mota askotako jarduerak burutu ditzakete: ikastaroak eman, ikasle eta irakasleen arteko komunikazioa indartu, klaustroaren zereginak bideratu, euskaltegiko egutegi eta jarduerak antolatu, ikastaro eskaintza zabaldu eta abar.

Erabilpen hori modu eraginkorrean burutu ahal izateko, euskaltegi bakoitzak IKASTEN plataforma orokorrean esparru berezitua izango du, beste euskaltegietatik aparte, baina betiere IKASTEN marka nagusiaren azpian. Euskaltegi bakoitzak administrari bat izendatu beharko du eta hau arduratuko da euskaltegiaren esparrua kudeatzeaz.

Euskaltegi bakoitzak zerbitzariaren diskoan 5 Gb-eko espazioa izango du bere jarduerak bideratzeko. Horretaz gain, euskaltegi bakoitzak bere esparruaren itxura aldatu ahal izango du muga batzuen barruan.

HABE erakundea arduratuko da IKASTEN plataforma bideratuko duen zerbitzaria eta honek behar dituen softwareak eguneratu eta mantentzeaz. Bestalde, IKASTEN plataformaren orrialde nagusian euskaltegi guztien ikastaro eskaintza erakutsiko da.

IKASTEN plataforma erabili nahi duen euskaltegiak ezinbestekoa du ondoren datorren eskaera-orria osatzea. Bertan berari dagozkion datuak beteko ditu eta euskaltegiko arduradunaren izenean sinatuta, HABE erakundeari helaraziko dio. Agiri horretan jasoak daude, besteak beste, euskaltegiak bere gain hartzen dituen betebeharrak.

Agiri hori jasotzean, HABEren zuzendariak ebazpen bidez onartuko dio Euskaltegi horri IKASTEN plataforma erabiltzeko eskubidea.

Hezi Top-ek norberaren ikastaroak eskaintzeko aukera eman zigun duela egun batzuk, orain HABEk ikasten plataforma zabaldu die euskaltegiei. Zerbitzua interesgarria da, baina alde batetik euskaltegiei inor Moodle kudeatzen trebatzea eskatzen die eta bestetik euskaltegi eta erakunde batzuk euren plataformak antolatzen hasita daude dagoeneko, ez dakigu eskaintza hau beranduegi ez ote datorren hain zuzen ere orain arte aktiboenak izan direnentzat.

Bestalde, euskaltegi bakoitzak bere gunea edukitzeko pentsatuta dago, interesgarria izango litzateke, irakasleek, pertsonak alegia, eurek elkarrekin komunikatzeko eta konpartitzeko aukera edukitzea era berean.

Konpartitu mezu hau:
delicious | zabaldu zabaldu | bildu bildu

Etiketak: albisteak | HABE | ikasbil | teknologia | teleikaskuntza
Karrajua (r)en bloga | gehitu iruzkin berria | View blog reactions

Teknoendredoen saga: klonaren erasoa eta pokastinaren porrota

Benito(e)k bidalita 2006, azaroa 20 - 00:14(e)an.

Griposo pasatu ditut azken lau egunak etxean, eta Potemkin erizain fidelari kasu egitearren sarean endredatzen ibili gara biok. Esperimentu bitan gehien bat.