korrika15

Gora Gu ta Gutarrak

Hemen gehiago:
http://www.gutagutarrak.eu
Edo hemen:
http://www.youtube.com/profile?user=gutagutarrak

Korrika tagzanian

Luistxo Fernandezek atzo jakinarazi zigun orain Tagzaniako mapetan 20 puntu baino gehiago erakutsi ahal direla. Ondo etorri da Korrika15aren lokalizazioa zelan dabilen ikusteko. Hemen daukazue 200 puntuko mapa:

korrika15 tagged map - Tagzania

Iparraldean ez dakit ibilbide osoa, baina kilometro gutxi faltako dira etiketatzeko. Lan izugarria egin dute.

Hegoaldean berriz, Bizkaiko Txorierrin eta Nafarroako Pirinioan hartu dute serioen.

Txorierri kilometroz kilometro dago etiketatuta, zehatz-zehatz. Nafarroako Pirinioan kilometro garrantzitsuak behintzat, herriak, lokalizatu dituzte.

Lan astuna izan daiteke Korrika guztia etiketatzea, bakar batek egin behar badu, baina bistan dago gauzak kolaborazioan egitea askoz errazago suertatzen direla. Hau da, bakoitzak bere inguruko hiruzpalau kilometro markatuz gero, berehala daukagu Korrikaren mapa osoa.

Korrika erronka modura sortu zen ekimena da. Baietz egin EH osoa zeharkatzen duen lasterketa, lekukoa eskurik esku, gau eta egun gelditu gabe!

Eta behin ez, 15 biderrez lortu da. Mapa batean puntutxoak markatzea goizeko 5etan kilometro bat aldatz gora korritzea baino zailagoa ote da?

Nik neure ingurukoak egin ditut dagoeneko, eta konturatu barik Artxandan Txorierrikoekin egin dut "lotunea".

Ezetz berdina egin!

Niko Etxartek jarri dizkio musika eta hitza korrika15eko kantari

Niko Etxartek jarri dizkio musika eta hitza korrika15eko kantari - Abestiarekin batera Korrikako bideoa ere aurkeztu duteKorrika hurbiltzen ari den honetan, Korrika bera eta bere inguruko ekitaldiak girotuko dituen kanta eta bideoa ezagutu ditugu. Korrika 15eko kanta, Heldu Korrikari, Niko Etxartek konposatutako musikarekin eta bere berbekin dator. Ohi bezala, Hapa-Hapa taldeko musikariak izan ditu Niko Etxartek laguntzaile. Kantuan, bestetik, Euskal Herri osoko ahots eta estilo desberdinetako abeslariak izan ditu alboan: Barricada taldeko Enrique Villareal El Drogas, Dominic Earl, Betagarri taldeko Iñaki Ortiz de Villalba, Joseba Gotzon, Xabaltx, Arima Beltza taldeko Jon Gurrutxaga, Ozke taldeko Klod Etxebaerria, Amaren alabak talde zuberotarreko Luxi, Maider eta Grasi, eta Bruno Hollemaert. Kanta entzuteko sartu HONA [Korrika 15 bloga]

Beterano bi Korrikari kantari: Niko Etxart eta Drogas, gazteak haiekin. Eta sarean hau aurkitu dugu:

Sopelako Esaera Zaharren Txapelketa

Hamalaugarren ediziora heldu da AEK-k antolatzen duen txapelketa didaktiko-festibo hau. Bertsolaritza, hizkuntza bizia eta euskara ikastea uztartzen ditu egun-pasa politean.

AEKren webgunean zabaldu dute berria, hemen dauzkazue noiz-nongoak:

Sopelako XIV. Esaera Zaharren Txapelketa

Martxoaren 17an, larunbata.
Txapelketaren oinarria oso erraza izaten da:bertsoak entzun eta bertso bakoitzak zein esaera zaharra aipatzen duen zuzen esatea da kontua.

Txapelketak hiru zati dauzka:

1. Goizean kanporaketak herrian zehar. Nikola AEK euskaltegitik irtenda taldeak ibilbidetan banatu eta herrian zehar joaten dira.
2. Herri bazkaria Ander Deuna ikastolan.
3. Bazkalostean, finalerdiak (kanporaketetan puntu gehien eskuratu duten taldeekin) eta finala.

Izena emateko azken eguna OTSAILAREN 27a izango da.

Txapelketarekin batera esaeren zerrenda bi dauzkazue, irakasle nahiz ikasleentzat interesgarriak izan daitezke zerrendok:

• 2007ko edizioko esaerak (esaeren zerrenda hutsa)
• 2007ko edizioko esaeren azalpenak (esaerak eta azalpenak)

Korrika2.0.1

Korrika15 honen 2.0 jarraipena egiteko orri pare baten honen inguruko informazioa (link-ak, etiketak,..) ipini dut batetik, eta gero halako widget batzuekin (zeure webgunean edukiren bat kokatzeko ematen diren kode zati horiek. Zelan esan widget euskaraz? Gehigarria, tresna,...?) hiru orri atondu ditut. Batean technorati, bloglines eta del.icio.us-en etiketen eta bilaketen RSSak dauzkazue, Korrikaz blogetan eta sarean oro har esaten dena jarraitzeko. Beste baten Flickr eta Youtube-n Korrikaren inguruko azkenengo bideoak eta argazkiak agertuko dira. Eta hirugarrenean Tagzaniako Korrika15 etiketaren mapa dago. Jakina, nik erabili ditudan hauek guztiak zeuek ere ipini ahal dituzue zeuen blog eta webguneetan. Zerbitzu asko daude horretarako, nik bi hauek erabili ditut gehien bat:

• Widgetbox
• Musestorm

Ez ahaztu hainbat zerbitzuk eurek ematen dituztela kode zati horiek, Tagzaniak adibidez.

Dena dela, gogoratu "widget" horiek erakargarriak izaten direla, baina jaten eman behar zaiela, eta horretarako inportanteena sarekideok testuak, argazkiak, bideoak,... publikatzea eta publikatzen dena lokalizatzea erraztea da. Gomendioa, ahal denean "korrika15" etiketa erabiltzea.

Eta Korrikaren webgune ofizialari bisitatxoa egitea. Heldu ba!

Diru laguntzen murrizketari aurre egiten lagunduko du Korrikak Nafarroan

Diru laguntzen murrizketari aurre egiten lagunduko du Korrikak Nafarroan - ... Diru laguntzen murrizketari aurre egiten lagunduko du Korrikak Nafarroan Nafarroako AEK-ko arduradunek Korrika Nafarroan nola garatuko den azaldu zuten atzo (5). Martxoaren 27an Sakanatik sartuko da Korrika Nafarroan eta herrialde horretan 730 kilometro egin ostean apirilaren 1ean Iruñean emango zaio amaiera aurtengo ekitaldiari. Nafarroan ...Sareko Argia

Ez dut uste inork zalantzarik izan duenik, baina Korrika txandala jantzi eta tropelean kilometro bat(zuk) egitea baino gehiago da. 

Korrika2.0

AEKn ez zabiltzatenok ere zerbait entzuten hasiko zineten honez gero, aurten Korrika daukagu, eta edizio hau blogosferan sartzen hasi da. Ale bi hauek Korrika kulturalarekin daukate zer ikusia:

• Miss Heldu
• Gu ta gutarrak

Korrikaren gune ofizialean Korrikaren blog irekia proposatu dute. Izena emanda publikatzeko aukera, Sustaturen antzera-edo.

AEKren inguruko blogetan ere hasi dira zantzuak agertzen.

Ez dakit Korrika honek noraino daukan 15.arekin batera 2.0 ere izateko intentzioa. Errazena: korrika edo korrika15 etiketak blogetan, flickr, youtube, del.icio.us eta enparauetan. Ideia gehiago? Lekukoaren ibilibidea RSStik jarraitzeko moduren bat, Tagzania moduko zerbitzuetan ibilbidea markatu, Flickr-en Korrikaren argazkiak egin ahal geolokalizatzen joan, Technoratin korrikaren jarraipena egin... Pentsatzen hasita,...

Gehiago?

Nik hasteko etiketak ipiniko dizkiot mezu honi.

Korrika 15, sagaren hasiera: AEK-k laguntzaileak behar ditu Korrika antolatzeko

AEK-K LAGUNTZAILEAK BEHAR DITU KORRIKA 15 ANTOLATZEKO - Ixabel eta Juan Martin, Kutsidazu bidea Ixabel filmeko protagonistak dira Korrika 15en lehenengo laguntzaileak.

AEK-k Korrika 15en laguntzaile kanpaina aurkeztu du.15. Korrikaren antolaketa lanetan murgilduta dabil dagoeneko koordinakundea, eta Mertxe Mujika koordinatzaile nagusiak dei egin dio euskal jendarteari Korrikaren hamabosgarren edizioaren antolaketan parte hartu eta Korrika laguntzaile izan dadin... [AEK]

Bai, Korrika daukagu aurten, hamaboskarrena. Ia 30 urte lehenengotik. Beraz, Korrikaren gainean azalpen handirik ez da behar honez gero. Aurtengoaz informazioa nahi baduzue edo, eskatu den bezala, lagundu nahi baduzue, badakizue...

• http://www.korrika.org.
• Edo hau entzun:

powered by ODEO