Korrika2.0
AEKn ez zabiltzatenok ere zerbait entzuten hasiko zineten honez gero, aurten Korrika daukagu, eta edizio hau blogosferan sartzen hasi da. Ale bi hauek Korrika kulturalarekin daukate zer ikusia:
Korrikaren gune ofizialean Korrikaren blog irekia proposatu dute. Izena emanda publikatzeko aukera, Sustaturen antzera-edo.
AEKren inguruko blogetan ere hasi dira zantzuak agertzen.
Ez dakit Korrika honek noraino daukan 15.arekin batera 2.0 ere izateko intentzioa. Errazena: korrika edo korrika15 etiketak blogetan, flickr, youtube, del.icio.us eta enparauetan. Ideia gehiago? Lekukoaren ibilibidea RSStik jarraitzeko moduren bat, Tagzania moduko zerbitzuetan ibilbidea markatu, Flickr-en Korrikaren argazkiak egin ahal geolokalizatzen joan, Technoratin korrikaren jarraipena egin... Pentsatzen hasita,...
Gehiago?
Nik hasteko etiketak ipiniko dizkiot mezu honi.
Tximintxekoak lehen pausoak
Tximintxeko blogean jarri ditugu Derioko kilometro guztiak non hasten diren tagzaniarekin markatuta. Aurrerantzean kilometro bakoitzari dagokion ordua eta argazkiak igoko ditugu.
Erreferentzia hemen: http://www.blogari.net/tximintx/2007/02/03/korrika_2_0_derio
Marrapunturen ideia burutzen...
Marrapuntu.org gunean holako zerbait egitea proposatzen zen http://www.marrapuntu.org/index.php?q=node/63 istorioan. Badirudi orain egi bihurtuko dela, korrikaren ibilbide osoa korriblogariek kontatua.
Korrika Tagzanian, puntu gehiago erakusteko aukera
Orain, Tagzaniatik beste norabait itsasten diren mapetan, 200 puntu arteko mapak erakusteko aukera dago. Hemen eta han Korrika eta Korrika15 etiketei ematen diezuen martxa ikusita (bi tag-en artean kontraesan apur bat, akaso?), 200 ez dira nahikoa izango korrikako puntu guztiak erakusteko (ez horixe) baina mapa zabal zabal bat egiteko aukera egon daiteke. Aurrera Korrika eta Karrajua!
http://www.tagzania.com/tag/korrika
http://www.tagzania.com/tag/korrika15
Albiste ona
Ondo Luistxo, ondo! Eskerrik asko animoengatik eta, gehien bat, zuen lanagatik.
Egia da tag-en artean nahastetxoa sortu dela, hemen "korrika15" proposatu genuen, baina batzuk "korrika"rekin geratu dira. Tagzanian "korrika+korrika15" erakutsi daiteke, "korrika OR korrika15" moduko zerbait ondo legoke. Tira ba, edozelan ere estimatzekoa da zuena.
Txorierri osoko kilometroak
Txorierriko AEKk botatako erronkari eutsi eta Txorierri osoko kilometroak tagzaniarekin markatu ditugu.
http://www.blogari.net/tximintx/2007/02/27/title_1726
Beste kontu bat: Txorierriko AEKk bloga ireki du aikor.com helbidean.
http://www.aikor.com/bloga/txepetxaaek
Egokitzapena
Karrajuko mapak egokitzen hasi gara Tagzaniak ematen dituen aukera baliatuta, eta emaitzak nabaritu egiten dira.
Honela funtzionalitate gehiago ematen zaie mapei duda barik. Ideiren bat gehiago ere okurrituko zaigu .
Bidali iruzkin berria