20
Mar
2007
Karrajua

Eguneraketa eta look berria

Karrajua.org-en instalazioa eguneratu dugu Drupal 4.6 bertsiotik 4.7ra. Bide batez, eta lehengoaren diseinua ere bertsio berriarekin ibiltzeko eguneratu behar zela, diseinu berria ematea erabaki dugu. SEO Position eta Refresh diseinuen popurria egin dugu itxura berria emateko, norberaren ikutu batzuekin.

Honelako eguneraketa egitean beti geratzen da zerbait ondo-ondo eguneratu edo egokitu gabe, erroreak,... Proba batzuk egin ditugu eta gehiena ondo dabilela dirudi, detaile pare bat konpondu behar dira beste barik. Ibilian-ibilian hala ere, baliteke erreparatu ez diogun zerbaitez konturatzea. Eskertuko genuke jakinaraztea.

Bestalde, 4.7. ez da Drupalen azkenengo bertsioa, Drupal 5 berriagoa ere badago. Asmoa daukagu eguneraketa 5. bertsio horretara eramateko, baina euskarazko itzulpenarekin arazo batzuk daudela dirudi eta apur bat itxaron beharko dugu.

Bertsio-berritze honekin gainera, aukera berriak ere baditugu. Aurrerantzean joango gara probatzen. Ez ahaztu karrajua.org hau gune esperimentala dela gehien bat.

Oso ona aldaketa

txerra (ez da egiaztatu)-(e)k 2007, Martxoa 20 - 19:09-(e)an bidalia.

Asko gustatu zait (bueno, euskara ikasleek oso irakur bezate, ez asko) aldaketa. Argiagoa da diseinua, baita ordena ere. Zorionak, pues.

Sano-sano

Karrajua-(e)k 2007, Martxoa 21 - 03:33-(e)an bidalia.

Sano gustau jatzu orduen, ezta?

Lorak bai, baie .....

txerra (ez da egiaztatu)-(e)k 2007, Martxoa 21 - 14:15-(e)an bidalia.

Lorak botatzie ona da, baie egurre be emon biher. Gauzatxu bet botatzen dot faltan: lehen hasikerako orrien albistiek ikusten ziran eta oin ez. Neuk sarritan horreri begiratzen notson aldez aurretik.

RSS albisteak esan gura

Karrajua-(e)k 2007, Martxoa 21 - 14:44-(e)an bidalia.

RSS albisteak esan gura duzu? Eskoiko zutabean daude, Azken albisteak (rss) izenburua daukan blokean.

Korrikarako ipini dudan mamotretorarekin behera joan dira beste zutabeak eta igual ez dira ondo ikusten. 

Egie da.

txerra (ez da egiaztatu)-(e)k 2007, Martxoa 21 - 16:54-(e)an bidalia.

Ostias. Ni naz ni tontoa. Badauz, kontue da nire pantailan ez zirala agertzen. Baie kursorea eskoirantz mugitute, agertu eiten direz. Parkatu.

Pantaila txikia badaukazu

Karrajua-(e)k 2007, Martxoa 21 - 17:09-(e)an bidalia.

Pantaila txikia badaukazu eskoian tapatuta geratuko da. Diseinu modernoakaz pasatzen dira holangoak ba!

Aupa Benito! Ederki, segi

Nagore (ez da egiaztatu)-(e)k 2007, Martxoa 21 - 17:07-(e)an bidalia.

Aupa Benito! Ederki, segi aitzina! Oraingoz ezin naiz zure webgune berrira harpidetu, baina ziur naiz lortuko dudala. Heldu!!

Zelan harpidetu? RSSa-rekin

Karrajua-(e)k 2007, Martxoa 21 - 17:09-(e)an bidalia.

Zelan harpidetu? RSSa-rekin ala e-postaz esan gura duzu? Kasu bietan lehengo berdinak dira.

RSSa-rekin harpidetu nahi

Nagore (ez da egiaztatu)-(e)k 2007, Martxoa 21 - 17:13-(e)an bidalia.

RSSa-rekin harpidetu nahi dut, e-postaz momentuz ez.

Trankil, Nagore, itxura

Karrajua-(e)k 2007, Martxoa 21 - 19:53-(e)an bidalia.

Trankil, Nagore, itxura baino ez da aldatu. Konpontzeko gauzatxo pare bat daude oraindik, baina lehendik harpidetuta egon bazara, harpidetuta jarraituko duzu. Hau ez da webgune berria, lehengoa soineko eta zapata berriekin jantzita baino.

Bidali iruzkin berria

The content of this field is kept private and will not be shown publicly.
By submitting this form, you accept the Mollom privacy policy.
Sindikatu edukia