Hizkuntzak berezkoa du identitatea (Joxe Manuel Odriozola)

Hizkuntzak berezkoa du identitatea - Joxe Manuel Odriozolaren artikulua argitaratu du Izaronews egunkari digitalak. "Euskalduntzearen eta alfabetatzearen emaitzak ikusita, inork gutxik ukatzen du gaur egun gure porrotaren handia. Inork gutxik aitor ditzake irakaskuntza formalean eta informalean lortu ditugun emaitzak ikusita, euskararen ikasketak euskaldunak sortzeko balio izan duenik. Aho batez ez baldin bada ere, ñabardurak... [Tiraka]

Hizkuntza eta identitatearen arteko loturaz dihardu Joxe Manuel Odriozolak artikulu horretan. Hausnartzeko kontu asko euskalduntzeari dagokionez. Edozelan ere, lehenengo baieztapen hori izan da niretzat deigarriena. Hainbesterakoa da gure porrota? Nortasun arazoa ote da?

Neuri behintzat identitatearen kontu hori gutxien-gutxienez apur bat labaina egiten zait.

Niri ere, egia esan behar badut,ez nekien zerbait iruditu izan zait identitatearen kontua. Agian, kontu horri ematen zaion garrantzia da niretzat harrigarria. Euskal Herrian gizarte ezberdinak dauden seinale izango da, baina euskalduntzean urteak daramatzat, euskaltegi tipo eta ingurune ezberdinetakoetatik pasatu naiz,baina oraindik ere ez dakit identitatearen kontu hori ikasleei nola irakatsi, nola helarazi. Ikasle gehienek ez dute dikotomiarik buruan, direna dira eta bizitzan gatazkak saihesten saiatzen dira. Irakaslea, euskalduna den aldetik, eredu bat izan daiteke, "jator, zintzo eta fededuna" izan daiteke, baina Tangerreko Mohamed edo Barakaldoko Andresi euskal identitatea barnerarazteko... Oraindik ere identitatearen pilulak asmatu gabe daude, eta guk gehienez ere euskaldunekin harremanetan jartzeko bide eta tresnak eman ahal dizkiegu ikasleei.Identitatea berez lortuko dute euskaldun legez arlo ezberdinetan aritzen diren heinean.Labaina hitz egokia iruditzen zait