Bloga egin nahi dut

Garazi-Baigorriko AEK-koek euren bloga atontzeko aholkua eskatu digute. Foroko gai modura plazaratzea interesgarria iruditu zait, arrazoi batzuengatik:

Lehenengo euskaltegiblogek urtebete inguru egin dute eta ikasturte berriari begira balantzea egin eta ondorioak atera dituzte honez gero seguraski. Hemen beraz ondorio horiek hasi nahi dutenei plazaratzeko tokia.

Blogen modak berton dirau. HABEk blogen inguruko ikastaroa antoalatu du eta egingo nuke ikastaro horretako partaide askok bloga sortuko dutela hemendik hilabetera edo arinago. Blogaren nondik-norakoa zehazten hasten denean ideiak eta aholkuak ez datoz batere txarto.

Eta inportanteena, laguntza eskatu digute. Ez gara hain zikuak izango, ezta? 

Beraz, euskaltegiblogari zein blogari-klase guztiari:

Zer aholku emango diegu euskaltegien munduko blogarigaiei? 

Niri boteprontoan hauek okurritu zaizkit:

• Hasi baino lehen pentsatu ondo bloga zertako nahi duzun. Ez itsutu blogen modarekin edo zelako polita geratzen den ikusita. Gero jaten eman behar zaio eta.
• Jakin ondo bloga zer den, behar duzuna beste gauza bat izan daiteke eta: webgune klasikoa, ataria, wikia, foroa, txat-a, on-line ikastaroak emateko plataforma, fitxategien karpeta konpartitua,...

Zuen txanda.