Hemen dago ziba

Badakizue, larunbatean banatu ziren Espiral sariak Bartzelonan, eta haietako bat hona etorri da. Tres Tizaseko Patxok hartu zigun eta hemen daukagu zilarrezko ziba dagoeneko (ez dauka sokarik baina!)

Zuei guztioi dedikatuta.

Eta antolatzaileen animoa eta ilusioa nabarmendu nahi ditut hemen. Zorionak eta aurrera!

Sariak Espiral jardunaldiaren barruan eman ziren. Bartzelonan asteburuan zeozertan ibili dira eta sarean ere izan du isla:

Argazkiak
Tres Tizas (zorionak lehenengo sariagatik, eta eskerrik asko gurea hartu eta ekartzeagatik)
Bertaren blogean
A pie de aula
Re(paso) de lengua
Jardunaldira bidali nuen komunikazio/azalpena.

Zorionak berriro, Benito.

Zibarena, opari polita da, baina ez dakit oso egokia den alde sinbolikotik ikusita.

Beti puntu beraren inguruan biraka ibiltzeak ez du oso ondo islatzen Karrajuaren lana: biraka bai, baina HEAren hainbat arlo eta esparru ikutu eta sakontzen baititu.

Eta hor, txikota behin eta berriro astitzen zu, Benito.

erantzun honi

Neuk soka oparituko dizut dantzan jar dezazun, Zorionak Beni!!

erantzun honi

'Ziba bai, sokarik ez; soka bai, zibarik ez' dio esaera zaharrak. Eta hemen dugu Benito soka eskean.

Ez al zara konturatzen zilarrezko ziba duzula eta guk egurrezkoa eta geuk ordaindutakoa? (horixe da gixon pobriaren patua).

Dena den, soka ez da sekula falta pobreon etxean eta prest naukazu muturtxo bat sikiera bidaltzeko. Hori bai, zelakoa nahi duzun esan beharko didazu: sokadantza, sokasaltua, sokamuturra ala... akaso... soka-lasterra? ;-D

erantzun honi

Tira, soka zati bategatik ez gara sokatiran hasiko, ezta? Gainera, sokatik barik, haritik tiratzea gustatzen zaigu, ezta?

erantzun honi

Saririk onena gune honetan duzuen mugimendua da, zalantza izpirik gabe. Ta ziba dantzan jartzeko sokaz gain trebetasuna ere behar da (ni neu ez nintzen gai izan txikitan horretarako, arraioa!) eta zuek horretatik sobera.
Zorionak ematera baino gehiago eskerrak ematera natorkizu oraingoan, Benito, dantza honetarako trikitrixa jotzeagatik.