klaserako

Egin zeure mailaketa online

Benito(e)k bidalita 2009, martxoa 12 - 12:39(e)an.

iametza interaktiboa enpresak IKAren webgunean jarri duten zerbitzuaren berri eman digu: norberak bere mailaketa egiteko proba automatikoak.

Hau da azalpena:

Eskura jarri dizkizugun Mailaketa Probak euskalduntze prozesuan gutxi gorabehera non zauden jakiteko baliagarriak izango zaizkizula uste dugu. Gutxi gorabehera diogu, mailaketa hauetan gramatika ezagutza eta ulermena baino ez dira neurtzen eta. Mailaketa osoagoa eta fidagarriagoa egiteko, euskaltegira hurbildu, eta bertan ikusiko dugu zer moduz moldatzen zaren idazten eta hitz egiten. Horren arabera erabakiko dugu zein mailatan hasi. Jarraian dituzue maila bakoitzeko helburu orokorrak.

Aukeratu zuretzat egoki ikusten duzun maila eta probatu zure ezagutza: (zure maila zein izan daitekeen ez badakizu hasieratik hastea gomendatzen dizugu)

Hemen daukazue lotura: Probatu zure euskara maila online!

Lau mailatan daude sailkatuta: 1a, 1b, 2 eta 3

Maila bakoitzaren sarreran curriculumean dugun gaitasunaren deskribaketa dugu, ondoren maila probatzeko ariketa sorta aurkituko dugu: aukera anitzek galderak, hutsuneak bete eta egia/gezurra erakoak. Testa bete ondoren puntuazioaren arabera matrikulatu behar duzun maila aholkatzen dizu.

Etiketak: baliabideak | klaserako | mailaketa | probak
Benito (r)en bloga | gehitu iruzkin berria

Ahozko laginak lortu

Benito(e)k bidalita 2008, ekaina 12 - 16:44(e)an.

Zer: Ahozko laginak internetetik batzeko ideia bat

irakurri gehiago »

Etiketak: 1a | 1b | 2 | 3 | ahozkotasuna | entzumena | klaserako | laginak | mintzamena | podcast
2 iruzkin

Ataza 2.0?

Benito(e)k bidalita 2008, ekaina 1 - 21:10(e)an.

Zer: Atazak 2.0 aukerekin antolatzeko saiotxoa.

irakurri gehiago »

Etiketak: 1a | 1b | 2 | aoi | atazak | bertsolaritza | klaserako
2 iruzkin

Euskal gramatika eta hiztegia sarean 2014rako

Benito(e)k bidalita 2008, urtarrila 20 - 17:37(e)an.

Ostiralean zabaldu zen albistea eta blogosferan oihartzuna eduki du dagoeneko. Euskarazko hiztegia eta gramatika 2014rako osorik Interneten jarriko ditu EHUk (Berria.info).

EHUko Euskara Institutua da proiektuaren arduraduna. Esteka hauetan daukazue informazio (eta esteka) gehiago:

Euskara institutuaren webgunean egin dut osteratxoa bide batez, zer dagoen eta zer dabilen ikusten. Guretzako baliagarria-edo. Oraingoz asko-asko ez.

Egungo euskararen hiztegia. Proiektu nagusaren ataletako bat. Ereduzko Prosa Gaur corpusean oinarria hartuta hiztegia egitea da asmoa. Une honetan F, G eta H letrak baino ez daude proba modura.
Hiztegi batua euskal prosan. Euskaltzaindiaren Hiztegi Batuko sarrerak eta Ereduzko Prosa Gaur corpusean dauden sarrerak parekatzen ditu. Hemen daukazue azalpena. Bietan agertzen den ala ez, eta EPGn zenbat sarrera dauden. Hau ere ez dago osatuta. F, H, I, J eta K letrak besterik ez. Interesgarria izan daiteke hitz edo erro baten maiztasuna ezagutzeko, "erabiltzen da" edo "ez da erabiltzen" epaia eman orduko adibidez.
Lexikoa eta gramatika. Hiru dokumentu daude PDF-n. Asier Larrinagaren EITBren irrati-telebistako glosarioa. Gotzon Aurrekoetxea, Henrike Knörren Euskal Testuetako glosarioa eta Itziar Lakaren A brief grammar of euskara. Lehenengoa interesgarria izan daiteke euskarazko hedabideen inguruan zerbait egin nahi izanez gero, telebistako hiztegia landu, adibidez.
Ereduzko prosa gaur. Esan bezala, gaur egungo euskararen Corpus arakatzailea da. Literatura eta prentsako testuetan oinarrituta. Euskararen irakaskuntza arauetan soilik oinarrituko ez badugu, halako tresnak ez datoz batere txarto. Dena dela, corpusean interneteko testuak ere integratzea komeni delakoan nago. Badago eta corpus horretan apenas topatzen den hitzen bat. ;-)