XVII. mendean Lapurdin Axular eta enparauek gorpuztu zuten mugimenduari eman zaion izena hartuta, lagun batzuk dabiltza Interneten euskara eta euskal kulturaren dibulgazio lan interesgarria egiten. "Escuela de Sara" horrek adar batzuk ditu:

• Escuela de Sara bloga
• Gune bat Googlepages-en.
  
• Escuela de Sara - Cosas interesantes sobre el pequeño País del Euskera sare soziala Ning-en.
• Gune txiki bat Knol zerbitzuan
• euskaltzale.com webgunea (arazoak ematen dizkit kargatzeko).
• Hemen gune gehiago aipatzen dira, baina badirudi ez dabiltzala aktibo.
  

Euskal Herrian ohi dugun bezala, ez dute informazio handirik ematen proiektu honen atzetik dauden pertsonez, hau da aurkitu dugun bakarra:

Somos un grupo de gente que trabaja desinteresadamente por dar a conocer nuestra cultura e historia sin caer en milenarismos, falsos mitos, pseudoromanticismo, ni extremismos de ningún tipo. Pretendemos ser una fuente fiable y verificable, en constante cambio y mejora.

Eta zer eduki jarri dizkigute eskura?

Honez gero konturatu zaretenez, gaztelaniazko testuak eta materialak dira nagusi, gaiak hizkuntzalaritza, mitologia, etnografia, literatura... Euskara ikastaro bat ere badugu, aurretik beste batek egindako baten egokitzapena egin dute hain zuzen ere. Oro har, eurek sortu baino testuak eta baliabideak jaso eta ekarri egiten dituztela dirudi.

Edonola ere, asmoa gehien bat euskararen inguruko dibulgazio lana egin eta mito eta topiko batzuk argitzea edo zehaztea dutela dirudi. Momentuz, Menéamen lortu dute oihartzuna.

Sarean ondo banatuta daukagu proiektu hau beraz, eta eduki baliagarri batzuk ere baditugu hor, gehien bat hizkuntzari buruzko dibulgazioari begira. Azken batean hizkuntza ikastearen barruan haren testuinguru kulturalera hurbiltzea gero eta gehiago kontsideratzen da landu beharreko atala. Eta testuinguru horren barruan hizkuntzaren historia eta kulturaren ezaugarriak egonda, testu hauek ez zaizkio txarto etorriko euskara ikasteari ekin dionari.

Bloga aurkitu dut gaur. Ez da berria, 2008ko irailetik dabil martxan, Notebook dauka izena, eta ondoan Testugintza, estilistika, literatura... izpitan zehaztapen gisa. Egilea? Ez dakit, ez dut hari buruzko informazio askorik topatu (bide batez, egun batean hitz egin beharko da honetaz. Batzuetan gaizkile konplexua etortzen zait, ikusita blogosferan orokorrean zer joera dabilen norberari buruzko informaziorik ez emateko. Zerbait txarra egiten ari ote gara?). Testu-zuzenketan diharduela esan digu mezu batean, eta edukietan islatzen da hori.

Edukiei dagokienez (bai, hori da inportaneena, bai), etiketa laino ugaria baina oro har testugintza, literatura, idazkera, estiloa, itzulpengintza eta hizkuntzaren zuzentasuna eta egokitasunaren inguruko mezu asko eta bertan gogoeta eta aholku interesgarriak ere ugari. Garbizaletasun puntu bat sumatzen da batzuetan,  zuzentzaile-lanaren ajeak akaso? . Aukera ona edonola ere horretaz apur bat pentsatzeko sikieran.

Hizkuntzaren inguruan jarduteko eta ikasteko blog gomendagarria beraz. Egiozue kuku, merezi du eta. Gainera blog bizia da, sarri eguneratzen da eta jarraitzea merezi du.

Eta berandu baina... ongi etorri blogosferara!

Euskaltzaindiak duela aste batzuk berrikuntzak iragarri zituen bere webgunean. Berrikuntzon artean "blogari" erreparatu genion gehienok hasiera batean, baina horrekin batera gauza gehiago etorri dira, Iker/Jagon-tegiak deritzenak hain zuzen ere.

Atal honetan funtsean Euskaltzaindiak argitaratu eta sortutako hainbat baliabide euskarri digitalera ekarri eta eskura jarri dizkigute. Alde batetik hainbat testu ditugu pdf formatuan, eta bestetik bilaketa zerbitzu batzuk ere atondu dituzte.

Hauek dira baliabideak:

Iker-Tegia

• Hiztegigintza
• Gramatika
• Dialektologia
• Onomastika-Exonomastika
• Literatura
• Euskal testu klasikoak
• Arauak

Jagon-Tegia

• Jagon-Tegia

Bildumak

• IKER bilduma
• Euskararen Lekukoak
• Onomasticon Vasconiae
• Mendaur
• Euskaltzainak

Aldizkariak

• Aldizkariak

Ikusten duzuenez, gure lanean kontsultagai eta erabilgai ditugun hainbat baliabide daude hor: hiztegiak, gramatika, arauak... Alde batera utzi barik bestelakoetan aurki ditzakegun gauza interesgarriak, egon badaude eta.

Horrezaz gainera, arau-gomendioetan, Euskera agerkarian eta abarretan bilatzeko sistema zuzena antolatu dute. Web orri honen beheko aldeko Bilatzaileak menua zabaltzean iritsi ahal zarete.

Hizkuntzaren inguruko hainbat duda argitu eta informazio baliagarria eskuratzea erosoago eta bizkorrago dugu orain beraz. Beharbada hizkuntzaren gaineko ohiko eztabaida tradizionalek grazia apur bat galduko dute derrepentean kontsulta egin ahal izanda, baina zer egingo dugu ba? Progresoa progresoa da eta.

Via Euskofilia.

Delicio.us-en bitartez (mila esker Jolaus), Pausoz pauso normalizazio bidean blogera heldu gara. Getxoko Berritzeguneko Hizkuntza Normalkuntzako sailetik mantentzen da bloga, eta berton Euskara hobetzen izeneko atal batean hizkuntzaren inguruko arau eta gomendio batzuk eskaintzen dizkigute .doc formatuan.

Zuzentasun arauak, esamoldeak eta hizkuntz-gomendioen zerrenda. Interesgarria ikasten ari direnak euskarari buruz gauzak ikasi eta euskara ikasteko pilula txikietan.

Hemen daukazue zerrenda (.doc).

Blog berria deskubritu dut egunotan. Egia esanda, ez dakit blog berria ala proba hutsa ote den.

Hitzola dauka izena, berton hizkuntzari buruzko zalantzak eta azalpen interesgarriak eskaintzen dira, sintaxiaz eta morfologiaz gehien bat.

Ez dakit egilea nor den, hizkuntzalaritza edo itzulpengintzaren mundukoa dirudi, artikuluak interesgarriak eta ondo landuak hala ere. Euskaltegi-irakasleen zalantzak ere argitzen dituela dirudi.

Buruxkak liburutegi digitala aurkeztu du aste honetan Udako Euskal Unibertsitateak (UEU). Berton erakundeak azkenengo urteotan bide batetik edo bestetik argitaratutakoak dauzkagu pdf formatoan jaisteko moduan, arloka eta gaika saillkatuta.

Geure intereserako honako arloak eta gaiak nabarmendu ditzakegu:

• Glotodidaktika gaiaren ingurukoak
• Euskara
• Hizkuntzalaritza eta filologia
• Txerrak Hizkuntzaren soziologia eta beste blogean ohartarazi duenez soziolinguistika atalean gauza interesgarriak daude.
• Itzulpengintza

Oro har arlo guztietako testu ugari topatuko ditugu. Adibidez hauek fitxatu ditut lehenengo batean:

• Irakurriz ikasi (2. argitalpena): Abel Camacho

• Euskara helduaroan ikasteko motibazioa: hainbat gogoeta: Josu Perales

• Helduen euskalduntzearen II. eta III. jardunaldiak

• Menpeko hizkuntzaren bizi-kemena: Nekane Arratibel Insausti, Marijose Azurmendi Ayerbe, Iñaki Garcia Fernandez

Asko gehiago daude, ibili eta deskubritu. Estimagarria benetan UEUren ekimen hau.

Estekak:

• Buruxkak
• UEU
• Albistea Sustatun, Argian eta EITB24n
• Aipamena Hizkuntzaren Soziologia eta beste blogean

Mihiluze Kike Amonarrizen konpainiak gidatzen duen EITBko saioak webgunea estrainatu du.

Saioaren ildoari jarraituta, umorea nagusi, eta hizkuntzarekin olgatzeko jokoak, jolasak, argazkiak eta bideoak. Interesgarria, eta bereziki ludikoa. Ikasleari (E)GAbonetako gantzak arintzeko gomendagarria. 

Flash jolasek ariketak egiteko ideiaren bat baino gehiago eman dezakete. 

Erabili.com-en Iritzi-muinetik atalean EiTBko kazetariek plazaratutako zalantzei bertoko euskara sailak emandako gomendioen eta erabakien berri ematen digute.

Euskara klaseetan sarritan agertzen diren gaiak jorratzen dituztela konturatu naiz. Baliabide interesgarria gramatika eta hiztegi kontuetarako gehien bat. Telebistako hizkera formalaren ikuspegitik eginda dagoen arren, hemengo kontu asko eguneroko hizkerara ekartzekoak dira. Edozelan ere, hizkuntzaren gaineko artikulu interesgarriak.

Orri honetan daukazue zerrenda. Ez dakit eguneratuta dagoen.

Hemen daukazue argitaratu den azkena,-LAKO ez da beti egokia. 

Dena dela, honen berri izateko onena erabili.com-era e-postaz edo RSS bidez harpidetzea.