Karrajua - rss - Comments

You

Benito — Tue, 13 Nov 2007 16:21:29 +0100

Plataforma hauek guztiak web2.0 zerbitzuak dira, hau da, erabiltzaileek eurek eraikitzen dute edukia eta ematen diote indarra lekuari. Beraz "nork" horri eman ahal zaion lehenengo erantzuna Time aldizkariarena da: You (erabiltzaileok alegia).

Munduan hizkuntzak ikasteko eta praktikatzeko eskaera handia dago, web2.0 zerbitzuen antolatzaileek badakite, eta zerbitzuak eskaintzen dituzte, seguru asko merkatu handia denez hainbat zerbitzu daude, eta gehiago eta hobeak sortuko dira arrakasta edukiz gero.

Eta bai, gu gutxi gara zerbitzu horiek aintzat hartzeko, eta erabiltzaileek eskatzen/erabilzen ez badute areago.

Puntu honetan Euskaltube zerbitzuaren sorreran piztu zen eztabaida gogoratu dut. Euskara ikasteari begirako web2.0 zerbitzu espezifikoa sortu beharko litzateke? Ala dagoeneko martxan dauden zerbitzuen baliabideak erabiltzen hasi behar dugu?

Ez dut uste presentzia kontua denik (barkatu baina berbatxo horri tirria apur bat diot), atarramendu kontua baino. Behar ditugu horrelako zerbitzuak? Ikasten lagunduko dute? Zein da bidea horretan partaideak aurkitzeko? Badago merkaturik azken batean?

Uste dut gure inguruan badugula web2.0 funtzionamendua daukaten zerbitzu batzuk, sarean ez ibili arren: Mintzalagunak. Euskara era boluntarioan praktikatu nahi duten pertsonak eta haiei laguntzeko prest daudenak zerbitzu batek batu eta harremanetan ipintzen ditu, gero haiek jarduten dute libre.

Eredu hori sarera ekarri daiteke? Beste hizkuntza batzuetan bai, bistan dago. Euskararekin ere egin daiteke? Ez dakit, baiezkoan nago hasiera baten, zelan ez daukat hain argi. Mintzapraktika.org izan daiteke lehenengo probalekuetako bat akaso.

Edozelan ere, trenari begira geratzen den behia nahiago dut trenari ipurdia erakusten diona baino. Lehenengoak behintzat, trena zer den hobeto jakingo du eta, beharbada, egunen batean igotzen ere ausartuko da.

Trena eta behiak

plisti-plasta — Tue, 13 Nov 2007 09:16:33 +0100

Azkenaldi honetan zu "teknoendredoekin" eta ni galderekin tematuta gabiltzanez gero, gaurkoan biak lotzen saiatuko naiz. Hara:

Nork hartu behar ditu livemocha edo ezagutu berri dudan palabea bezalako plataformetan euskararen taxuzko presentzia sustatzeko lanak?

Trena pasatu eta begira dauden behien antzeko piura geratzen ari zaigu batzuoi.

Egon badaude, baina

Benito — Wed, 31 Jan 2007 14:00:04 +0100

Ba, ez dakit zein gomendatu Jolaus. Bloglines aukera ona da, honelako kontuengatik ez balitz. Google Reader neuri ere egiten zait astuna. On-line agregatzaileen artean Rojo eta Alesti ere badaude, lehenengoak itxura ona dauka, baina apur bat geldoa izaten da, Alesti irakurtzeko ez zait erosoa egiten. Feedness dabiltza batzuk gomendatzen, baina ez dut probatu.

Nik dena dela gehiago erabiltzen ditut ordenagailuan instalatutakoak. Greatnews eta Feed Reader, eta pozik biekin. Great News-ek gainera, euskaratuta dago eta aukera ematen dizu pendrive batean batetik bestera erabiltzeko. Ez ahaztu Thunderbird-ek agregatzailea ere eskaintzen duela.

Beste aukera bat zerbitzaria daukagunontzat: norberaren gunean halako agregatzailea montatu. Karrajuan Drupalen aggregator modulua daukagu horretarako. Badira horretarako aplikazioak.

Aukerak milaka daude, dena dela ugaritasunak askotan gauzak zaildu egiten ditu benetan.

Ez dakit nik Bloglines oso

jolaus — Wed, 31 Jan 2007 12:28:09 +0100

Ez dakit nik Bloglines oso santu ote dabilen azken asteotan. Guk ere arazoak somatu ditugu gure jarioekin. Okerrena zera da; zein agregatzailera pasatzen naiz? Azkenaldi honetan Google Reader-ekin ari naiz. Baina honekin ere ez nago oso gustura: nahiko makal dabil, denbora asko behar izaten du jarioak biltzeko eta batzuk (del.icio.us-ekoak, adibidez) ez ditu behar bezala jasotzen.

Orain arte erabili ditudanen artean hoberena Outlookekin integratzen den NewsGatorreko aplikazioa izan da. Baina honekin ere arazoak; ikastolako sareko ordenagailu guztietan instalatu beharra daukat eta gainera ez da dohainekoa.

Zeinekin irakurri jarioak fundamentuz? zer erabaki ez dakit!

Ummmm! Txorierriko

Karrajua — Tue, 23 Jan 2007 14:09:34 +0100

Ummmm! Txorierriko mortxilakaz hasi naz amesetan...

Baina neska-mutilok, 43agaz gau-pasa egin barik!

Saiatuko gara, bai horixe

txerra — Tue, 23 Jan 2007 11:30:53 +0100

Eskerrik asko Benito. Gaur gauean saiatuko gara bigarrena egiten zure azalpenak jarraituta. Eskerrik asko berriro. Opariren bat-edo edukiko duzu laster.

Hemen daukazue (bat)

Karrajua — Tue, 23 Jan 2007 00:11:38 +0100

Tximintx-en blogerako hemen daukazu erresesea: http://feed43.com/tximintx.xml

Eta hemen nola egin dudan: http://karrajua.org/teknoendredoak/feed43

Ausartuko zarete bigarrena zeuek egiten?

eskerrik asko

txerra — Mon, 22 Jan 2007 18:17:22 +0100

Eskerrik asko, Benito. Baina ez duzu zertan gaur gauean egin, ez dauka horrenbesteko presarik.

Bale, bale,... Gaur gauean

Karrajua — Mon, 22 Jan 2007 18:01:53 +0100

Bale, bale,... Gaur gauean emango diot kolpetxu bat .

badakit geureak direla ...

txerra — Mon, 22 Jan 2007 17:49:51 +0100

Kontua da behin behineko zerbait edukitzea. izan ere, programatzaileak esan zida(gu)n denbora puska bat beharko zuela RSS horiek jartzeko. Ez da horren erradikala, txo.

Zeuen webgunea

Karrajua — Mon, 22 Jan 2007 16:30:08 +0100

Baina horiek biak ez dira zeuen webguneak? Zer software-rekin daude eginda? Seguruenik software horrek aukera emango dizue sindikazioa edo RSSa gaitzeko. Galdetu diozue webgunea kudeatzen duenari edo instalatu dizuenari? Baliteke software-aren bertsio zaharra izatea eta eguneratu behar izatea, baina horrelako CMS gehienek gaur egun sindikazioa eskaintzen dute.

Nahi baduzue feed43 edo horrelako batekin egin daiteke, ez da zaila izango. Baina, nire ustez, apur bat erradikala da eta bide errazagorik badago. Horrelakoak jarioa eskaini ez eta norberak kontrolatu ezin dituen webguneetarako erabiltzen dira batez ere. Probatu ahal dut, baina webguneko administratzailearekin berba egiten baduzue errazago izango da igual.

Orriak hauexek

txerra — Mon, 22 Jan 2007 15:53:35 +0100

Lehenik eta behin, erreseseatu nahi dugu aikor.com-en dagoen gure bloga: http://www.aikor.com/bloga/tximintx. Eta horrez gain aikor.com-eko albisteak eta artikuluak:
http://www.aikor.com/albistea/
http://www.aikor.com/artikulua/

Esker aunitz

Feed43

Karrajua — Mon, 22 Jan 2007 12:31:33 +0100

Feed43k berak eskaintzen dizun laguntza nahikoa ondo dago. Funtsean pauso hauek jarraitu behar dira:

Arakatu nahi duzun orriaren helbidea sartu. Extract sakatuta, orri horren kodea agertuko zaizu behean.
Bilatu zuk nahi duzun informazioa kodean non eta zeintzuk etiketaren artean dagoen.
Esan aplikazioari zer den bilatu behar duena.
Zer formatotan aurkeztea nahi duzun zehaztu.

Horrela azalduta ez dizu asko lagunduko seguruenik. Nahi baduzu, esaidazu zein den erreseseatu nahi duzun orria eta saiatuko naiz laguntzen eta bide batez adibidea ematen.

Bestalde, badira Feed43 baino aplikazio sinpleagoak, hain zehatzak izan ez arren. Feedyes duzu bat, eta Feedwhip bestea. Azken honek orrian aldaketa bat dagoen bakoitzean abisua bidaltzen du bai rss-tik bai e-postaz, dena dela, behar ez duzun informazioa ere bidaltzen du sarritan. Nik oraingoz topatu dudan onena, nahiz hasieran apur bat konplexua izan, Feed43 da duda barik.

Eskaritxo bat

txerra — Mon, 22 Jan 2007 11:57:15 +0100

aupa Benito:

Eskaera bat egin nahi dizut. Nik ere RSS jario batzuk ezarri nahi dizkiot webgune bati. Saiatu naiz zuk gomendatutakoak erabiltzen, baina ezjakintasunak ez dit utzi aurrera egiten. Tutorialen bat-edo ez da egongo, ezta?

HABEk zer kritikatu asko

Benito — Sun, 21 Jan 2007 19:34:51 +0100

HABEk zer kritikatu asko edukiko ditu, eguneratu berria den Ikasbil moduko webgune baten RSSik ez atontzea izan daiteke bat. Baina horrelakoekin kezkatzeari uzten hasita nago aspaldion.

Larriagoa da, nire ustez, azken HABE aldizkarian Ikasbil dela-eta irakasle baten adierazpenetik igartzen den modura, honetan gabiltzanon lanek ispiliruk ez edukitzea. HABEk Ikasbilen bidez bereak plazaratzen ditu, hobeto edo txarrago, baina beste erakunde eta pertsona guztienak non daude?

Nik honekin ez daukat Ikasbil kritikatzeko edo haren gabeziak agerian uzteko asmorik. Bakoitzari berea, eta Ikasbil-ek zoriontzeko gehiago dauzka kritikatzeko baino. Bakar-bakarrik niretzako egin baina besteontzako erabilgarri izan daitekeen lan bat konpartitu nahi izan dut.

Karraju honetan zabaldu nahi den ideia bat horixe da, gaur egun gure artean komunikatzeko eta konpartitzeko ez dugula inoren menpe ibili behar, eta gure artean hain hartu-eman gutxi badago ez dela HABEren erruagatik (soilik).

Hau honela esatea ez da politikoki zuzena izango akaso, baina kontrakoa frogatzen didan gutxi ikusten dut.