Karrajua - EAE - Comments

Habeko irakaslea

leire narbaiza — Tue, 02 Feb 2010 11:10:10 +0100

Josuri moduan nik ere mu-ni-ci-pal esan behar izan dut sarritan. Behin, lagun batekin fitxatzeko txartela erakutsi behar izan nion, ez zidalako sinesten.
Beste behin, Correos-eko bulegoan beste udal euskaltegi batera gutun bat bidali nahi nuen, baina posta-bulegoko zigiluarekin. Postariak esan zidan euskaltegiak ez zirela leku ofizialak; hau da, ez zirela administrazioa. Atzera ere atera behra izan nuen zorioneko txartela. Erdi-konbentzitu nuen.
Dena dela, ez da erraza izaten gure txolopote hau azaltzea.
Ondo segi, lagunok

Zaharrak berri

Benito — Sun, 31 Jan 2010 21:17:49 +0100

Bai gizona, eta "Ah ¿Pero en AEK hay que traer bolígrafo?"eta beste hainbat. Bistan da imajinario horiek ez direla errazak aldatzen, baina erakunde publikoetatik ere ez dute asko laguntzen batzuetan, adiibideak, Euskararen Berripaperarena bateko, eta aipatu dituzun kartelak besteko. Dena dela, hori oraindik ere horrela bada, seinale euskaltegien komunikazio-politikak ere nonbait egiten duela kale, ze, sentsazioa daukat euskaltegien imajinarioa ez dela 20 urtean asko mugitu.

Bestalde, txutxumutxu hori ez da hain berria izan. Seguruenik batek baino gehiagok pentsatu du: "Patxi Lopez HABEn ari da ikasten".

T(r)opikoak

Jozu — Sun, 31 Jan 2010 20:33:38 +0100

Zenbat aldiz ez ote dudan esan: "De HABE no, mu-ni-ci-pal, joder, mu-ni-ci-pal." Baina alferrik, oraindik jendearen imajinarioan, neure inguruan behintzat, bakarrik daude HABE eta AEK. Edo bestela, Bilboko "euskaltegi handiak" (pribatuak, alegia). Beste alde batetik ez dut inoiz ulertu "HABEren dirulaguntzaz" jarri behar izatea ikastaroen publizitatean, adibidez; ez litzateke egokiagoa Eusko Jaurlaritzak lagundua dela, besterik gabe? Eta, topikoak topiko, jendearentzat, badakizu, azterketak gainditzeko "a HABE" etortzen zaizkgu eta berbetan ikasteko "a AEK" joaten zaizkizue ;-)

Eta amaitzeko, inork entzuten ez gaituenez, txutxumutxu bat.

ups...

Iñaki Calvo — Thu, 17 Sep 2009 10:30:59 +0200

Egia da, okerreko esteka jarri nuen, hona hemen zuzena.

Orain Pluralekoekin neukan kontratua bukatu dut, baina haiekin kolaboratzen dut oraindik ere. Oso intereresgarria da eleaniztasunaren inguruan egiten duten ikerketa. Juliren lanaz gain, Margarida Cambrarena oso kontuan izatekoa da ere. Margarida taldearen ama da eta, duela gutxi arte, zuzendaria ere bazen. Europako Kontseiluarentzat hainbat lan egin du eta masterrean izan dudan irakaslerik onena da, zalantzarik ez.

Aurkezpenaren kontuari dagokionez, esperimentutxo bat besterik ez zen. Tresna horrekin ikaragarri erraza da halakoak sortzea!

Laster arte!

Eskerrik asko

Benito — Thu, 17 Sep 2009 00:43:32 +0200

Eskerrik asko informaziogatik, Iñaki. Zure blogeko lotura ipini duzu, ez mezuarena, baina zure erantzuna irakurrita gogoratu dut zelan esan zenuen blogean Plural taldean zabiltzala eta Palou duzula "nagusi". Lastima lehengo eguneko hitzaldiaz inork ezer komentatu ez izana. Badirudi hitzaldiaren grabazioaren DVDa HABEren liburutegian jarriko dutela eskuragai dena dela.

Portzierto, zure blogaren jarioa galduta eduki dut eta ez ditut zure azken mezuak ikusi. Oso interesantea EEMaren (MER) gaineko aurkezpentxo hau adibidez.

Erreferentzia onak

Iñaki Calvo — Fri, 11 Sep 2009 09:04:06 +0200

Kaixo!

Juli Palou gure ikerketa taldeko ikerlari nagusia da, nahi baduzue, hementxe daukazue gure web-orrian jarri genuen haren aurkezpena.Talde honetan urte bat baino gehiago daramat eta Juli fitxaje ona dela esan dezaket. Irakasle-prestakuntzan lan handia egiten du eta biografia linguistikoen gaian oso sartuta dago. Web-orrian taldearen bibligrafia osoa eskuragarri dago.

Laster arte.

Euskarari agindutakoak: EAJ, EA eta PP

Benito — Fri, 27 Feb 2009 19:42:00 +0100

Igande honetan EAEko hauteskundeetara aurkeztuko diren beste hiru alderdiren programen hustuketa egin digute erabil.com-en dagoeneko: EAJ, EA eta PP. PSE-EEren programaren euskarazko bertsiorik ezin izan dute eskuratu eta gaztelaniazko bertsioaren laburpena jarri digute pdf-n.

Hizkuntza politikaren barruan, helduen euskalduntze-alfabetatzearentzat erreferentzia hauek aurkitu ditugu:

EAJ

Hauek dira gure Konpromisoa eta Ekimenak...

I.- Sentsibilizazioa eta Sustapena

Hasierako urratsetan, euskararen ikaskuntza erraztea, lehenengo mailetan euskara erraza eskainiz eta hasierako maila horietako (A1 eta A2) oinarrizko ezaguerak, Europako markoan homologaturik daudenak, eskuratuko direla ziurtatuz.

Gazteen, euskaldun berrien, etorkinen eta aisialdiaren alorrean jarduten dutenen eremuan euskararen erabileran eragin zuzena duten egitarauei laguntzea lehenestea.

III.- Erabileraren sustapena

Euskara ikasteko banako diru-laguntzetarako zuzkidura gehitzea, HABEren 1. urratsa edo horren baliokidea eskuratzen duten ikasleen hasierako mailetan bereziki.

Euskaltegien sarea sendotzea, urtero 8.000 euskaldun berri izan daitezen.

Helduen euskalduntzearen arloan, euskaltegi sarearen ikasketa eskaintzen aniztasuna eta kalitatea sendotzea presentziazko zein semi-presentziazko ikastaro eta autoikasketakoen bitartez.

Etorkinentzat lehen mailako ikastaroak (AISA) eta ondorengo ikasketa orokorreko ikastaroak sustatzea.

Eusko Alkartasunak honako neurri hauek proposatzen ditu:

Euskara etorkinengana hurbiltzea, gizarteratu eta laneratu daitezen, eta beren seme-alaben hezkuntza-prozesuan inplika daitezen errazteko.

...

Helduak euskalduntzeko politikak berriz definitzea eta hobetzea.

Gizarte- eta lan-eremuan eta gainerako erakunde pribatuetan euskalduntzea sakontzea eta zabaltzea.

Hala nahi duten helduei euskara ikasteko aukera bermatuko diegu. Horretarako, HABEko ikastegien sare publikoa baliatuko dugu.

Euskarari agindutakoak erabili.com-en

Benito — Wed, 25 Feb 2009 13:19:37 +0100

Erabili.com-en Euskarari Agindutakoak atala ireki dute. Bertan EAEko hauteskundeetara aurkeztuko diren alderdiei hizkuntz-politikaren inguruan zer asmo duten erantzuten dute alderdiek, besteak beste helduen euskalduntzeaz diotena dugu hor.

Oraingoz Ezker Batuak eta Aralarrek erantzun dute. Hemen daukazue haiek diotena:

Ezker Batua

Helduak euskalduntzeko gaur egungo hezkuntza-egitura sendotzea eta eraldatzea:

Emaitza akademikoen araberako laguntzak handitzea eta orokortzea, harik eta doakotasuna lortu arte.

Irakaskuntza-sistemak teknologia berrietara eta ikasleen ezaugarri zein premia berrietara egokitzea eta finantzatzea.

Etorkinentzako programa bereziak sortzea eta euren aukera ekonomiko, denbora, ama hizkuntzara egokitzea eta/edo jatorrizko egoeradiglosikora ere bai: magrebtarra (bereberra/arabiera arrunta),hegoamerikarra (kitxua/aimara, gaztelania)...

Aralar

Helduen euskalduntzeari dagokionez sakondu egin behar da azkeneko urteetan eginiko lanean. Mesfidantzak eta lehia gorria alde batera utzi dira, eta badirudi gobernuaren eta helduen euskalgintzaren arteko elkarlana inoiz baino errazagoa eta, beraz, oparoagoa dela. Irakasleen lan baldintzak hobetuz jarraitu beharra dago, lanbidearen prestigio soziala handitzeko. Euskaltegien mapa osatzeari ekin beharra dago behingoz, helduen euskalduntzea ahalik eta eraginkorrena izan dadin. Eta dibertsifikaziorako aukerak aztertu behar dira, helduen euskalduntzeak esparru gehiago har ditzan. Honetan ere, ausardia beharko da.

Modelo berri bat eraiki behar da euskalduntzea, erabiltzea eta integratzea batera landuko duena eta horretan berbalagun eta antzeko ekimenek zabaldutako bideak sustatu behar dira.

Berbalagun egitasmoa bultzatu egin behar da, baliabidez hornitu, gero eta gehiago izango diren euskaldun berriei euskara erabiltzeko aukerak emateko ekimen bikaina delako.

Garagardoaldiarena eta bestea

Benito — Fri, 14 Dec 2007 18:47:45 +0100

Garagardoa batetik eta Batzorde akademikoa bestetik hari zoroa montatu dugu hemen. Ordena apur bat ipintzearren:

Garagardoarena. Santo Tomas eguna ez da batere ona. Bestelako konpromisoak egoten dira batetik, eta bestetik, garagardoaldi baterako baino garagardo-txakolin-sagardo uholdeko eguna izaten da gehiago. Nik, Josuk bezala, uste dut Gabonetako egun tonto horietako batean egin beharko litzatekeela. Kabareterak ere oporretan egoten dira eta.
Batzorde akademikoa. Egingo dugu berba (datozen egunotan etxean mezulariren bat ez bazait honelako batekin agertzen behintzat), baina beste hari edo mezu batean, ze, gauza bat eta bestearekin hari honek adar asko dauzka dagoeneko. Gainera oraindik ez dugu akta jaso.

Garagardoaldia

Josu — Fri, 14 Dec 2007 13:44:11 +0100

Santomax egunean, beti bezala, lanez lepo. Nigatik urtarrilean barikuren baten hobeto.

Akten kontuari buruz ez dauzkat gauzak argi: alde batetik errespetua zor zaie bilerakideei baina, bestetik, azken batean Karrajuan biltzen garenak ez gara hainbeste (ez dut Karrajuaren bisita kopurua gutxiesten, ez horixe! ;-) eta... agian interesgarria litzateke aktan agertzen ez denaz ere hitzegitea.

Informazioa

Benito — Thu, 13 Dec 2007 17:42:41 +0100

Bi kontu daude hemen.

Alde batetik, halako bilera batera norbaiten izenean joaten denak ordezkatzen duen erakundearekin eta sarearekin komunikazio betebehar batzuk edukiko dituela suposatzen da: txostena egitea, akta zabaltzea, erakundearen organoetan deskargua egitea... Erakunde bakoitzak bere komunikazio bideak eta protokoloak edukiko ditu.

Horrekin ez daukat zalantzarik. Nik neuk ere bileratik etorri eta neure apunteekin AEKrentzako txostentxoa prestatu eta didaktikako lankideei eta erakundeko koordinatzaileari bidali nien. Logikoa izateaz gainera, horrela daukagu zehaztuta gure funtzionamendu-arauetan, eta neure eginkizuna dela uste dut.

Nire zalantzak ez dira horrekikoak, blogaren ingurukoak baino. Hau ez da erakunde batena, eta hemen gabiltzanok geure kontura ari gara (gustura gainera). Bestalde, hemen esaten dena publikoa da, irekia.

Horrela izanda, bilera ofizial batean esandakoak eta gertatutakoak kontatu eta komentatzeko norainoko litzentzia (legala, etikoa eta kortesiazkoa) daukagula uste duzue?

Suposatzen dut erantzun bat izango dela norberaren zentzunak aginduko duela neurri handi batean. Baina, badiotsuet, neure zentzuna dikotomia batean dago.

Edo igual argi eta garbi daukat, baina beste norbaiti ere entzun nahi nioke.

(In)diskrezioaz

Aitor — Thu, 13 Dec 2007 16:17:56 +0100

Ni neu, hain zuzen ere, HABEko Zuzendaritza Batzordeko kidea naiz Bizkaiko UEen aldetik(bi urte daramat); eta bertatik atera bezain pronto, Gipuzkoakoarekin batera akta extraofizial antzeko zerbait egiten dugu eta atoan zabaltzen dugu UE guztietara. Bestela ez dago berri ofizialik, harik eta hurrengo bilera egin arte (eta urtean, gehien jota, bi izaten dira)
Bertan, ez dago inolako diskrezio-eskaera ofizialik. Egia esan, bileretan tratatzen dugunetik ez dago ezer ezkutatzekorik. Azpimarratzekoa, nire partetik behintzat, HABEren Zuzendari Joseba Erkiziaren jarrera irekia eta errespetuzkoa.Benetako ezuste atsegina.

Santo Tomas

Iñaki Murua — Thu, 13 Dec 2007 14:22:30 +0100

Egia esan egutegia bete samarra dago, eta egun horretan, neuk behintzat, areago oraindik.

Musa eta pokerra

Benito — Thu, 13 Dec 2007 13:24:49 +0100

Ni pokerrean postura igotzen eta zu musean kontrafalloan, kar, kar....

Argazkiak egin zizkiguten bileran, orduan pentsatu nuen nonbait publikatuko dela Batzordearena. Eta hain zuzen ere horren zain egon naiz zerbait komentatzeko, kortesiagatik-edo. Horrez gain akta ere egingo da, eta akta hori ere zabaldu egingo dela uste dut.

Bestalde, Batzorde Akademikoan euskaltegi-sare guztien ordezkariak gaude, hango informazioa beraz, honez gero sare bakoitzaren kanaletatik zabaldu dela pentsatzen dut.

Egia esanda, ni neu zalantzan nago honako organo ofizialetan tratatukoaren informazioa zabaltzeko eta komentatzeko norainoko litzentzia dagoen. Alde batetik, kortesia, formaltasun eta diskrezio arau (tazito) batzuk daudela pentsa daiteke. Bestetik, ofizialak diren neurrian, zuk aldarrikatzen duzun modura, jakiteko eta komentatzeko eskubidea ere beharko litzateke.

Ez dakit. Zer uste duzue zuek?

argazkia

Aitor — Thu, 13 Dec 2007 10:45:01 +0100

Musean esaten denez, "kontrafalloa" egin dut nahi gabe. Argazkiarena aipatu dudanean, HABEren bulegoetatik ikusten den panorama ederraz ari nintzen, besterik gabe. Orain zuk zeuk eman beharko dizkiguzu argazkien inguruko argibideak, osokontu pertsonala ez bada, noski.