Karrajua - karrajua - Comments

Ordenagailurik gabe

Aitor — Sat, 06 Sep 2008 12:56:31 +0200

Kaixo Benito eta gainontzeko lagunok!

Estimulanteen bila ari zara, Benito. HOna hemen udan aurkitu dudan bat: ordenagailurik gabe ere bizi daitekeela. Kontua da San Inazio bezperan guztiz hondatu zitzaidala aspaldiko tramankulua. Hala ere, herriko ziber batean sartu-irten batzuk egin ditut posta txekeatzeko.

Orduan denbora gehiago izan dut, besteak beste, irakurtzeko. Eta hemendixek datoz hona ekarri nahi ditudan estimulanteak.

Fikziozko hiru liburu irakurtzeko beta izan dut. Bata, norbere plazerrerako, Felipe Juaristiren "Ez da gaua begietara ailegatzen" (Erein) nobela dotorea, berezia, filosofia eta kontakizunaren artekoa, gogoetarako eta hausnarketarako aproposa, ez oso egokia ikasleentzat (hau da, konplikatuegia)

Beste bi, norberarentzat eta baita ikasleentzat ere egokia. Lehenengoa, Jokin Muñozen "Antzararen bidea" (Alberdania) Nobela ederra, interesgarria, harrapatzen zaituena, hari biko argumentu interesgarria garatzen duena (ETAren atentatu-saio batean hiltzen den ETAkide baten amaren egoera, guda zibilean Nafarroako Erriberako gertakizun lazgarriekin nahastuta); informazioa dosi txikietan eskainiz, intrigaz eta jakin-minez betetzen zaituena. Hizkuntza-maila dotorea, ona, goi-mailako ikasleentzat egokiagoa.
Bigarrena, Katixa Agirreren "Sua falta zaigu" izeneko ipuin bilduma (Elkar) Oso gustura eta erraz irakurtzen dena (2.mailako ikasleentzat egokia). Hizkuntzaren egokitasunaz gain, istorio arinak, atseginak, drama eta komedia tartekatzen dituztenak...

Ez dakit espero edo behar zenuena den, Benito; baina hona hemen nire uda edertu eta biziz hornitu duten osagaietako bat.

Saririk onena gune honetan

Ainhoa — Fri, 13 Jun 2008 17:06:14 +0200

Saririk onena gune honetan duzuen mugimendua da, zalantza izpirik gabe. Ta ziba dantzan jartzeko sokaz gain trebetasuna ere behar da (ni neu ez nintzen gai izan txikitan horretarako, arraioa!) eta zuek horretatik sobera.
Zorionak ematera baino gehiago eskerrak ematera natorkizu oraingoan, Benito, dantza honetarako trikitrixa jotzeagatik.

Sokatira

Benito — Thu, 12 Jun 2008 16:29:26 +0200

Tira, soka zati bategatik ez gara sokatiran hasiko, ezta? Gainera, sokatik barik, haritik tiratzea gustatzen zaigu, ezta?

Soka kontuak

plisti-plasta — Thu, 12 Jun 2008 14:32:00 +0200

'Ziba bai, sokarik ez; soka bai, zibarik ez' dio esaera zaharrak. Eta hemen dugu Benito soka eskean.

Ez al zara konturatzen zilarrezko ziba duzula eta guk egurrezkoa eta geuk ordaindutakoa? (horixe da gixon pobriaren patua).

Dena den, soka ez da sekula falta pobreon etxean eta prest naukazu muturtxo bat sikiera bidaltzeko. Hori bai, zelakoa nahi duzun esan beharko didazu: sokadantza, sokasaltua, sokamuturra ala... akaso... soka-lasterra? ;-D

Neuk soka oparituko dizut

arrikitaun — Thu, 12 Jun 2008 12:33:22 +0200

Neuk soka oparituko dizut dantzan jar dezazun, Zorionak Beni!!

Zorionak berriro

aitor — Thu, 12 Jun 2008 08:39:37 +0200

Zorionak berriro, Benito.

Zibarena, opari polita da, baina ez dakit oso egokia den alde sinbolikotik ikusita.

Beti puntu beraren inguruan biraka ibiltzeak ez du oso ondo islatzen Karrajuaren lana: biraka bai, baina HEAren hainbat arlo eta esparru ikutu eta sakontzen baititu.

Eta hor, txikota behin eta berriro astitzen zu, Benito.

fenomeno

Patxi — Mon, 19 May 2008 10:26:55 +0200

zorionak Benito, dana dala, ikusten dedanez lehenengo saria irabazi ez izana, Maite Goñiren kulpa da. Seguru logurez ibili zala epaimahaiaren bileretan, eta ez zuela nahikoa indarrez defendatu zure webgunea, bestela nola ulertzen da lehenengo sariak ihes egitea? Besteak ezagutu gabe, lehenengo sariak zurea behar zuen!

;-)

Felicitación.

José Miguel TICDEPLATA — Fri, 16 May 2008 16:57:19 +0200

Enhorabuena, premio espiral.
Saludos.
José Miguel.

Zorionak!!

Ricardo — Fri, 16 May 2008 16:32:36 +0200

Zorionak, Benito!! Datorren urtean urrezko domina, seguru.

Zorionak

Eneko — Fri, 16 May 2008 15:52:46 +0200

Apur bat berandu, baina Zorionak!!!

Blogs de Menciones? Aupa Karrajua osoa!

ZORIONAK,

Maite — Fri, 16 May 2008 12:46:07 +0200

ZORIONAK, BENITOOOOO!!!!!!!!!!!!!!!!!! Ez pentsa desagertuta nagoenik, mila gauza neuzkan esateko eta denbora gutxi. Egia esan, nire bizitza azkenaldi honetan kaos bat da eta kaos horren arrazoietako bat, gainera, zu zara. Bai, bai, zu eta beste ez-dakit-zenbat blog. Kontua da Espiral sarietako epaimahaikideetako bat izan nazela eta hortxe ibili garela buru-belarri lanean (hori gehi ikastolan nota guztiak, hitzaldiak, ikastaroak...). Enfin, uste dut daukadan lo falta hau siesta batekin ez dudala konponduko :-)!!!!

Baina gatozen harira. Badakizu karrajuako jarraitzale sutsua nauzula; beraz, zer esango dut nik zure merezimenduei buruz? Begi-bistako gauzak direnak, ba, horixe, begi-bistakoak dira; beraz, bakar-bakarrik ildo horretatik jarraitzera animatu eta ea etorkizunean ere errekonozimendu ugari jasotzen dituzun! Hori bai, eskarmentuagatik esango dizut saria eta gero lanean jarraitu beharko duzula, ze honekin aberastu ez zara gehiegi aberastuko. ;-)

Bestelako kontuen inguruko informazioa emateko idatziko dizut gero etxetik, orain korrika noa klase ematera!!!!

Zorionak bihotz-bihotzez merezitako sariarengatik eta muxu handi bat!

Zorixonak

txerra — Fri, 16 May 2008 08:35:52 +0200

Ikerregaz bat nator: tongoa izan da. Dena den, zorionak, lasai, hurrengo urtean sari potoloagoak baietz !!!! Segidu holan, eta sariei jaramon gitxi, beharra da inportanteena.

eksko III

Benito — Fri, 16 May 2008 00:07:22 +0200

@plisti: Krjua= sria=bnt+plstplsta+ot² +aitr+arktz+andni+irzknk+guztioooooooooooook

@a profa: ainda que falemos lenguas distintas, o noso e o mesmo lenguaxe. O non?

@tekno: ostraaaaas! Hori da hori zorionak emateko modua!!!! Probatuko dut, eta laster egingo diogu errepasoa.

Zorionak!

Teknopata :P — Thu, 15 May 2008 21:54:16 +0200

Zorionak, Benito, aspaldi merezita zenuen!

Ospatzeko, oparitxo bat prestatu dizut. Gogoratzen zor nizun Atariko SDK? ;)

WARNING: Work in progress

http://www.teknopata.net/?page_id=527

Zorionak!

A profa — Thu, 15 May 2008 21:13:35 +0200

Zorionak/Parabéns desde Galicia polo premio.