Karrajua - gramatika - Comments

Web diabolikoak

Benito — Mon, 19 Nov 2007 17:48:08 +0100

Gaur Mauro Entrialgoren komiki hau ikusi dudanean, ez dakit zergatik, eztabaida hau gogoratu dut.

Eguneraketak

Benito — Mon, 12 Nov 2007 14:11:58 +0100

Formatoari dagokionez badirudi berrikuntza dagoen bakoitzean pakete osoa jaitsi eta lehengoa ordeztu beharko dela. Hala ere, e-postaz jakinarazpena bidaliko dute, eta ez pakete osoa. Luistxoren zalantzetako bat.

Beraz, fitxategiak pdf-n edo xml-n ordenagailuan eduki eta hantxe kontsultatu beharko dira.

Nik neuk Euskaltzaindiaren arau guztietako testuan bilatzeko tresnaren bat estimatuko nuke, arauetako fitxategietan banan-banan bilatu beharrean. Online edo ordenagailuan. Edozelan ere PDFekin jarraitu beharko dugu.

RSSa oraingoz erabiltzeko asmorik ez dutela diote. Lastima, arauetarako ez bada, Plazaberrirako edo albisteak emateko behintzat ondo egongo litzateke.

Lizentziei dagokienez, ez dakit Luistxoren zalantza argitu den. Badirudi erabilera komertzialerako lehenengo eurekin hitz egitea baino ez dutela eskatzen.

Argibide gehiago

Ricardo — Sun, 11 Nov 2007 20:27:54 +0100

Irudi luke Euskaltzaindiak Luistxoren gogoetak irakurri dituela eta Plazaberriren ale bat atera du e-AEB zerbitzuari buruzko argibide gehiago emateko.

Harpidetza

Benito — Mon, 05 Nov 2007 16:42:10 +0100

Harpidetza eginda daukat dagoeneko, zerbait datorrenean botako dut, bitartean Euskaltzaindiak azalpen gehiago ematen ez badu behintzat (eta azalpenok ikusten baditut ).

Litzentziei dagokienez, deigarriena egin zitzaidan copyright eta CC lizentziak bata bestearen ondoan agertu zirela ikustea izan zen, biak jaitsitako fitxategian, ez webgunean. Eta ez dut ondo ulertu zein dagoen zein litzentziaren azpian.

Arazo bitxia planteatu duzu dena dela. Eskola edo euskaltegietarako testu liburu batean adibidez, Euskaltzaindiaren arau baten testua kopiatzeko Euskaltzaindiaren baimena eduki edo hari eskubideak ordaindu beharko litzaizkioke?

Badakit erantzun bat zein izango den: Ba! Lasai! Nor etorriko da gero kontu edo diru eske?

Bai, seguruenik, baina teorian ere hala da?

Euskaltzaindiaren erabaki arraroak

Luistxo Fernandez — Mon, 05 Nov 2007 15:18:30 +0100

Ez da ondo ulertzen zer egin nahi duen Euskaltzaindiak. Harpidetzeak beldurra ematen dit, ze orain eskaintzen dutena 6 Mb-ko zip bat da, eta ni ez naiz inon harpidetzen 6 Mb-ko fitxategi erantsirik bidal diezadaten... Kontua da ez dakidala hori bidaliko duten, ala zer. Karrajuan edo Filoblogian ausartagoak izango ahal zarete besteok jakin dezagun lehen bidalketa iristean zer ote den harpidetza hori!

Bestalde, Creative Commons NON-COMMERCIAL penagarri horrekin, badirudi debekatua geratzen dela arau hauen berrerabilpena liburu bat egiteko, edo edozein helburu komertzialekin. Irekitasunaren aitzakiarekin, giltzak jarri euskarari. Adibidez, Zuberoako herri-izendegi normalizatua. Ezin ote dugu Tagzaniara igo? Ba ez, tamalez, irabazi asmokoa da webgune hori (bizimodua Interneten irabazi nahi izatea da gure pekatua) eta ez, ezin da hor erreproduzitu Euskal Herriko herri-izenen zerrenda akademikorik. Wikipediarekin ere ez da bateragarri lizentzia hori, bestalde. Wikipedistek arauak jarraituko dituzte, baina haiek testualki Wikipedian azaltzea ezinezkoa da baldintza legal hauetan.

Magooren ajeak

Benito — Fri, 02 Nov 2007 18:44:22 +0100

Esan dut ba, musturren aurre-aurrean ere ez dut ezer topatzen. Eskerrik asko Rikardo.

Egia da jende asko oraindik ez dagoela RSS sistemekin ohituta, dena dela, jaitsi behar diren fitxategi horiek guztiak eguneratzeko sistema erabilterrazagoa izango ote da?

Arauen harpidetzaz

Ricardo — Fri, 02 Nov 2007 16:09:37 +0100

Nik zorte hobea izan eta harpidetza egiteko modua aurkitu nuen. Izan ere, e-AEB zerbitzuaren barruan bi azpiatal daude: Sarrera eta Harpidetza.

Arauen harpidetza egiteko sistema posta elektronikoaren bidezkoa da. Euskaltzaindiaren webgunean jarri duten formularioa bete eta, dirudienez, arau berriak jakinaraziko dituzte.

Niri ere RSS jarioak gehiago gustatzen zaizkit, baina onartzen dut oraindik jende askok ez dituela erabiltzen (zer den ere ez dakitela) eta errazago gerta dakizkiekeela mezu elektroniko batean jasotzea. Egokiena, nik uste, bi sistemak bideratzea izan zitekeen.

Eztabaida interesgarria

Benito — Sat, 20 Oct 2007 16:37:40 +0200

Garaigokoa blogean status-corpus kontu honetaz Xirikan agertu ziren artikulu pare baten berri eman zigun Txerrak. Soziolinguistika vs. filolologia edo? ;-)

Wazemank + Euskaltzaindia -

plisti-plasta — Sat, 20 Oct 2007 08:35:30 +0200

Aurreko mezua ez luzatzearren aipatu ez ditudan pare bat kontu ekarri nahi nituzke hona. Hara:

Argi dago hizkuntza baten korpusak eta estatusak ez dutela alde banatan jokatzen, anaia bikiak direla, alegia. Baina, nago Korpus izugarri loditu eta Status anorexiko dugulakoan. Egokia litzateke bati errejimen apur bat eginaraztea eta besteari gehixeago jaten ematea.

Txantxak txantxa, iruditzen zait arauzaletasunak, honelako markaje estuak, hizkuntzari ez diola behar beste arnasa hartzen uzten: galtzen (bai, galtzen) eta irabazten (Darwin, finean).
Kreazionista ugari ditugu inguruan, hizkuntza Jainkok edo Aitorrek sortu zutenekoa bezalakoa nahi dutenak. Ez al dira konturatzen erabilerak maiztu, zikindu, eta aberastu egiten duela hizkuntza? Zaindu dezagun zaindu behar den neurrian, baina utz diezaiogun bakarrik ibiltzen, beti eskutik helduta eraman beharrean.

Ni neu Korpus kontuetan zuzentasunak baino askoz gehiago kezkatzen nau egokitasunak. Batuak erregistro informala behar beste garatu ez izanak, batik bat. Benetako erregistro informalean aritu behar izateko euskalkira jo behar izateak eta euskalkirik sustraituta ez dagoen lekuetan gure umeek eskoletako patioetan nora jo ez izateak.

Mezu hauen iturburura bueltatuta, ETBko Euskara Sailera alegia, zera esango nieke: Wazemank + Euskaltzaindia - (arren, ez utzi gerorako, beranduegi izan ez dadin).

Mitozale baldresak

plisti-plasta — Sat, 20 Oct 2007 08:09:03 +0200

Akaso ezaguna izango duzun aspaldiko abesti baten letra dakarkizut Otto. Aproposa delakoan nago. Hona:

Zergaitik zara zu

mitozale baldresa,

aldrebesa?

Mitoa beti da

ametsaren ametsa,

ezereza.

Euskera garbi ta ederra

nai dozu, euskera utsa:

"bakalduna" ta "txadona"

"donoki" ta "arkatza".

Garbi, garbi, beti garbi

naiz ta aditu ez itza.

Garbikeri mito motza,

izkuntzen eriotza!

Zergaitik zara zu

mitozale baldresa,

aldrebesa?

Batzuetan gurpil zoroan jira-biraka gabiltzan sentsazioa izaten dut. Baina, badakizu: hain dira hilezkorrak mitoak!

Konfidantza

Benito — Thu, 18 Oct 2007 00:47:59 +0200

Ikasleentzat hausnarketa eta erabileraren azterketa predikatzen dugu modernook, sententziak itsu-itsuan jarraitu barik, arauak induzitzea, deduzitzea eta halakoak. Guk geuk berriz, hala egiten dugu? Hizkuntzaz dakigunaz fidatzen ote gara?

Mitoak

otto — Wed, 17 Oct 2007 16:53:34 +0200

Neuk ere irakurri dut erabili.com-eko eztabaida hori, eta ondorio bertsuetara heldu naiz. Zenbat bider ez ote ditugu Bittor Hidalgok deitzen dituen "mito" horiek lege bihurtu?
Euskararen mundu honetan, sentsazioa daukat askotan lege egiten dugula, ez soilik adituren bati-edo entzundakoa, baizik eta, euskaltegian bertan, irakasle "beteranoago" bati entzundakoak ere. Horren arabera irakasten dugu, nahiz eta euskaltegiko eta inguruko euskaldun guztiek beste lege bat erabili.
Jakin badakit ezin garela, zalantza bakoitzeko, Bittorrek egin duen bezalako ikerketa mardulak egiten ari; baina, ustez behintzat, baditugu horretarako erakundeak, datuen argitara gauzak garbi utzi beharko luketenak. Eta eragin, gainera, "mito" ustel horiek ez dezaten inoren gaitasuna kolokan jarri, Arkaitz Zarragak erabili.com-en kontatutako kasurik berriz izan ez dadin.

Umandi

Luistxo — Tue, 11 Sep 2007 08:43:20 +0200

Umandiren laguntzaile horietako bat ezagutu nuen nik, Gaspar Erkizia zena. Umandiren lan postumo bat, Asmo Iztegia apailatzen lagundu zuena.

Beharbada grazia egiten diezaguke, euskara batuaren kontra eta giro elizkoi batean euskara bultzatzen ibili ziren haien jarduna, baina frankismo garaiko Gasteizen meriturik ez zitzaien falta.