Karrajua - hezkuntza - Comments

Ardurak

Benito — Wed, 02 Jan 2008 01:54:58 +0100

Plistik esan du, honelakoak ez dira pasadizo hutsak izaten. Normalak, edo hobeto esanda, "naturalak" ere izaten dira.

Dena dela, Arkaitzek nahi ez lukeen hori gertatu aurretik, ez ginateke apur bat animatuko akaso ardura daukan norbaitek oskola itxi eta "betikoak betiko modura" batekin errematatu beharrean arazoa hor dagoela onartu eta konpontzeko ahalegina egingo duela ikustaraziko (ez soilik adieraziko) baligu?

Tururu!

plistiplasta — Tue, 01 Jan 2008 22:39:11 +0100

Ai, Arkaitz!

Amorrua ez da zurea bakarrik. Ba al daki zenbaitek honelakoak ez direla pasadizo hutsak? Ba al dakite zein den umeei igortzen zaien ezkutuko mezua: lana/ikasketak euskaraz vs. jolasa/dibertsioa espainolez? Ezagutzen al dute zein garrantzitsuak diren honelako egunak umeen biografia laburrean?

Pisako dorreak makur dirauela alde baterantz!

Borriquito como tú abestea merezi duen jende ugari dagoela oraindik gure bazter hauetan!

Tururu!

click eta think

plisti-plasta — Wed, 31 Oct 2007 09:03:26 +0100

Arrazoi duzu horretan. Laburregi eta sinpleegi esanda, eskola zaharrean irakasleak egiten ditu galderak eta erantzunak ematen. Hurrengo batean, galdera hori egiten zaionean, ikasleak erantzuna zein den jakin behar duelarik. Ondoren, bere gaitasun kognitiboei esker (nola egiten duen oso ondo ez badakigu ere) gai izango da (edo ez) jasotako ezagutza hori beste ezagutza batzuekin harremanetan jartzeko eta sintesi berri batera heltzeko.
Eskola zaharreko ikaslearen kulturan ez dago, bada, galderak egitearena sustraituta (honelakoak ditugu, egun, euskaltegietako ikasle gehienak).
Eta zer gertatzen da i-kasleekin, n-belaunaldiarekin alegia? Honelako ikasleek ere badituzte ajeak kontu honetan, click egin eta erantzuna/irtenbidea bilatu nahi dute segituan: baina errenkada hori beti ere galdera/erantzunari ote dagokio? Ezetzean nago. Begira zer dioen M. Aldanondo irakasleak "La interactividad no está en el click, sino en el think". Horixe da, bada, irakasleon lana: hizkuntza ikasketa praktikoa eta, aldi berean, erreflexiboa bultzatzearena: click & think, finean.

Sententziak

Benito — Mon, 29 Oct 2007 00:49:32 +0100

Ekarri dituzun gogoetan irakurrita, galdetu ala erantzun horretan, akordura etorri zait hizkuntz-klaseetan zenbat "sententzia" botatzen ditugun: "hau horrela esaten da", "honela ondo dago", "honela txarto", "horrela ez da esaten".

Askotan inork galdetu gabeko erantzunak ematen ditugula iruditzen zait. Ikaslea berez halako ondorio batera bakarrik ailegatu ezin balitz bezala. Epaiketarik gabeko sententziak edo.

Ederto Ainhoa! Programa eta

Benito — Sat, 12 May 2007 21:51:13 +0200

Ederto Ainhoa! Programa eta antolatzen dabilen jendearekin ez da galtzekoa izango.

MoodleMoot Euskadi 2007

Ainhoa Ezeiza — Sat, 12 May 2007 21:35:07 +0200

Kaixo!

bai, hala da, Euskadin antolatuko den lehenengo Moodle jardunaldiak egingo ditugu, eta benetan pozgarria litzateke euskaltegiko jendea bertaratzea, batez ere zuetako batzuok eskarmentu luzea duzuelako plataforma erabiltzen.

Gauza jakina da datorren ikasturtetik aurrera hala nahi duten euskaltegiek Moodle erabili ahal izango dutela beren betiko saioen lagungarri gisa edo online ikastaroak antolatzeko. Lehenengo jardunaldi hauetan asmo nagusia da elkar ezagutzea, esperientziak trukatzea eta, ahal bada, elkarlanerako bideak urratzea. Horretarako, ponentzia eta komunikazio zenbaitzuez gain, tailer moduko saioak antolatuko ditugu diseinatutako ikastaroak ikusteko eta ideiak trukatzeko.

Programaren oinarria definituta dago, komunikazioak zehaztea falta da, baina hori jendeak bidaltzen dituen laburpenak ikusita erabakiko dugu. Jordi Adell izango dugu geurekin, baita Rovira i Virgili Unibertsitateko Javi Legarreta ere. EHUkook hartu dugu gidaritza, baina egia esan, Deustukoekin eta Mondragon Unibertsitatearekin elkarlanean gabiltza, baita inguruan ari diren beste eragile batzuekin ere: Axular Lizeoa (aupa Juan ;-)), Ordiziako IKTeroak (Maite, afarira behintzat etorriko zara!), Software Libreko Euskadiko Enpresen Elkartekoak (ESLE)...

Ilusio handiz ari gara eta ilusio hori kutsatzeko esperantzan. Euskaltegietan ez dugu ohiturarik komunikazioak aurkezteko, baina behintzat zuen esperientziaren laburpena idatziko bazenute, ikusiko genuke non txertatu zuen proposamena.

Informazio gehiagorako, webgune honetara jo dezakezue: http://jmoodle07.ehu.es edo bestela zuzenean nigana: ainhoa.ezeiza@ehu.es

Uff, luze samar atera zait!! Mila esker Karrajuakooi lekutxo hau eskaintzeagatik :D

En todo caso...

eq — Fri, 02 Feb 2007 21:59:09 +0100

No conozco el eusquera, de modo que no sé si el motivo de citar una entrada de mi blog es el elogio o la crítica. En todo caso, el enlace no es correcto, de modo que en Habemos es correcto pueden juzgar por sí mismos. Saludos

Kurrikuluak...

Benito — Tue, 30 Jan 2007 18:36:48 +0100

Nire ustez aldatu behar dugun txipa askotan HEOK baino bastante lehenagokoa da. Eta ez dut uste predikatzen duguna eta egiten duguaren arteko disfuntzioak ideien asimilaziotik datozenik soilik. Konstruktibismoa ata AOIren aurretik aspaldian gabiltza komunikatibo adjetiboa aldaera guztietan aldarrikatzen adibidez, eta neuri behintzat gaur egun ere kostatzen zait hizkuntzaren ikuspegi komunikatiboa jarduera didaktikoetan (ez didaktikaren gaineko jardunetan) lokalizatzen.

Eta ez da erraza ez, presa gehiegi izaten dugu askotan aurrerakoi agertzeko (publizitatean gehien bat), eta ideia berriekin iraultza egin, lehengoa kentzeko eskatu, eta dogma berriak egiteko, ondo-ondo aztertu, probatu, landu eta baloratu barik sarri.

Edozelan ere, baliagarriak izan daitezkeen ideia eta bide batzuk onartu eta aldarrikatu ditugu urteotan, EKPetan idatzi eta zigilua ipini. Jakinda errealitatea barik erronkak direla gehien bat. EKPei errepasoa egin zieten HABEn duela laupabost urte, entregatu behar izan zirenean. Ohar batzuk egin eta hor daude. Curriculum-a hobekuntza tresna ere baldin bada, ez da sasoia, Valentziako horiek egin duten bezala, daukaguna eta nahi genuena alderatuta, buelta pare bat emateko? HEOKetik hasita jakina.

Beste kontu bat aipatu duzu. Laguntza. Galdera egingo dizut, zeuri eta irakurtzen duzuen guztioi. Laguntza hori noiz-zertan beharko zenukete gehien bat? Zer-nolako laguntza adibidez?

Laguntza dela eta, Makel(ele)ko post hau etorri zait burura: Habemos es correcto. Zergatik ote?

Arrazoi osoa duzu Benito.

Arkatiz Zarraga — Tue, 30 Jan 2007 16:03:09 +0100

Arrazoi osoa duzu Benito. Horretaz hitz egiten hasi beharko gara. Geuk ere HABEren Kurrikulumari begiratzen badiogu, ikuspegi konstruktibista batetik heltzen dio ikas prozesuari, baina gure kasuan arazoak bi izan dira. Lehena, eta garrantzitsuena, ebaluatu duguna eta ebaluatzeko modua ez dela aldatu, beraz, ikas prozesua ebaluatzen zenari begira egon dela. Bestetik programatzen eta materiala sortzen irakasleak ibili garela trebakuntza eskasarekin eta sortu diren material urriak lantzen ez dugula, agian, behar bezala asmatu. Irakasleok txipa aldatzeko laguntza handiagoa beharko genuke.