Karrajua - iktak - Comments

Etorkizuna sarean dago,

kokoteraino — Fri, 07 Mar 2008 20:59:12 +0100

Etorkizuna sarean dago, informazioa saretik ateratzen eta sarean sortzen dugu,gaur egun ezagutza garatzea ezinezkoa da "entxufatuta egon gabe".
On-line ikastaroak erabiltzen ditugu etengabeko prestakuntza delakoan trabatzeko, ezinbestean. Ba al dago besterik?
Beti bezala, irakasle onak eta txarrak egongo dira, plataforma onak eta txarrak, ikasle onak eta txarrak... baina etorkizuna hemen dago. Eta oraina ere bai.

Modernitatea

otto — Thu, 06 Mar 2008 18:14:34 +0100

Ikastaro bat on-line ematen ari naiz eta, aurreko baten, ikasle baten mezua jaso nuen; honakoa zioen:

"Hemen ari naiz, aste honetako gaia lantzen. Begiratuko dut berriro testuaren ezaugarrien ariketa eta bidaliko dizut. Agur bero bat eta mila esker zuen pazientziarengatik. Piskanaka lortuko dut teknologia berri hauek ulertzea!!! kar, kar, kar..."

Plistik oso ondo dioen moduan, teknologia tresna da; tresna baino ez. Baina, gauden fase honetan, tresnari ematen diogu garrantzi handiagoa, besteri baino. Ikasle horren aipamena sakon irakurri arren (corta y pega egin dut) nekez atzemango duzue zer ikastaro ematen ari naizen; baina bai, ordea, ze bide darabilgun emateko.

Eta, lankide batek esan zuen moduan, ordenadore pantailak ez digu uzten informatikaren aukerak probesten.

HABEkoek (beti abangoardian) apustu sendoa egin dute teknologian oinarritutako ikaskuntza bultzatzeko; ez dakit etorkizuna hor ikusten dutelako, edo formazio didaktikoan zer egin ez dakitelako.

Horrela, hainbat ikastaro eskaintzen ari da, Benitok dioen moduan: blog, wiki... Baina nago hemen ere tresnak ematen digula kili-kili handiagoa, horrekin egin daitekeenak baino.

Badut eskarmentua ikastaro horietan, ikasle rolean. Orain momentuan, badaukat, ondorioz, neure blog eta wiki propioak. Baina nahiago dut taberna hau zerbezak hartzeko. Erabili al ditut inoiz nire tresna horiek? Ez. Zergatik? Erabiltzen ez dakidalako.

Formazioa ezin da izan baliabide erakuste bat. Blogak egin ditzakegu, wikiak egin ditzakegu, dohain ditugu; bale, eta zertarako? Ez nauzue formatu horien erabileran; zer egin dezaket nik baliabide horiekin? HABEko teknikariek aplikazio didaktikoak eskatzen dizkiete ikasleei, eta gero horien batuketa eman feedbackean. Kito!

Eta, beste behin, finantziazioaren arazoa ere hor dago. Nire eskarmentuaren arabera, ikaslearen lan birtualak etxeko lantzat hartu izan dira eta, denok dakigunez, etxeko lanak ez dira diruz laguntzen. Eta ondorioz, esan beharko genuke, irakaslearen lana ez da ordaintzen.

Sinonimiak

Benito — Thu, 06 Mar 2008 17:19:23 +0100

Konforme zurekin Plisti. Azken batean hortik doa gogoeta. Dena dela, errezelo apur bat ematen didate egin daitezkeen sinonimia eta antonimia batzuek:

autoikaskuntza = teknologia
teknologia = birtualitatea
birtualitatea = online
online vs aurrez aurrekoa
aurrez aurrekoa vs teknologia
autoikaskuntza vs aurrez aurrekoa
teknologia vs aurrez aurrekoa
aurrez aurrekoa = taldea
taldea vs birtualitatea

EGA azterketa aspaldian gainditu arren, ez dut inoiz sinonimia perfektuan sinistu izan. Are gutxiago hitzen fakzioetan (badakizu beltzak eta berdeak).

Ikastaroak direla eta, hortxe dago asuntua nire ustez ere: teknologiak, birtualitateak zertan lagundu ahal digu? Horretarako zer teknologia-abilidade behar dugu? Edozelan ere, onartu behar da teknologia ezagutzeak azalerazten dituela aukerak sarritan. Baina bai, ikas-jarduerarako aukerak eduki behar dira gogoan beti.

Continuum

plisti-plasta — Thu, 06 Mar 2008 09:23:48 +0100

Teknologia bera tresna baino ez da, gero eta oharkabeagokoa izango dena gainera. Baina tresna honek ikaskuntzari (formalari zein informalari) dimentsio birtuala eranstea ahalbideratzen digu eta honexetan dago aldea.

Orain arte estuegi jokatu dugu honetan, bi eredu baino ez dira aurreikusi: aurrez-aurrekoa eta autoikaskuntza deituriko b-learning eredu nahiko mononolitiko bat (zeinak, halabeharrez, kate mozeegian lotuta badago ere, aniztasunera jo eta joko duen).

Nire ustetan zuk diozun continuuma dago, norabide bikoitzekoa gainera: presentzialetik e-learningera eta e-learningetik presentzialera.

Esan nahi da, bi muturren artean: aurrez-aurreko ikastaro hutsen eta ikastaro birtual hutsen (oraindik behar beste garatu gabeko esparrua)artean hainbat eta hainbat konbinazio posible daudela, segun eta zenbat birtualitate portzentaia eransten zaion ikasketa prozesuari.

Aniztasun hau ez da erraza arautzen eta administrazioak modulo jakin batzuk erregulatzera joko du, hori ere ulergarria da; baina ahalik eta kate luzeena erabili beharko luke ikaskuntza formalean eta ikaskuntza informalari dagokionez, arautu aditza sustatu aditz bihurtu, ezen esparru hau gero eta garrantzitsuagoa izango delakoan bainago.

Gaur egungo erronka nagusia ikaskuntza formalean apurka-apurka birtualitatearen potentzialtasuna sartzean datza. Garrantzitsua izanik ere, hori bezain garrantzitsua iruditzen zait e-learning hutsa garatzea eta ikaskuntza esparru informalak sustatzea.

Zeharkakoa bada ere, hortxe dago aipatzen duzun beste kontutxo bat. Sarritan egin egiten ditugu ikastaroak: direla blogak, direla wikiak... baina ez dira gero behar beste sustraitzen. Agian, konturatu behar dugu gauza ez dela wiki edo blog bat egitea, baizik eta gure ikasleen lana eraginkorragoa izan dadin zer nolako dimentsio birtuala behar duen erabakitzea eta ondoren horretarako beharrezko diren tresnak aukeratzea. Honela bakarrik, hau da, IKTeek ahalbideratutako dimentsio birtuala eskoletako kurrikulumean integratuta badago eta ebaluagarria bada lortuko dugu hasiera batean dimentsio hau sustraitzea. Ziur naiz, egoki aplikatzen bada eta eraginkorra bada, bidea egingo duela eta esparru informalera ere zabalduko dela.

Bideoa zabaltzeko sare pribatuak

Benito — Mon, 04 Feb 2008 03:26:09 +0100

Eskola edo erakunde baten zerbitzarian bideoak partekatzeko sistema antolatzeko pista teknikoak ematen dizkigute Funnymonkey-koek (ingelesez).

DIY: private Video Sharing for a school, a district, or an organization

Osagarria

Karrajua — Mon, 19 Nov 2007 17:15:35 +0100

Honentzako osagarri perfektua Jolaus IKTeroaren gaurko artikulua: Irudi, bideo eta audio editoreak online.

Mugitu edo... gelditu

Benito — Tue, 01 May 2007 03:20:52 +0200

Ikaskuntza "mugikorra" ez dut uste segapotoekin etorri denik. Aitzitik, esango nuke ikaskuntzaren lehen estadioa mugikortasuna izan zela. Hizkuntzen kasuan areago, in illo tempore hizkuntza ikasi nahi zuenak mugitu besterik ez zeukan, xede-hizkuntza "mugitzen" zen lekura.

Besterik da gailu mugikorren kontu hau. Ordenagailu estatikoen arlora eroaten izan dugu kontua azkenotan, zibergelak eta enparauak...

Eta tontamentean inguruan sakeleko komunikazioa suspertzen hasi da, eta web2.0rekin esan genuen modura, seguruenik komunikazio kode berriak sortu daitekze honekin ere (bai, Twitter-enak intrigatuta nauka).

Jatorrizko belaunaldi digitala aipatu duzu, eta bitxia egiten zait zelan web2.0 famatu honek edade batetik aurrerako jendeagan daukan arrakasta handiagoa gaztetxoen artean baino. Haiek, berriz, sakelekoa, kamara digitalak, media-erreproduzigailu eramangarriak eta halakoetan zaleago eta abilago dabiltzala iruditzen zait.

Funtsean, hizkuntzaren bidezko komunikaziorako euskarri berriak, eta ondorioz, seguruenera, adierazpide berriak ere bai.

Zer egin? Ez dakit ikasmaterialak diseinatzea giltzarria ote den, baliteke, baina, beharbada, ikastea ikasgelara ez dela mugatzen konturatzetik hasi, eta horrek eman ditzakeen aukerak jorratzeari ekin, maila teknologiko guztietan, betiko solasalditik azkenengo aparatoraino, eta komunikazioaren esparru guztietan.

Bide batez, Iparraldeko lankideek lehengo egunean esan ziguten hasi direla gailuak banatzen, eta hor dabiltza, zer-nolako entzungaiak sartu et haiekin zer egin pentsatzen.

Beno, Plisti, ez dizut esango Jolausek esan ez duenik. Edozelan ere, han edo hemen, estimatzen da zurekin jardutea. Eta jende gehiagorekin ere bai. Gure blogak irakurtzen duzuen besteokin alegia.

Guk segi, segituko dugu, eta konpainiarekin bada hobeto.

Mila esker, jolaus!

plisti-plasta — Mon, 30 Apr 2007 23:16:51 +0200

Zure hitzak eta Benitorenak biziki estimatzen ditut; eta animo bikoitzak jaso datozenengandik etorrita. Arrazoi duzu norberaren habia zaintzearena dela garrantzitsuena diozunean, baina hain dira denbora aldrebesak!; gainera, badakizu zein den kukuaren patua: "Maiatzean kuku, garagarrilean mutu".
Mila esker, dena den.

Gerotxuago luzatuko gara

Karrajua — Mon, 30 Apr 2007 20:41:56 +0200

Gerotxuago luzatuko gara erantzunean. Momentuz egiozue kukutxua Gabinete de informatikako hurrengoari: UMPC, ¿posible futuro de dispositivos móviles?

Edo Andoni Sagarnaren honi: Kokapenean oinarritutako zerbitzuak jakintzaren zabalkundean

Eta hasi gaitezen honako aparaturen batekin entrenatzen:

Maiatzeko olentzerorik balego!

Kukuari eskaera

jolaus — Mon, 30 Apr 2007 20:17:50 +0200

Aupa plisti-plasta.

Arrazoia duzu; tarteka-tarteka kukuarena egitea besteen blogetan ez dago batere gaizki. Baina blogarion ardura nagusiena gure habia ondo zaintzea izan beharko litzateke eta zurea aspaldi honetan nahiko utzita daukazu. ;)

Noiz heldu behar diozu berriro blogeatzeari? Goierritik faltan botatzen ditugu zure ekarpenak. Ea laster nire agregatzaileak sorpresatxo bat ematen didan eta Plisti-plastaren karpetatxoa betetzen hasten den! Animo!

ikaskuntza informala

plisti-plasta — Mon, 30 Apr 2007 18:55:19 +0200

Aupa, aspaldiko!

M-learninga dela, konektibismoa dela (IKTroena ere irakurri nuen)azkenaldian kezkatzen nauen kontutxo batez arituko natzaizu(e): ikaskuntza informalaz, alegia.
Duela gutxi arte, ikaskuntza formala (eduki sekuentzializatuduna,helburu orokorduna...)zerbait ikasteko modu estandarra eta ia bakarra bagenuen ere (autodidaktak txoro bakan batzuk ziren ia), azkenaldiontan IKTei esker, eta web 2.0 eta enparauen ikaskuntza kolektibo-kolaboratiboari esker, ikaskuntza formalaren ondoan izugarri hazten ari zaigu ikaskuntza ez-formala (joera honek gorantz egingo duela nabarmen aurreikus liteke, gainera).
Honen adibide gisa, lehengoan nire lankide batek ingelesa ikasteko erakutsi zidan lan-mahai birtuala daukat gogoan, bertan zituen berak atonduak nahi adina baliabide: hiztegiak,wiki-orriak, podcastak eta nik dakit ba!
Argi daukat belaunaldi berriek(jatorriz digitalak direnak) honantz joko dutela, ikaskuntza informal pertsonalizatu, transbertsal eta helburu zehatzdunera, alegia. Edo behintzat, ikaskuntza hau "rara avis" izatetik ohiko bihurtuko zaigula irakaskuntza formalarekin uztartuta edo ez.
Konforme, Rappelen lanak egin ditut eta honen aurrean zer?
Bada nire ustetan horretarako baliabiideak dituenak marko europearra kontuan hartzen duten material banku zabalak (Ikasbileko ariketak baino tajutuagoak) elikatu beharko lituzke; bertatik. bai ikas-irakaskuntza
formalak, bai ikaskuntza formalak jan dezaten.
Eta, bide batez, bi ikaskuntza moten arteko zubi eta uztarri izan litezkeen Berbalagun bezalako proiektuei duten garrantzia aitortu eta sustatu.

Bueno Benito, nahiko da gaurkoz. Ikusten duzun moduan , kukuak bezala beste batzuen habietan lardaskatzen hasia naiz. Beno, hori ere garrantzitsua dela uste dut;denok blogari aritu beharrean, beste batzuen blogetan kukuarena egitea ere ez dator txarto zenbaitetan. Ondo segi (baina, batez ere, segi).

Eskatu, eta gustura eman ere

Karrajua — Wed, 14 Mar 2007 16:19:20 +0100

Eskatu, eta gustura eman ere bai.

hasi egin behar

Patxi — Wed, 14 Mar 2007 10:52:55 +0100

Nik badaukat asmoa bat sortzeko, aurki. Ea zera ateratzen dan. Herri mailako gaietarako behintzat, neri izugarri baliotsua izan leikela iruditzen zait.

Horretara jartzen naizenean, eskatuko dizut laguntza seguruasko.

ideiatxo bat

Benito — Mon, 12 Feb 2007 21:09:55 +0100

Wikiekin zer egin daitekeen gora eta behera, Asapala elkartean egin dugun esperimentu txiki baten berri emango dizuet, ideia modura balio badizue-edo.

Elkartearen jardueren artean hilero antolatzen dugu Irakurlearen Tartea deritzan literatur-tertulia. Idazle bat ekartzen dugu bere liburu baten gainean berbetan, Julen Gabiria idazleak gidatuta. Elkartean mahatsorriak.org blog komunitatea antolatu dugu aurten auzoko komunitate lokal modura, eta komunitateko blogen artean Irakurlearen Tarteari zabaltasun apur bat ematearren bere bloga atondu genuen. Etorriko diren idazleen eta irakurriko ditugun liburuen berri emateko, eta saioen gaineko iruzkinak batzeko. Horrekin batera, konturatu ginen Julenek ekartzen dituela galdera eta kontu batzuk prestatuta, baina interesgarria izango zela saioaren aurretik liburua irakurtzen dugunok galderak edo eztabaidagaiak nonbait apuntatu ahal izatea, Juleni laguntzeko, edo, beste barik saioaren aurreko giroa berotzeko. Hori ez da wikia ba? Pentsatu genuen. Egin dezagun proba! Wikispaces-en txokoa zabaldu: http://tartea.wikispaces.com, saioen zerrendan liburu bakoitzari orri bat eman, eta liburua irakurri ahala hor apuntatzen ditugu galderak, ideiak edo burutazioak edo topatzen ditugun erreferentziak. Hemen daukazue adibidez hil honen amaieran etorriko den Andu Lertxundiren Ihes betearen gainean egiten hasi garena.

Ikusten duzuen bezala, oso ideia sinplea da, baina tontamentean gauzak apuntatzen dira, eta saioetan plazaratu izan dira batzuk. Era kolaboratibo eta irekian egina. Gainera, Wikispaces-ek kode zati bat ematen dizu beste webgune edo blog baten ipintzeko wikiaren azkenengo aldaketak ikusi ahal izateko. Blogaren eskuineko barran ikusiko duzue.

Ez da klaserako ideia izan, beste kontu baterako baino, baina baten bati ideiaren bat ematen badio, hor daukazue.

Jolausen iruzkina

Karrajua — Thu, 05 Oct 2006 17:13:42 +0200

IKTeroetako Jolausek nire iruzkinaren haritik tiratu du zabaldu.com-en, Katalunia eta gure arteko aldeak nabarmenduz, zeken-fama nork daukan eta nor zekena izan. Hemen iruzkina.