Karrajua - web2.0 - Comments

Eskemak apurtu edo eraiki

Maite — Fri, 13 Jun 2008 00:10:39 +0200

Erabat ados zuekin. Asko liatzen gara, gehiegi. Badirudi tresna berri batekin lanean hasterako, goitik behera menperatu behar dugula eta hori ez dauka zergatik horrela izan. Nik, oraindik ere, ez dakizkit erabiltzen ditudan tresna guztien funtzio guztiak. Ezta beharrik ere!

Kasu konkretu honetan -wikia lan-koaderno gisa- ikusi egin behar zenuten ze denbora gutxi pasa nuen ikasturte hasieran azaltzen zer zen: 20 minutu inguru eta listo! Baina, noski, ez nizkien erakutsi zenbat gauza egin daitezkeen wikiarekin. Bakar-bakarrik editatzen eta orriak sortzen erakutsi nien. Ezkerreko zutabean (nabigazioan)ikasturteko atal nagusi bakoitzeko orri bat sortu genuen eta, azkenik, bakoitzak bere firefoxeko barran bere koadernoa estekatu zuen uneoro eskura izateko. Gero, zerbait gehiago behar izan dutenean, beharrak hala eskatuta, beste gauza batzuk azaldu dizkiet. Hasieran, edozein gauza egin behar genuenean, esaten zidaten: "Maite, koadernoan gordeko deu? Orri bat sortuko deu hontako?" Eta nik:"Bai, bai, noski..." Beranduxeago, nik ezer esan gabe, batzuk koadernoa pertsonalizatzen hasi ziren eta beste batzuk nik alta eman nienean idatzitako esaldiarekin utzi dute ikasturte osoan zehar. Bakoitzak nahi izan duena egin du bere koadernoarekin eta hori garrantzitsua da nire ustez. Ohiko koadernoekin gauza bera gertatzen da: batzuek irudiez, argazkiez edo abestien hitzez betetzen dituzte eta beste batzuek, ordea, ez dute ezertxo ere egiten. Ba, hemen berdin-berdin.

Teknologia berriak ez dira helburu bat, guretzat oso lagungarriak izan daitezkeen bitartekoak baizik. Ni bat nator jolausekin, oraintxe bertan ideia berriak, esperientziak, praktika interesgarriak behar ditugu aurrerapauso metodologiko bat eman ahal izateko, irakasleak animatzeko, noraezean ez ibiltzeko, tresna horiek guztiak gure mesederako erabiltzeko eta ez gure etsai bihurtzeko. Nondik etorriko dira hauek? Horixe da nire zalantza... :-(

Eskemak apurtu edo eraiki

Benito — Thu, 12 Jun 2008 19:38:50 +0200

Ahotan erabitzen dugun konstruktibismoaren printzipioetako bat ikaskuntza dakigunaren gainean eskemak eraiki eta berregituratzea kontsideratzea ei da.

Hain zuzen ere, IKTen asuntoan pentsatzen dut askotan kontrako bidea egiten dugula, urrun-urrun joan eta gero hurbiltzen saiatu. Hasieratik ikaratzen dugu jendea alegia.

Adibidez, Maiterenari tiratuta, gure irakasleen eskemetan ondo errotutako ideia da "idazlanak zuzendu", mundu alienigena batekoa kasik "wiki". Tira, ba "wikiak" egiten ikasiko dugu barik, esan dezagun: "idazlanak zuzentzeko era berri bat ikusiko dugu". Wiki hitza seguruenik berez agertuko da, trauma barik. Eta agertzen ez bada, ez dut uste ezer gertatuko denik.

Erabat ados

jolaus — Thu, 12 Jun 2008 18:57:14 +0200

Atzo bertan izan genuen IKT dinamizatzaile bileran datorren urterako mintegien planifikazioaren gaia atera zen. Formakuntzaren gaiari heldu genionean Elkartearen proposamena betiko klitxeetan oinarritutakoa izan zen, alegia, openoffice ikastaroa, Google Docs ikastaroa, Wiki eta blogen ikastaroa... Saio mordoa alfabetatze teknologikorako soilik, aplikazio guzti horien aprendizaia Photoshop batenaren modukoa izango balitz bezala.

Nik planteatu nuen gabeziarik handiena ez datorkigula tresna menperatzetik, gabeziarik handiena alfabetatze metodologikoan dugula. Azken urteotako esperientziak zerbait garbi utzi badit horixe da: tresnak erabiltzen ikasten dugu baino gero ez dakigu nola erabili gelan, nola atera zukua. Helburuak zehaztea, hauen lorpenerako metodo egokiena diseinatzea eta egingo dugun ebaluazioa zehaztea da benetan lana eskatzen duena. Eta honetan oraindik oso berde gaude.

Internet berriaren ezaugarrietako bat horixe da hain zuzen ere: sortzen diren tresna tresna gehienak gauza sinpleak egiteko balio dezakete eta, ondorioz, erabilerrazak dira gehienak. Ahaztu gaitezen tresnen izen eta formazioaz eta zentra gaitezen gehiago helburu eta metodoan.

Mundu urruna

Benito — Wed, 11 Jun 2008 17:49:15 +0200

Aitor: ez ezazu pentsatu urruntasunean, inguruan daukazunari erreparatu, eta badakizu hemen gaituzuela besteok arritmatzen laguntzeko.

Josu: Maitek bota duen ideia horri ondo oratu behar zaiola uste dut neuk ere, eta teknologiarekin pilotarien estilora "gozatu" beharrean, gehiago jo behar dugula benetako aplikazio praktiko eta baliagarriak erakusten.

Eta Maitek, egin dituen guztien artean, adibide sinple eta eraginkorra eman zigun: idazlanak zuzentzeko modu garbiagoa eta erosoagoa. Gure munduan hau ez litzateke hainbat irakaslerentzat interesgarria? Beldurra eta urruntasun sentsazioa kenduz gero baiezkoan nago.

Larrabetzukoaz

Josu — Wed, 11 Jun 2008 15:55:49 +0200

Ni gai batzuetara ez nintzen heltzen, alfabetatze teknologikoan oraindik ez dudalako 1. "perfila" ere lortu ;-))) Bestela, geurera ekarrita, interesgarria egin zitzaidan Maite Goñiren ideia xume bat (*): wikia erabilarazi, baina wiki izena erabili gabe, "lan koaderno" deituta. Ikasleentzat ez ezik, lankide ditugun batzuen teknofobia gainditzeko bidea ere izan liteke. Gaurkoan ere, horretaz dihardute IKTeroak.

Eta, jakina, gaztaia, ardoa eta pernil apur bat eroan bagenu.. hobeto!

(*) Tira, Maiteren ideia "bat" jarri dut, baina asko izan ziren ezin interesgarriago...

mundu erakargarria, urrutiko mundua

Aitor — Tue, 10 Jun 2008 23:04:59 +0200

Eskerrik asko, zure kronika pertsonalagatik, Benito.
Egia esan, mundu hau gero eta erakargarriagoa zait, baina oraindik urruti samar geratzen da niregandik.
Ea apurka-apurka...

Ona

koldo — Tue, 29 Jan 2008 00:04:48 +0100

Oso polita. Ederra, neuri ere bertan izena emateko gogoa piztu zait.

Merezita

Benito — Mon, 28 Jan 2008 23:54:44 +0100

...baina gehiago nahi dugu!

Eskerrik asko denoi! Ez

Laburmetras a Trua — Mon, 28 Jan 2008 21:54:07 +0100

Eskerrik asko denoi! Ez genuen horren arrakasta espero.

ados

etxepel — Mon, 28 Jan 2008 16:42:17 +0100

Ados, Benito. Ez pentsa, hor zehar hainbat kontu txiki interesgarria ikusten dira eta "molestatuko" zaitut.

Mersi

Benito — Mon, 28 Jan 2008 13:32:07 +0100

Eskerrik asko Etxepel. Langilea deitzearena ez dakit zelan hartu, gehien miresten ditudenetako bat gurpila asmatu zuen alferra da eta. ;-)

Atoan edonork bota ditzake irukzinak, baina eduki nagusia sortu eta editatzeko erabiltzaile erregistratua izan behar da. Erregistroa momentuz mugatuta daukat, hau da, ezin da edonor erregistratu automatikoki, neuk eman behar ditut altak.

Ez da zentsura kontua, baina gaia mugatua denez (euskalduntza-alfabetatzea), eta gainera oraindino proba (beta) fasean dagoenez, hobe da horrela egitea.

Dena dela, edukia bidaltzeko interesa daukanak egin behar duen bakarra da nirekin honen bidez harremanetan ipini eta alta emango diot.

Beraz, Etxepel, zeuk ere Atoan-era gauzak bidali nahi badituzu, mezu batean esadazu erabili nahi duzun izena, pasahitza eta e-posta helbidea eta alta emango dizut.

langilea eta detallista!

etxepel — Mon, 28 Jan 2008 12:51:02 +0100

Langilea bezain detallista zara, Benito! Mila esker denagatik!
Langilearena, bistan da; detallistarena, askotan erakutsi duzu. Behin baino gehiagotan saiatu zara aurreko berri bati lehetasuna ez kentzearren. Honako honetan bezala. Izan ere, karrajuan sartzean "Atoan" hau ez da berehala ikusten, aurreko berriak ("Azken ordua") jarraitzen du.

Bueno, nik egunotan mezurik ez ikustean lasaitu txikia hartu dut,egia esan, aurreko mezu batzuetan parte hartzeko. Beste behin komentatu nizun mezuen pilaketak eragiten zuen ustezko agobio sentsazioa...

Atoan dela eta, izena oso egokia izateaz gain, tresna interesgarria delakoan nago. Egingo ditugu probak.

Edonola ere, tresna honetan orain badagoela iruzkinak egitea. Baina norberak testu labur berria edita lezake? Sartu naiz adibideetan eta ez dut honetarako biderik aurkitu.

2.0 ikasleak

Jabi — Sun, 27 Jan 2008 22:46:12 +0100

Ezagutzen ditut egileak eta benetan multimedia neskak dira. Ez dute kamara eskutik askatzen... Ta edizioa ere oso ondo geratu zaie.

Bideoa: iruzkina

Iñaki O. — Sun, 27 Jan 2008 17:27:13 +0100

Apa,
dotore, zoragarri, gaurkotua, eguneroko ogia, santurtziko
portuko sardinerak maila egokia eman dute; argi dago.
Zer esan: horrela bai neu ere euskaldun. Euskara bizian ziztu bizian edota TXISTU BIZIAN.

Jajajaja, a ze parrak egin

Maite — Sun, 27 Jan 2008 14:03:25 +0100

Jajajaja, a ze parrak egin ditudan! Euskaltegikoek "baxoerdi" batera gutxienez gonbidatuko dituzte, ezta?