Karrajua - HABE - Comments

Habeko irakaslea

leire narbaiza — Tue, 02 Feb 2010 11:10:10 +0100

Josuri moduan nik ere mu-ni-ci-pal esan behar izan dut sarritan. Behin, lagun batekin fitxatzeko txartela erakutsi behar izan nion, ez zidalako sinesten.
Beste behin, Correos-eko bulegoan beste udal euskaltegi batera gutun bat bidali nahi nuen, baina posta-bulegoko zigiluarekin. Postariak esan zidan euskaltegiak ez zirela leku ofizialak; hau da, ez zirela administrazioa. Atzera ere atera behra izan nuen zorioneko txartela. Erdi-konbentzitu nuen.
Dena dela, ez da erraza izaten gure txolopote hau azaltzea.
Ondo segi, lagunok

Zaharrak berri

Benito — Sun, 31 Jan 2010 21:17:49 +0100

Bai gizona, eta "Ah ¿Pero en AEK hay que traer bolígrafo?"eta beste hainbat. Bistan da imajinario horiek ez direla errazak aldatzen, baina erakunde publikoetatik ere ez dute asko laguntzen batzuetan, adiibideak, Euskararen Berripaperarena bateko, eta aipatu dituzun kartelak besteko. Dena dela, hori oraindik ere horrela bada, seinale euskaltegien komunikazio-politikak ere nonbait egiten duela kale, ze, sentsazioa daukat euskaltegien imajinarioa ez dela 20 urtean asko mugitu.

Bestalde, txutxumutxu hori ez da hain berria izan. Seguruenik batek baino gehiagok pentsatu du: "Patxi Lopez HABEn ari da ikasten".

T(r)opikoak

Jozu — Sun, 31 Jan 2010 20:33:38 +0100

Zenbat aldiz ez ote dudan esan: "De HABE no, mu-ni-ci-pal, joder, mu-ni-ci-pal." Baina alferrik, oraindik jendearen imajinarioan, neure inguruan behintzat, bakarrik daude HABE eta AEK. Edo bestela, Bilboko "euskaltegi handiak" (pribatuak, alegia). Beste alde batetik ez dut inoiz ulertu "HABEren dirulaguntzaz" jarri behar izatea ikastaroen publizitatean, adibidez; ez litzateke egokiagoa Eusko Jaurlaritzak lagundua dela, besterik gabe? Eta, topikoak topiko, jendearentzat, badakizu, azterketak gainditzeko "a HABE" etortzen zaizkgu eta berbetan ikasteko "a AEK" joaten zaizkizue ;-)

Eta amaitzeko, inork entzuten ez gaituenez, txutxumutxu bat.

ups...

Iñaki Calvo — Thu, 17 Sep 2009 10:30:59 +0200

Egia da, okerreko esteka jarri nuen, hona hemen zuzena.

Orain Pluralekoekin neukan kontratua bukatu dut, baina haiekin kolaboratzen dut oraindik ere. Oso intereresgarria da eleaniztasunaren inguruan egiten duten ikerketa. Juliren lanaz gain, Margarida Cambrarena oso kontuan izatekoa da ere. Margarida taldearen ama da eta, duela gutxi arte, zuzendaria ere bazen. Europako Kontseiluarentzat hainbat lan egin du eta masterrean izan dudan irakaslerik onena da, zalantzarik ez.

Aurkezpenaren kontuari dagokionez, esperimentutxo bat besterik ez zen. Tresna horrekin ikaragarri erraza da halakoak sortzea!

Laster arte!

Eskerrik asko

Benito — Thu, 17 Sep 2009 00:43:32 +0200

Eskerrik asko informaziogatik, Iñaki. Zure blogeko lotura ipini duzu, ez mezuarena, baina zure erantzuna irakurrita gogoratu dut zelan esan zenuen blogean Plural taldean zabiltzala eta Palou duzula "nagusi". Lastima lehengo eguneko hitzaldiaz inork ezer komentatu ez izana. Badirudi hitzaldiaren grabazioaren DVDa HABEren liburutegian jarriko dutela eskuragai dena dela.

Portzierto, zure blogaren jarioa galduta eduki dut eta ez ditut zure azken mezuak ikusi. Oso interesantea EEMaren (MER) gaineko aurkezpentxo hau adibidez.

Erreferentzia onak

Iñaki Calvo — Fri, 11 Sep 2009 09:04:06 +0200

Kaixo!

Juli Palou gure ikerketa taldeko ikerlari nagusia da, nahi baduzue, hementxe daukazue gure web-orrian jarri genuen haren aurkezpena.Talde honetan urte bat baino gehiago daramat eta Juli fitxaje ona dela esan dezaket. Irakasle-prestakuntzan lan handia egiten du eta biografia linguistikoen gaian oso sartuta dago. Web-orrian taldearen bibligrafia osoa eskuragarri dago.

Laster arte.

Zaila

Benito — Sat, 13 Jun 2009 03:24:21 +0200

Ez dauka beharleku makala Mujikak, ez. Euskara zaila da ikasten, bai. Horren arabera, lan zatarra tokatu zaiola pentsa daiteke.

Nago gobernu horretako batzuen ustez euskara Goldberg-en makinaren antzeko zerbait dela, denok ulertzeko moduan esan ahal dena behar barik konplikatzeko kapritxa. Edo Prokustoren batek ohean sartu dituela sentitzen dutela, norberaren handitasun linguistikoa burdinezko ohe gogor batean sartu arte estutzen dituela. Edo beti mendiaren hegal batean daudela, beste aldea Föhn-en bizileku eternoa dela uste dute, laino beltza eta lanbro zarratua baino ez dute irudikatzen han.

Nor, zer, nola

Benito — Wed, 10 Jun 2009 19:17:16 +0200

Bakigu nor, interesgarriena falta da orain: zer eta nola?

Hala izan bedi, aska balegi

Ekidazu — Wed, 10 Jun 2009 18:24:07 +0200

Hala izan bedi, aska balegi tronua.

Moodlemoot Euskadi 09

Ainhoa Ezeiza — Mon, 18 May 2009 16:46:07 +0200

Oraindik tartea hartzeko nago moodlemoot Euskadiren neure ikuspegia idazteko, bai antolatzaile gisa, bai iKide taldeko gisa, bai euskal-sarauaren erantzule gisa... Gero eta identitate gehiago ditugu eta denei erantzuteko gai izatea zaila da oso, baina hitz ematen dut zereginak beteko ditudala ;-)

Honako hau nire ikuspegi subjektiboa da moodlemoot-eko euskara irakasleen ez-konferentziaren inguruan, antolatzaile (ez-antolatzaile) gisa:

Oso garbi dut lankidetzan dagoela gakoa, erakundeez ahaztu eta pertsonen artean eraiki behar direla zubiak. Baina oso kontziente naiz bide malkartsuak direla tarteko, tentsioak, arazoak, gaizki-ulertuak eta arazo fosilizatuak.

Horregatik ez zegoen plan zehatzik bileratxorako, "B Plana" prest genuen badaezpada baina aurpegiak eta jarrerak sentitu nahi genituen batez ere. Arintzeko estrategia eskaxak prestatu genituen (pastak+patxarana, nola ez) baina tentsioa sentitzen zen. Ez helbururik, ez ibilbiderik aurrez ezarri ez genuenez, eskerrak eman nahi dizkizuet gerturatu zinetenoi, jakin gabe "entzerrona" bat izango zen edo trukotxo teknikoak trukatzeko espazio tekniko-didaktiko bat. Beharbada hurrengoan egingo dugu azken hau.

Bi proposamen-iradokizun-ideia:

Alde batetik, SUEkoon ikuspegia jakin nahi nuen. Moodlemoot-etan urtero elkartu baina inoiz ez dugu denborarik izaten hitz egiteko eta oraingoan ere, askorik ez. Lan asko egiten ari dira eta ez dute gure komunitateko askoren atxikipena lortzen. Itzulpenetan ia bakarrik aritzea latzegi suertatzen ari zaiela iruditu zait, ilunegi eta eskertxarrekoegi. Baina nire ustez, euskara irakasleok ez gara itzultzaile edo ez da hori gure ekarpen onena. EHU inplikatzeko garaia heldu dela uste dut, bereziki halakoetan aditu direnak inplikatzeko (filologoak, itzultzaileak, zuzentzaileak...), eta zubi-lanak egiten hasiko naiz, ea zerbait serioa ateratzea lortzen dugun.
Beste aldetik, oraindik kosta egiten zaigu materialak mahaigaineratu eta partekatzea. Dinamika falta da eta dinamika hori hedatzeko segur aski lehenik mikrodinamikak sortu behar dira eta gero mikro horien arteko zubiak eraiki. Horregatik, Andoni Tolosa, Maite Goñi eta hirurok urratutako bideari segiko diogu eta hemendik aurrera, pauso horien berri emango dugu moodle.org euskarazko gunean. Bakarrik bagaude, ba beno, baina gure arteko trukeak hara pasata, publikoago egingo dugu lana eta errazagoa izango da jendea erakartzea. Kontua ez da mila blog, sare eta abarren artean zatikatzea, baizik eta moodle ikastaroak diseinatzeko eta koordinatzeko foro bat sortzea.

Beti abiatzen naiz porrotaren posibilitatea buruan, horrela hortik gora eraikitzen den guztia arrakastatsua izango da. Bi lagun nahikoak dira elkarlanari ekiteko, mikrotalde honetan hiru gaude gehi Andonirekin AEKn ari diren guztiak, hori asko da. Mikrotalde gehiagorekin trukatzen has bagaitezke, askoz hobeto.

Hemendik aurrera hemen idatziko dugu horretaz, foroa irekitzen diguten bezain pronto: http://moodle.org/course/view.php?id=42

Norberak erabaki dezala nork bere izenean egiten duen lan, bere erakundearen izenean edo anonimoki, hori hasieratik zehaztu eta hala "roilo txarrak" murriztuko dira. Nik neuk EHUko iKide taldearen izenean egiten dut lan.

Besarkada bat denoi!

Argituta

Benito — Mon, 18 May 2009 16:44:52 +0200

Bai, orain konturatu naiz gaizkiulertu hori gerta daitekeela. Zure izena aipatu nuen partaidetzari buruz egin zenuen ekarpena zela eta egia esanda aurreko HABEko hori kenduta ez zen ezer pasatuko.

Primiziei dagokienez, HABEtik etorri zen beste teknikari batek -informatika sailekoa uste dut, ez dut izena gogoratzen (barkatu)- eman zizkigun primiziook, ez Iñakik. Baina ez-konferentzia eta guzti, ekitaldi publikoa zen hura, eta horren berri emateko asmoa eta onespena egongo zirela suposatu nuen, hau da, HABEk MoodleMoot honetan ofizialki zabaldu nahi zuen albistea, eta horregatik jarri dut HABEkoek subjektua perpaus horretan. Barkatu honek inori nahasteak edo endredoak ekarri badizkio.

Bestalde, interesgarriak iruditu zitzaizkidan partaidetzaz-eta esan zenituenak, partaidetza eta lankidetza predikatzen ditugu erraz eta pentsatu ohi dugu borondate hutsarekin etorriko direla, eta partaidetza ere landu beharreko elementua dela ondorioztatu nuen hain zuzen ere.

Dena dela -eta hortik excusatio-arenak- une batean (erakundea-norbanakoa tentsio horretaz aritu zinenean) HABEko teknikarien parte-hartzeaz zerbait justifikatu beharko balitz bezalako sentsazioa hartu nuen. Akaso ez da hala izango, baina tonoak sentsazio hori eman zidan, zoritxarrez.

Enpin, azken batean sektore honetan partaidetzaz eta lankidetzaz batzuk behintzat arduratuta gaudela dirudi. Ainhoak-eta eskatu zuten moduan, ea pausoren bat emateko gauza garen. Izan ere, Ikasbil2.0 horrek adibidez horren beharra izango du, ezta?

MoodleMoot Euskadi 09

Iñaki Murua — Mon, 18 May 2009 15:35:44 +0200

Arratsaldeko saioaz egin duzun laburpenari ohar batzuk nire partetik, Benito (egun osokoak luzeegi joko luke)

- HABEko kide gehiago izan zen tartean baina azaldutako izen bakarra neurea. Are, izen gutxi aipatzen duzu eta oker ez banago izen-deiturekin bakarra berriz ere neurea. Hau honela, argitu "primizia"ren kontua ez nuela neuk plazaratu.

- Ideiak antzekoak izan arren, aipatu nuen ikerketa beste bat da (Hizpide 64an argitaratua laburpena euskaraz)

- Puntu gehiago aipatu nuen, hala nola, partekatzeko ereduaren mugak, erakundea-norbanakoa tentsioa elkarlanaz ari garenean, euskaltegien eragin-esparrua era presentzialean eta Interneten... Eta asmoa behintzat, "excusatio non petita..." horretatik urruti. Sentitzen dut hala hartu izana.

Ondo segi eta hurrengora arte.

Esperantzak eta itxaropenak

Benito — Wed, 01 Apr 2009 17:46:23 +0200

Bai Iñaki, horrela gabiltza gehienak: zalantzak asko, mesfidantza nagusi eta argi gutxi. Edozelan ere, ezkorra izanda errazago da gauzak espero baino hobeto joatea gerokoan.

Aitor. Zelan joan zen? Ba, aipatzeko moduko askorik ez. Adierazle sistemari buelta pare bat, datorren ikasturteko hasiera ekitaldirako proposamen pare bat eta ezer gutxi gehiago. Agur argirik ere ez. Nahikoa normal, normalegi esango nuke. Zer datorren eta zer ez datorren neu behintzat joan nintzen modura etorri nintzen.

Eta zertan geratu zen?

Aitor — Wed, 01 Apr 2009 08:37:52 +0200

Batzorde Akademikoa izango zela idatzi zenuen, Benito. Baina zer gertatu zen? Zer esan zen? Agurra emateko soilik izan zen? Zer nolako inpresioak atera z(en)ituzten bertan izandakoek? Aurreikusten da nortzuk izango diren buru berriak? Ba al dago kontatzerik?

Baikor izan nahi nuke, baina ezin.

Iñaki Calvo — Wed, 01 Apr 2009 00:33:47 +0200

Ikusiko dugu zer egiten duten boterea eskuratzen dutenean, baina orain artekoak ikusita ez dut uste baikor izateko arrazoi askorik dagoenik. PSE-k dagoeneko hauteskunde garaian esaniko gauza asko ahaztu dituela ematen du eta ez ninduke harrituko etorkizunean haien hauteskunde-programan euskararen irakaskuntzari buruz esanikoak ere ahaztea gero hauen ordez politika okerragoak martxan jartzeko; are gutxiago PP-ren mende daudela ikusita.

Ene uste apalean, gobernu berria gobernu anti-abertzale lez sortzen da; azken finean, haien aliantza ulertezina abertzaleak Jaurlaritzatik botatzeko helburu konpartituan datza. Haiek haien buruei "ez-nazionalista" deritzete, baina "espainar-nazionalista" esango nieke nik. Ezin dugu ahantzi haien ekimenak direla hainbat euskal instituziotara espainar bandera ekarri zutenak. Hau guztia eta Nafarroako aurrekaria kontuan izanik, beldur naiz haien erabaki politikoak euskararen erabilpena sustatu baino gutxiagotzera zuzenduta egongo direla.

Bestalde, alderdi bi hauen ordezkari garrantzitsuenen artean euskaldun gutxi dagoela agerian dago. Nork esango luke PSE alderdi euskaltzalea denik? Eta PP? Nork espero du gobernu berriak euskara sustatzeko ahalegin handirik egingo duenik?

Baikor izan nahi nuke, baina hau guztia kontuan izanik, ezin.

Oker egotea espero dut...