Karrajua - irakasleak - Comments

Helduen euskalduntzea

Benito — Fri, 11 Jul 2008 01:10:35 +0200

Eskerrik asko, Txerra. Irakurri dut Erramunena. Helduen Euskalduntzea erabilerarekin lotu bai, "persona helduen euskalduntzea areagotuko dan, hartarako erabileran eraginez" dio. Ez dut ondo interpretatzen zer esan nahi duen baina.

Zer esanik ez dago HEAn dihardugun gehien-gehienok horixe daukagula gogo-ametsetan, gurekin ikasten den euskara bizia izan dadila, eta "erabil" dadila. Galdera betikoa da hala ere (hari honetan planteatu duguna hain zuzen ere), "Zelan?". Nola lortu helduaroan euskara ikasi duten horiek euskara erabiltzea?

Dena dela, artikulua datorren ingurumaritik etorrita, interesgarria izango litzateke hangoek gogoan zer duten jakitea.

eta lotura ahaztuta

txerra — Tue, 08 Jul 2008 16:08:02 +0200

http://www.bizkaie.biz/blogs/bg3/?p=42

Erabilera eta helduen euskalduntzea

txerra — Tue, 08 Jul 2008 16:07:18 +0200

Aitzol izeneko batek komentarioa utzi du nire blogean Erramun Osak egindako artikulu bati. Eta Erramunek espreski lotzen du helduen euskalduntzea eta erabilera (nahiz eta Aitzoli despitatu). Ikuspuntu berria ote da? Interesgarria litzateke horretan sakontzea.

oporrak behar

aitor — Fri, 04 Jul 2008 14:48:51 +0200

Zuk, Josu, oporrak ez dakit merezi dituzun, baina behar, behar dituzu, alajaina! Hori zotin zibernetikoa daukazuna, txo! Ez dakit Galdakaoko haizeak kalte eginda edo..

Ez agurrik, ez pertsianarik

Benito — Fri, 04 Jul 2008 11:47:53 +0200

Lantokian ez gara egongo batzuk (ez denak, bistan dago), baina Karrajuak ez dauka pertsianarik, Aitor, munduan ordenagailu eta konexio gehiegi daude horretarako batetik, eta burua eta begiak ezin dira amatatu bestetik.

Beraz, erritmoa jaitsi bai, baina Karrajuak irekita jarraitzen du.

Hori bai, uda ondo-ondo pasa denok, oporretan zein lanean.

Opoporrak

Josu — Fri, 04 Jul 2008 09:35:28 +0200

Hau po, hau popo, hau popoz handia... Opo, Opopo, Opoporrak!!
Ondo ibili guztioi, eta kargatu pilak!

Agur

aitor — Fri, 04 Jul 2008 08:38:27 +0200

Baita zuk ere, Benito.
Nik uztailean ere harreman berriak hasteko "zortea" izan dut, taldetxo batekin hasi bainaiz.

Edonola ere, badirudi gure "txiringito" honek pertsiana jaitsiko duela. Esperientzia interesgarria eta atsegina izan da ikasturte honetakoa. Aurrez aurre ez egon arren, gure ziber-tresna hauek ere laguntzen dute hartu-eman jatorrak izaten. Datorren ikasturtean gehiago... Ordura arte, faltan izango ditugu zure oharrak, gogoetak, zirikadak e.a., Benito.

Bitartean, ondo pasa oporrak guztiok.

Hurrengoan pentsatu

Benito — Thu, 03 Jul 2008 18:42:38 +0200

Tira, pentsa dezagun laster datorrela beste partida bat, eta jende berria ezagutu eta giro ona berriro pizteko aukera izango dugula.

Baina, hori bai, bitartean oporrak.

Ondo pasa uda!

harreman sarea

leire n — Wed, 02 Jul 2008 12:01:12 +0200

Kurtso amaierak estresanteak badira ere, tristezia puntu bat badaukate; iraungitze-datarengatik.
Orain, gainera, gizartea aldatu denez gaitzagoa da taldean talde-giroa sortzea. eta hori lortzen denean, pena da apurteza.
Baina, c'est la vie! Ze eingotsau, ba?

Lan eskaintza AEKn

Bea — Sat, 05 Apr 2008 10:19:48 +0200

Adio Katixa.

Dena hemen azaltzea doi bat luze litzateke, ez baitakit zer xerkatzen duzun, ez eta xuxen nun ziren gaurko egunean. Hazparnekaldean? Hoberena gurekin harremanetan sartzea duzu. Pean jartzen dizkizut Iparraldeko bulegoetako xehetasun guziak. Nahi duzunean deitu, eta elkarrekin ikusiko dugu. Ados?

Ondoko egunak arte.

Iparraldeko AEK
Marengo karrika, 22a
64100 Baiona
aek(a bildua)wanadoo.fr
05 59 25 76 09

Lan eskaintza

Benito — Fri, 04 Apr 2008 18:59:07 +0200

Kaixo Katixa,

Lan eskaintza hori AEK-k egin du. Haiekin jarri behar duzu harremanetan galdetegi honen bidez (klikatu).

Argitzearren

Benito — Fri, 04 Apr 2008 16:30:34 +0200

Batzorde akademikoa HABE eta euskaltegietako ordezkarien arteko organo kontsultiboa da. Hain zuzen ere, HABEren 25. urteurrenaren inguruan egin nahi direnak direla-eta iritzia eskatu zenean, ordezkari batzuek mahai gainean jarritako kontua da irakaslearen lanaren errekonozimendu publiko eta sozialarena. Beraz, ez da HABEren edo Batzorde Akademikoaren ez erabakia, ez adostutako puntua, han iritzien artean aipatu zen kontua baino. Horrez zer emango duen? Ez dakigu bada, baina mahai gainean jarri behintzat, jarri da.

Hortik aurrerakoak, "Irakasle Power" horrena besteak beste, hemen hari tiratuta egin dugun hausnarketa-psikolastoa besterik ez da.

Bestalde, esan dituzunak irakurrita, han bota zen beste kontu bat gogoratu dut: HABE eta euskaltegien arteko harreman historiko zaila. "Lubaki" hitza bota zela uste dut. Lubaki horiek hor daude oraindik. Zuk HABErekin daukazun pertzepzioa, aldeak alde, askorena da duda barik, eta arrazoiak egon badaude. Esango nuke orokorrean kostako dela aurkitzea HABEri 5etik gorako puntuazioa ematen dionik.

25 urteurrena izan dezake HABEk pertzeptzio horri buelta emateko aukera, eta hala ulertarazi nahi izan zela begitandu zitzaidan.

"Irakasle power" horren "power" gehiena gure eskuetan dago hala ere.

Irakasle power

kokoteraino — Fri, 04 Apr 2008 09:43:23 +0200

Lotsagarria iruditu zait, oso gustu txarrekoa Batzorde horrena

Irakasleon lana saldu!!!!! Popatik. Lanbide honetan nagoenetik HABEtik mehatxuak baino ez ditut jaso: matrikulazioaren beherakada iragartzeko txostenak (Legebiltzarrekoa ez dut ahazterik), hasierako mailak desagertuko zirelakoa, HABEko euskaltegien desagerpena, (udal) euskaltegi batzuen itxiera,ikasleen behar berriei egokitzeko erakundearen malgutasun falta, irakasleon prekarietatei aurre egiteko gogogabezia...

Horiek guztiek gure lanaren errekonozimendu gisa

Irakasleok, berriz, oso garbi dugu gizarte honen euskalduntzea gure patrikatik ordaindu dugula.

Irakasle power, mesedez!

karrajuaz

Aitor — Thu, 03 Apr 2008 23:31:35 +0200

Zu sasi-freelance modura proposatzeak erdi broman eta ia laudorio modura aipatu dut; jakina blog honek ez duela inolako sustapen komertzialik ez antzekorik.
Eskerrik asko Batzordearen informazioagatik. Ikusten dudanez, badago hor zer eztabaidatu eta komentatu.

lan bila

Katixa Lizant — Thu, 03 Apr 2008 20:53:51 +0200

Egun on,

Katixa Lizant deitzen naiz, Hazpandarra naiz, 23 urte ditut eta hizkuntzei lotua den lan baten bila naiz.
Literaturako batxilergoa Bernat Etxepare lizeoan ukanik, Bordalera izan naiz LEA (ingles eta espanol) lizentzia pasatzera. Azken urtea Estatu Batuetan (Texasen) pasa dut espanola eta inglesaren hobetzeko. Neska seriosa naiz, dinamikoa eta haurrekin lan egitea gustatzen zait. Nahi nuke jakin zoin lan postu eskaintzen duzuen eta zer kalifikazio galdegiten duzuen.
Aintzinetik milesker,
Katixa Lizant
.