Karrajua - Nafarroa - Comments

ERAGINKORTASUNA

otto — Fri, 16 May 2008 08:16:57 +0200

Hori da aurrerapena!

Iruñezar euskaltegiko metodoak aintzat hartzekoak, benetan; urte betean horrelako aurrerapenak lortzen badituzte... gainontzekook ez dakit nora gauden begira.

Oso ondo dago, agian

arkaitz zarraga azurmendi — Thu, 15 May 2008 21:50:38 +0200

Oso ondo dago, agian txapelketa plantea daiteke!!

Konforme

Benito — Tue, 13 Jun 2006 16:31:11 +0200

Azken baten apuntatzen ari gara euskaltegien eskaintza modulazio global bakarretik eskaintza desberdinez osatutako moduluetarantz joan daitekeela hemendik aurrera, eta jakina, horrela izango bada, euskaltegiaren kurrikuluak eta planak hori guztia jaso beharko dute.

Nik aspaldian daukat iritzia modulazio "klasikoa" (talde bat = maila bat = irakasle bat = ordutegi bat = helburu-edukien multzo bat = jarduera berdinak) hausten hasita dagoela. Arrazoiak asko: ikasleak klase presentzialari dedikatu ahal dioten denbora, interes eta helburu desberdinak, talde klasikoak osatzeko zailtasunak, mailaketa berriak,... Eta modulazio klasiko hori ezin izango du alternatiba bakarrak (autoikaskuntza kasu) ordeztu, hura bezain osoa ez bada behintzat. Hori dela eta, nire ustez, hizkuntzaren ikaskuntzaren arlo eta une desberdinak kubritzeko eskaintza anitzagoa sortuko da.

Hau honela bada, ondorio batzuk berehala sumatuko genituzke: Diru-laguntzen sistemaren berregokitzapena, irakasleen espezializazioa edo figura berriak sortzea (mintzalaguneko dinamizatzaileak, tutoreak adibidez), kurrikuluaren eta programen egokitzapena, ikasle-bezeroaren eskarira egokitu beharra...

Ez naiz Nostradamus ona beharbada - geroak erranen - baina halako sentsazioa daukat.

autoikaskuntzaren hutsuneak

plisti-plasta — Tue, 13 Jun 2006 08:37:38 +0200

Galderak ez dauka erantzun errazik, ezta erantzun bakarrik ere. Hutsuneak ez baititu autoikaskuntzak berak sortzen, berau inplementatzeko erabiltzen den eredu didaktikoak baizik.

Gaur egun euskaltegi askotan darabilten ereduari jarraitzen bazaio: ordubeteko mintza-saioa astean eta hamabostean behin ordu erdiko tutoretza (mintzamenari baino gehiago BOGAri lotua) hutsuneak nabarmenak eta osagaitzak dira (ez bakarrik mintzamenari begira).

Nire esperientzian autoikaskuntzak ohiko ikas-irakaskuntzak besteko konpetentzia maila eskain dezan, beharrezkoa da: eredu estandarrak eskaintzen duen denbora bikoiztea , kantitateari dagokionean; nolakotasunari dagokionean, ostera, tutoretzan ere mintzamenari erreparatzea (bigestioa/ monogestioa) (elkarrizketa, monologoa), eta mintzasaioek ezaugarri minimo batzuk izatea (talde txikia, poligestioa, tipologia anitzekoa...).

Honela eginda ere, ezin dugu ahaztu berez autoikaskuntza ereduak ikasle-ikasle transmisioa kalte lezakeela, elkarlanerako guneak zehaztu ezean; berauek on-line edo off-line izan litezke baina beharrezkoak oso.

Botatzen duzun galderari jarraiki, uste dut behar-beharrezkoa dela, halaber, praktika erreala eta praktika akademikoa uztartzea eta mintza-taldeak, mintzalaguna (oso formato malgu eta egokiduna), barnetegiak... sustatzea; baina osagarri baino, zentroen kurrikulumean bertan txertatuta, ahal izanez gero.

praktika eta hausnarketa

Benito — Tue, 13 Jun 2006 01:14:34 +0200

Galdera autoikaskuntza ereduei begira egin dut gehien bat. Autoikaskuntza ereduekin eskola-denbora presentziala murriztu egiten da sarritan bakarkako ikas-denboraren alde. Mintza-saioak antolatzen dira hori konpentsatzeko, baina autoikaskuntzan dabiltzan lankide batzuei entzundakoengatik edo zuk zeuk aipatu dituzun batzuengatik badirudi mintza-saio horiek ez direla nahikoa izaten praktika behar den modura egiteko (oker nago beharbada, horrela bada zuzendu).

Hala bada, eta autoikaskuntza ereduak ugaltzen badira, praktikarako programa osagarrien beharra eta eskaria (direla mintzalagunak, direla barnetegiak, direla mintza-taldeak, direla...) ez dira areagotuko? Hau da, auto-tele-online ikaskuntzaren zabalkundeak halako hutsunea sortu dezake?

Oso ondo pasatu genuen

Usaia — Fri, 09 Jun 2006 19:35:53 +0200

Ilusioa, autoikaskuntza eta mintzalagunak nahikoak dira hizkuntza bat ondo ikasteko. Hurrengora arte!

Euskaltegia eta kalea

plisti-plasta — Fri, 09 Jun 2006 16:34:06 +0200

Ezagutza eta erabilera, euskaltegia eta kalea, komunikazio erreala eta simulazioa uztartzeko aukera paregabea dugu euskara ikasle/irakasleok mintzalaguna bezalako ekinbideekin.
Aukera hau geure geurea dugu (hizkuntza askok ez dute halako paradarik), eta ez nolanahikoa, gainera; AUKERA handia eta azpimarragarria da. Berebiziko garrantzia duena.
Nire ustetan ez bakarrik autoikaskuntzaren kasuan, ohiko ikaskuntzaren kasuan ere erabili beharrekoa eta ikas-irakas kurrikulumean txertatu beharrekoa. Aurrerapausu galanta izango litzateke euskaltegiek beronen beharra ikusi eta ekinbide didaktikoaren muin gisa jasoko balute. Ez dut uste ekintza osagarriak direnik; prozesuaren gako eta giltzarri, baizik.

Interesantea

Benito — Fri, 09 Jun 2006 10:57:36 +0200

Kolpetxu bat egin beharko zaio kontu honi. Ez da lehenengo proposamena gainera. Patxitraperok ere bota zuen halako zerbait duela hilabete batzuk, eta nik jarraipena eman nion.

Dena dela, berbalagunen kontu honekin eta zure azkenengo posta irakurrita, planteatzeko moduko galdera otu zait. Autoikaskuntza ereduen gabeziak ikusita, mintzalagunak autoikaskuntzaren ezinbesteko bikotea izan beharko luke?

Mintzalaguna diodanean edozertariko praktika jarduera esan nahi dut: mintzalaguna bera, mintza-taldeak, barnetegiak, jarduera soziokulturalak (ikastaroak, irteerak, txikiteoak,..), kultur emanaldiak,... eta formato desberdinetani: aurrez aurrekoa, ahozkoa, idatzia, birtuala, ... Hizkuntza praktikatzea-erabiltzeaz nabil azken baten.

Zer deritzozue?

The mixxer berbalagun birtuala

plisti-plasta — Fri, 09 Jun 2006 08:34:17 +0200

Anibal de la Torreren blogean http://www.adelat.org/index.php irakurri dut berbalagun birtuala izateko aukera ematen duela orain skypek. Ea euskararen presentziatxoa ere ahalbideratzen dugun "the mixxer" honetan:
http://www.language-exchanges.org/

Kronika gehiago

Karrajua — Fri, 09 Jun 2006 01:37:47 +0200