Karrajua - teleikaskuntza - Comments

Errealitate gozoa

plisti-plasta — Thu, 11 Oct 2007 09:39:06 +0200

Etzazula zalantzarik izan, errealitate gozoa dira livemocha bezalako guneak.

Nukleo bakarretik ateratako inputa dibertsifikatu eta sarean (nukleo anitzekin) lan egitera igarotzea ikaragarrizko pausua da; guztion lanaren birdefinizioa dakarrena. Eta ikaslearen PLEak atontzen ikaragarri lagun dezakeena.

Ez naiz ni dikotomia zale: irakaslearen eginkizunak vs ikaslearenak//giza-kontstruktibismoa vs konektibismoa// ikaskuntza formala vs informala//kaosa vs ordena.
Pertsonalizazioa da gakoa. Ikasle bakoitzak bere behar komunikatiboak asetzeko ibilbide egokiena hautatu behar du eta horretan irakasleok orientazioa, laguntza eta jario aberatsa eskaini behar diegu.

Kaosa aipatzen zenuenez hona hemen iruzkin kaotikoa (ez da ez gaurkoa nire egunik onena!).

moodle eta PLE

ainhoa — Fri, 29 Jun 2007 21:46:34 +0200

Konturatuta nago hilabetea pasa dela zuen eztabaida honetatik baina aitortu behar dut burua beste leku batean nuela, jakingo duzuen bezala. Orain, moodlemoota amaituta eta oraindik bixamuna gainean dudala, ekarpen txikia egin nahi nuke moodlezale amorratua naizen aldetik.

Web 2.0 mugimendua eta moodle ez dira inolaz ere elkartezinak; horren adibide ona duzue Euskal Jakintzakoena. Moodle, aipatu duzuen bezala, ikasgela da, ikastaldea, eta nolabait esateko tresna mistoa da, eduki kudeatzailea, sare txikien sortzailea eta taldearen intimitatean lan egiteko gunea. Web 2.0 mugimendua publikoa da, erabat irekia eta irakaslearentzat kudeatzen zaila, ez baita hori helburu.

Gertutik segitzen ari naiz PLEri lotutako aurrerapausoak eta ematen du bidea dela moodle bezalako plataformak norberaren ingurunearen parte bat izatea, alegia, gure interneteko esparruan sartu eta bertan izango ditugu blogak, wikiak eta enparauak eta horien artean, gure ikasgelak.

Dena dela, ados nago zuekin esaten duzuenean hori dela nolabait guretzat IKTetarako transizio erraza, alegia, bat-batean sare zabalerako pausoa eman aurretik, ingurune kontrolatu eta mugatu bat behar dugu ondoren prozesu konplexuagoak ulertzeko. Beharbada 5 urtetan ahaztuta izango dugu moodle, baina oraingoz moodle-ren inguruan eraikitzen ari den komunitatearen babespean gozatuko dugu, moot-ean egin genuen bezala.

Touche

Benito — Fri, 25 May 2007 00:54:59 +0200

Neuk ere ez daukat dudarik. Batelak ihes egingo digu laster batean. Baina arinegi abiatzen badugu ez ote gara barruan bakarrik geratuko? Edo hainbeste lagun lehorrean utziko?

Estrategia kognitiboen kontua ekarri duzula, neure inpresio-sentsazio pertsonalekin jarraituta. Egunean inoiz baino gehiago irakurtzen dut, pantailan, baina ez dut paperaren gaineko irakurketan alderik nabaritu. Areago, esango nuke irakurtzeko erraztasuna irabazi dudala azkenotan, pantailan nahiz paperean.

Harrigarria egiten zaidana beste kontu bat da. Gu, n-belaunaldikoak izan ez arren, ez gara paperaren belaunaldia, ez, ikusentzunezkoen munduan hazi gara. Hau da, telebista, irratia, kasetoarekin hazita gaude, edo komikiarekin. Horrela bada, erraztasuna eduki beharko genuke podcast eta sareko bideotan murgiltzeko. Baina niri neuri kostatu egiten zait. Agian neure kasua baino ez da, baina paradoxikoa egiten zait.

Akaso testu idatziak kontrolatzeko aukera eta estrategia gehiago ematen digu? Ez dakit, ez dakit. Baina inon irakurrita nago podcast-ek ez dutela izan espero zen arrakasta.

Dena dela, igual hainbete buruhauste eta arrazoi bakarra Euskaltelen konexio osti hau baino ez da. Bideoak saltoka ikustea ere ez da atseginena izaten ba!

Beste alde batetik, zure gogoetako puntu bat ez nuen aurrekoan komentatu, eta azpimarragarriena dela uste dut. Moodle-ek ikasgela irudikatzen duela hain zuzen ere. Irakasle askori nago entzunda azkenotan taldeak gero eta hetereogenoagoak direla, programa bakarra eramatea gero eta zailagoa dela.

Ikasgela-ikastaldearen eredu klasikoa sartu da krisian nire iritziz. Ez taldean ikastea, baina bai beti ikasgela batean, ikastalde batean, kide guztientzako jarduera berdinekin, irakasle batekin, maila batean... "batasun" hori txikitzen hasi dela alegia. PLE sigla horiek teknologiarekin ez ezik kontu gehiagorekin daude lotuta nonbait.

Eta zantzuak berton dauzkagu, eta ez dugu jakiten oso ondo zer egin, eta... teknologiak hori konponduko digula uste izaten dugu, eta teknologia berriekin gainbehera dabiltzan kontzeptuak aplikatzen badira...

Atrakaixu batela

plisti-plasta — Thu, 24 May 2007 08:44:20 +0200

"Zergatik hainbeste letter Europatik, aitona? galdetu zidan orduan bere school horretan erakusten dioten english dotorean"

Gogoratzen "bi letter"? Etorkinak jasotzen duen eraldaketa kulturalaz dihardu (zeinean hizkuntza isla den), besteak beste.

Bada, zureak: "Zergatik kostatzen zait hainbeste sarean bideo luzeak eta podcast-ak entzutea?" horixe ekarri dit gogora (agian, oso oker nabil)

Kontua da medioak (Amerika kasu batean, Internet bestean) estrategia kognitiboak eragiten dituela.

Liburuaren kulturatik (luzea eta norabide bakarrekoa) postaren kulturara pasatzen ari gara (laburra eta norabide anitzekoa, erantzun azkarrekoa...) eta gu jatorrizkoak ez bagara ere, ari gara jasotzen garai berri honen eragina: Atxagaren aitona bezalakoak gara batzuk (Wonderful?).

Kontu hau ez da hutsala, nik sarritan begiratzen diot lankide bati: ez ditu maite artikulu luzeak, ezta maketazio garbirik gabekoak, nekez bukatzen du liburu baten irakurketa, paragrafo laburrak eta menpekotasun gutxiko esaldiak maite ditu, eginez ikastea gustatzen zaio, ez ditu gauzak bata bestearen atzetik ikasten, ordenagailu aurrean dagoenean nirekin, "klik" egiten du saguarekin zerbait erakusteko nabarmenduz... nik "mestizoa" dela esaten diot.

Hasieran, ulertu ez, eta gaixotasuna zela uste nuen, "webitis" deitzen nion baina konturatua naiz aspaldi ez dela gaixotasuna, medioak berak eragindako estrategia kognitiboan aldaketa baizik.

Badakit oraindik ere honelako ikasle gutxi ditugula baina gero eta gehiago izango ditugu, batez ere, autoikaskuntzan gabiltzanok eta fenomenoa ulertzen saiatu beharko dugu, eragina izango baitu ikasteko moduan, baita hizkuntzan ere.

Beraz, ez dakit zure kasua den Benito baina argi daukat eraldaketa hau gertatzen ari dela nabigazioari esker... ez dakit, jadanik, batela atrakatzeko gai izango garen!

Moodle-ekoak

Benito — Wed, 23 May 2007 02:40:07 +0200

Adellen bideoa osorik ikusteko nabil aspaldian eta ez naiz jarri oraindino. Zatitxoren bat baino ez.

(bide batez, zergatik kostatzen zait hainbeste sarean bideo luzeak eta podcast-ak entzutea? Zuei pasatzen zaizue? Teorian irakurtzea baino errazagoa izan behar luke, baina neuri behintzat gehiago kostatzen zait)

Ikusi dudan apurragatik, eta sarean irakurri dudan bat edo bestegatik (Jolausena barne) belaunaldi berriak beste era batera datozkigula dirudi. Guretzako gauza handiak diren batzuk, haientzat normalak eta egunerokoak izaten hasi ei dira.

Arazo bat: guk helduekin egiten dugu lan, gero eta helduagoak, Bat 62n Txabarrik eman zituen datuei kasu eginez gero behintzat. Arrakala digitalak gure ikasleetariko asko alde batean harrapatu ditu. Erremedioa eduki, edukiko du, baina ez da erraza izango.

Aipatzen dituzun hiru joerak konektibismoa eta eLearning2.0 delakoa ari dira predikatzen aspaldion, eta horretarako tresnak bilatzen. Moodle gaur egun ezagutzen dugun modura, esan duzun bezala, ez da horra jotzeko onena seguruenik. Baina, kontuz! Software-ak zeozer frogatu badu urteotan eguneratzeko eta eskakizun berriei erantzuteko erraztasuna izan da, eta Moodlek atzetik daukan komunitatearekin ez litzateke harritzekoa izango funtzionalitate eta aukera berriak atoan zabaltzen hastea.

Hori bai, gaur gaurkoz neuri behintzat apur bat zurruna egiten zait, zuk diozun modura, ikastalde itxi bati begirakoa. Eta haren funtzionalitateek (wikiak, foroak, blogak orain,..) daukaten abaintaila nagusia instalatzeko (besteen aldean behintzat) oso zaila ez den plataforma batean kokatuta egotea da. Bestela, beste tresna batzuekin (zerbitzarikoak zein 2.0) askoz aukera gehiago dauzkazu sarritan. Konparatu adibidez Moodle-en wikia eta wikispaces. Eta CMS modura Drupal honek adibidez askoz malgutasun eta potentzia gehiago dauka, hortxe daukazue Drupaled adibidez.

Edonola ere, nire lagun batek dioen legez, "atrakaixu batela!". Hemendik urte batzuetara begira aukera horiek aintzat hartzekoak izango dira, baina gaur egun irakasle gehienok teknologiaren kontu honetan sartu berriak garela, Moodle transizio horretarako oso tresna baliagarria izan daiteke duda barik. Probatzeko eta teknoendredoetan trebatzeko. Baina bitartean alboetara ere begiratuta.

Ekaineko Moodlemoot horretan hausnartzeko kontua izango da hau guztia duda barik.

Lehengo egunean Jolausek

plisti-plasta — Tue, 22 May 2007 21:12:25 +0200

Lehengo egunean Jolausek bideo bikaina eskaini zigun, bertan Jordi Adell irakasleak zenbait ideia interesgarri azaltzen ditu eta Moodle-ri aipamen txiki bat egin. Hona, komentario horren harian bururatutakoa eztabaidagai:

2.0k eta zenbait joera didaktikok pertsonalizazioa eta ikasketa soziala dute oinarri eta Moodle-k?

Norabide berean ote doaz Moodle eta 2.0?

Nire ustetan kontu hau eztabaidagarria da oso; 2.0ren hiru joera aipatuko ditut: 1- Ibilbide anitzeko ikas-prozesuak 2- PLE (Personal Learning Environment), hau da, norberaren neurriko ikaskuntza guneak; sarean dauden baliabideak erabiliz norberak sor litzakeen guneak (rss, wiki... erabiliz) 3- Irakaskuntza igorketa gune bakarra (irakaslea / programa zentralizatua...) izatetik, ikaskuntza multigunea izatera (sarea alegia).

Hauek al dira, akaso, Moodle-ren joerak?

Adellek dio Moodle-k ikasgela irudikatzen duela, nolabait. Eta arrazoi du. Badu Moodle-k nolabaiteko kontzeptu murriztailea (baimenak...) irakaskuntza formalari lotuegiak, izaera hori erabat ukatu gabe ere ikaskuntza sozialaren eta pertsonalizazioaren alorrera ekartzen saiatu beharrean gaudelakoan nago. Moodle-n ere, akaso, heldu da 2.0 izpiritua sustraitzeko garaia. Buelta bat eman behar zaiola iruditzen zait, Moodle berez monolitikoa, itxia eta gune bakarrekoa izateko arriskutik atera eta 2.0ren paradigmara lerra dezagun.

mp3a

Benito — Fri, 20 Apr 2007 20:32:01 +0200

Ez dut azterketa seriorik egin, baina esango nuke mp3 hitzaren aipamenak aztoramendua eta noraezaren sentsazioa sortzen duela lankideen %60gan.
Kasetearekin dabilenik ere badago oraindino.

Aupa Karraju, Ba bai,

Josu — Fri, 20 Apr 2007 14:26:13 +0200

Aupa Karraju,

Ba bai, bagabiltza horretan ere Galdakako Udal Euskaltegian. Egia esan, beste tresna bat baino ez da Skype edo messengerraren bitartez eginiko bideosolasa, baina aukera izugarriak ditu, hala nola Asturies zein Brusselako ikasle batekin aritzea berton egongo balitz lez. Alde bi ditu -gitxienez- asunto honek: Batetik esan dudan bezala, beste tresna bat besterik ez da eta ez gintuzke itsutu behar, baina bestetik geureganatu beharko genuke bideoa, DVDa, eta mp3a geure egin ditugun bezala. Eta orain galdera: Geure lankide guztiek bereganatu dituzte DVDa eta mp3a? Eta bideoa?
Erronka, teknofoboak limurtzea izan daiteke agian. Komentzituko ote ditugu?

Segi Karrajuan jo ta su!

Karrajua irratia

Karrajua — Mon, 26 Feb 2007 02:27:44 +0100

Ene, hau sorpresa! Karrajua ia podcast bihurtu zaigu, Karrajua irratia . Ideia ona ikasleen berbak ekartzearena.

Probatu beharko da

Karrajua — Tue, 31 Oct 2006 00:34:34 +0100

Bai, arrazoia, komunitate birtualak web2.0 eta ELearning 2.0 deitzen hasi denaren ezaugarri dira. Second Life Elgg-en planteamendura hurbiltzen da adibidez: komunitate birtualak non interesen arabera erabiltzaileek eurek komunitate txikiak sortu ditzaketen, informazioa, artxiboak eta ideiak konpartituz eta elkartrukatuz. Moodle eta halakoak gaindituta halako teknologientarako joera ei dago. Horrela bada, Elgg eta Moodle-en integrazioa etorri den bide beretik dator hau ere seguraski. 3Dren espektakularitatea motibatzeko tresna interesgarria izan daiteke duda barik, hori bai, oraindik orain eskakizun tekniko handiagoak eskatzen ditu bai erabiltzaile mailan, bai zerbitzari mailan (banda zabalera handiagoa, grafiko-txartelak, ...). Dena dela, ez dut Sloodle hori probatu oraindik. Ea bihar-etzi osteratxoa egiteko modua daukagun. Zuk probatu duzu? Zelan?

Bidez batez, eskerrik asko ekarpenagatik, lehen esatea ahaztu egin zait eta.

Sloodle

Alonso — Mon, 30 Oct 2006 20:03:37 +0100

Ados. 2.0 egiten duena ez da hainbeste ingurunea. De la Torrek dioenez gehiago da edukien elkartrukea, bertan idatzi, parte hartu eta editatzeko aukera eskaintzea, dinamikotasuna, edozein nabigatzailetan bistaratu ahal izatea eta Rssa... (http://www.educandonos.cl/node/453)

docencia.es atarian dator Moodle egokitu horrena (horra linka zuzen jarrita: http://www.sloodle.com)eta esaten dutenez "Second Life es una de las famosas aplicaciones web 2.0."...

Secon Life bizitza birtuala antolatzeko komunitate eta ingurune birtuala da, "bideo joko batetik abiatuta 'metaverso' bat sortu nahi duena" -un mundo virtual generado por ordenador donde los usuarios conectados crean sus propios cuerpos tridimensionales, presentan sus obras de arte, conversan entre sÃ o hacen negocios...-(http://tinyurl.com/yh3s4r)

Beraz, ingurune horren barruan ikastaroak sortu eta bertan "edonori parte hartzeko aukeraren bitartez informazioa elkartrukatu eta osatzeko aukera eskainiz modu kolaboratiboan aritzeko modua" eskeiniko balitzaio -Wikipediak dixiten moduan- bai moodleen, bai sloodlen baita bogan ere e-learning 2.0. litzateke ezta?

Edozein modutan ere, egia da Sloodle honek dakarrena, batez ere, 3 dimentsiotako edukiak direla. Nolakok diren ez dakit, neuk ere ez dut probatzrik lortu.

Espektakularra bai

Karrajua — Mon, 30 Oct 2006 17:42:33 +0100

Ez dakit zehazki zelan dabilen. Saiatu naiz barruan sartzen baina orain ezin dut ordenagailua konfiguratu. Dena dela Moodle2.0 baino gehiago Moodle3D dirudi. Eskola birtuala zentzu estu-estuan. Inork probatu badu eta kontatu ahal badu.

Sloddle= moodle+2.0?

Alonso — Mon, 30 Oct 2006 14:43:48 +0100

> Gure asmoa ikasleen lanak eta 2.0 jarreren ikuspegitik bideratzen hastea da.

Mooddle eta Second Life elkartu eta Sloddle sortu dute. Moodle 2.0ra egokitzeko modua izan daiteke hau?

Linka: www.sloddle.com

Ainhoaren prposamena

Andoni Tolosa — Mon, 23 Oct 2006 13:50:56 +0200

Uste dut elkarlanarena izan behar duela hemendik aurrera eman beharreko urratsen gakoetako bat eta horretarako gero eta tresna egokiagoak ditugula. Gainera iruditzen zait elkarrengandik ikasitakoak balio erantsi asko dituela, beraz, elkarlanerako prest eta behin lotsa gainditu eta gure esperientzia xumearen berri eman ondoren, zergatik ez bestelako lanetan parte hartzeko prestutasuna agertu, nahiz eta, askotan mugak ikusi, batik bat prestakuntza mailan, gure buruari. Zer eta nola egin..... hori izango litzake kontuetako bat.

Goizegi

Benito — Sun, 22 Oct 2006 01:51:05 +0200

Ez dakit Plisti, baina galdera horiek euren hartzaileengana heltzen direnean lehenengo erreakzioa imajinatzen dut. Eeeeeee! Zer dio honek? Liberatu? Moodle? Kudeatu? Wiki Zeeeer? Datozela dakitenak, atoan! Zeuri ere baten batek deituko dizu, fijo!

Andoni eta Ainhoarenak hastapeneko abiapuntuaren hasierako zirriborroaren lehenengo lerroa baino ez dira izan. Bide interesgarria, konpartitu eta kolaborazioan hasi, baina gurean apurtxo bat egosi behar dira oraindino. Bidea urratuta dago hala ere, pazientziaz jarraitu behar da.

Ez da erraza free software-aren filosofia gurera ekartzea,ez. Free hitzak ingelesez sinple-sinple esanda adiera bi ditu: askea eta debalde. Lehenengo adierarekin seguruenik gehienek egingo lukete bat (askataaaasunaaaa!), baina bigarrena, bufa! Ikastaroak debalde prestatu eta debalde eman nahi duenak erabiltzeko? Eiiiin?

Web2.0. mentalitatea gauza serioa da, ez da bakarrik debaldeko plataforma baten bloga sortzea edo wikien inguruko ikastaroa egitea, ez, ezta informatikarien kontu soila ere. Gauzak egiteko bestelako era bat, informatika eta teknologiatik askoz harago doana. Eta gure mundu hau Microsoft izan nahi duten entez beterik dago gaur-gaurkoz. Zeuk ere ederto baten ezagutzen duzu gure azken Windows-a. Ez duzu ikusten paralelismorik? Windows/Linux-BOGA/Ainhoaren proposamena.

Gogoratu dut gainera zure azken mezuetako baten aipatzen zenuen hau:

Irakasle gelara begiradatxo bat eman eta bertan ere Sisifo: irakasle guztiak behin eta berriro antzeko gauzak programatzen, itsu samar, â€œbakoitzak berea, jainkoaren legeaâ€ delakoan.

Web2.0, free software, sare sozialak eta ezagutzaren eraikuntza kolektiboa....Ez duzu uste ordenagailua ikutu orduko bestela ere badaukagula nondik hasi? Eta ez diot hori zuenean bakarrik pasatzen denik, ez horixe! Nahikoa orokorra dela egingo nuke.

Bestalde, eta galdera AEKri ere bota diozula eta nik horretan ardura daukadanez, Karrajuaren neutraltasuna apurtu barik eta erakundearen inolako ordezkaritzarik hartu barik (Karrajuko hurrengo post-ean nire kurrikulua ez al dut bota beharko! ;-)), zertan gabiltzan azaltzen saiatuko naiz.

Duela hilabete batzuetatik hona, eta epealdi estrategikoarekin lotuta, gure eskaintzaren azterketa burutzen gabiltza: sailkapena, aukerak, garatu beharreko ildoak,... Teknologia berriek dakartena ere aztertzen ari gara. Une honetan hain zuzen ere on-line eskaintza eta formato presentzialerako osagarriak eta tresnak garatzeko aukerak aztertzen ari gara. Izan ere, orain hemen garatzen ari garen hausnarketa hau AEKide batzuen artean ere izan dugu, eta funtzionatzeko era berri hauen inguruan proposamena luzatuko diogu erakundeari seguruenik.

Moodle-ekin zer planteamendu daukagun? Momentuz erabiltzen jarraitzea (bai ikasleei begira, bai AEKideen formazioa eta komunikazioari begira) baita teknologiak eman diezazkigukeen aukera berriak esploratzea eta probatzea. Baina, pauso batzuk eman baditugu ere (idazkuntza lantegia adibidez), ez dugu bide luzerik egin geuk ere.

Ikastaroak liberatzeak neuri behintzat ez dit beldurrik ematen, seguruenik gure balioa ez direlako material eta tresna didaktikoak (Moodle eta beronen bidez sortutako ikastaroak horixe baino ez dira azken baten), gure irakasleak eta pertsonak baino, eta azken hauek, gure ustez, ez dute instrukzio-liburua jarraitzera mugatzen diren operarioak izan behar. Eta guk sortutako baliabideak beste inork hobeto aprobetxatzen baditu, euskalduntzearen onurarako izango da. Eta hura ere egin dituen hobekuntzak transmititzeko eta zabaltzeko kapaz bada, askoz hobeto. Dena dela honelako gauzak ezin dira egun batetik bestera martxan jarri, pausoka joan behar da.

Hau ez da oraindik orain AEKren planteamendu ofiziala, erakundeak eskaintza didaktikoa garatzearen ardura eman digun batzuen gogoetak baino. Eskatu dituzun erantzun ofizialak baletoz, orduan ikusiko dugu. Bitartean Karrajuko alfonbra gorria prestatuko dut badaezpada (...eta kurrikulua).