Karrajua - bideoa - Comments

Pozten naiz

Benito — Wed, 29 Apr 2009 16:06:08 +0200

Pozten naiz hemengo informazioa baliagarria izan bazaizu, Vanesa. Zorte on blogarekin!

Ulermen-testak eta bideoak

Vanesa GARCÍA — Tue, 28 Apr 2009 22:15:38 +0200

Web 2.0 ikastaro bat egin ondoren, zuei esker aurkitu dut behar nuen informazioa euskarazko bideoak nire blogean jartzeko.
Eskerrik asko

Bideoa jaitsi

Benito — Wed, 04 Mar 2009 17:22:22 +0100

Epa Quan, pozten naiz hau baliagarria izan bazaizu.

ETBren bideoak jaisteko bideo bakoitzaren orrira joan behar duzu, kasu honetan hona (testuan ez dut lotura jarri).

Bideoaren ondoan, eskuinean, deskargak eta horren azpian mp4 irakurriko duzu. Mp4 hori lotura bat da, bideo fitxategira lotura (hau).

Gerta daiteke loturaren gainean klikatu eta fitxategia jaisten hasi beharrean orri berria zabaldu eta bideoa erreproduzitzen hastea. Hori gertatzen bada, loturaren gainean klikatu beharrean, ipini sagua gainean eta eskuineko botoiarekin menua zabaldu eta "gorde lotura honela", edo "gorde fitxategia honela" klikatu eta non gorde galdetuko dizu.

Bideoa mp4 formatuan jasoko duzu. Esan dudan bezala ordenagailutik klasera pendrive eta memoria eramangarri horietako batekin eraman ahal duzu. Dena dela, gero klasean ikusteko erreproduzitzeko gailua beharko duzu: DVDa, Disko Gogor multimedia, ordenagailua, mp4, iPod edo halako zerbait. Baliteke gailu horiek guztiek mp4 formatua ez irakurtzea. Kasu horretan .avi formatura pasatzea komeni da.

Youtube edo beste zerbitzu batzuetako bideoak ordenagailura jaisteko modu eta tresna asko daude. Nik Firefox-erako DownloadHelper gehigarria erabiltzen dut adibidez. Zibergelako artikulu honetan beste bide bat daukazu: Jaitsi Youtube-eko bideoak zure ordenagailura. Hemen daukazu beste bat. Google-en "download youtube videos" edo "descargar videos youtube" sartzen baduzu mila modu aurkituko dituzu.

Ez ahaztu dena dela, zerbitzu askok ematen dutela bideoak zuzenean deskargatzeko aukera: gure Euskaltubek edo Blip.tv-k adibidez.

Eta aintzat hartzeko gauza bat. Youtubetik bideoak .flv formatuan deskargatzen dira normalean. Formatu hori ez da ikusten erreproduktore gehienetan, ordenagailuan bideoa ikusteko programa guztiek ere ez dituzte erreproduzitzen. Beraz, seguruenik beste formatu batera pasatu behar dituzu klasean erabili baino lehen. Hemen ere aukera asko daude, artikuluan aipatu ditudan programa bi horiek adibidez.

Espero dut zure zalantzaren bat argitu izana, hala izan ez bada, ez izan beldurrik berriro galdetzeko. Eta beste norbaitek nik proposatu ditudan soluzioentzak alternatibak, zuzenketak edo ekarpenak badauzka, botatzea estimatuko genuke.

Ezjakintasunean ezjakina

Quan — Wed, 04 Mar 2009 16:19:23 +0100

Lehenik, eskerrik asko zure post honegatik eta blog eta konpartitzen duzun guztiarengatik -niretzat aurkikuntza berria-
Bigarrenik, hor goian diozunez pendrive edo mp3playerrera pasa daitezke bideoak. Baina hori zelan egin?
Goian dagoen bideoa, esate baterako itzel interesgarri egin zait klasean erabiltzeko baina Internetetik zuzenean ikusi behar bada etenak edukitzen ditu. Ikasbilekoak jeisten ez daukat arazorik zuzenean har baitatezke -arazoa windowseko formatoa izaten da- baina ez youtubekorik ez hor goiko hori ezin ditut hartu.

Eskerrik asko eta hurrengo batera arte.

Mojiti desagertu egin da.

Karrajua — Fri, 01 Feb 2008 20:12:40 +0100

Mojiti zerbitzua eten egin da. Webgunean ez dago azalpen handirik. Eskerrak eta agurra besterik ez.

Arretaz begiratuko dut

haritz — Tue, 09 Oct 2007 12:43:25 +0200

Kaixo!
oso interesgarria.
Arretaz begiratuko dut ea Euskaltuberentzat ere baliagarri izan daitekeen ikusteko...
Aio!

Markoa eta margolana

plisti-plasta — Sun, 16 Sep 2007 15:15:55 +0200

Erregistro egokia ez ezagutzeak gaizki ulertzeak eta barreragarri gelditzetik haratago hiztunen deserosotasuna eta muga komunikatiboak eragin ditzake, ondorioz, euskararena bezalako hizkuntza minorizatu baten kasuan beronen ordez, erregistro horiek eskaini eta eroso eta solte arituko diren hizkuntza batera bultzatuz (erdarara, alegia).

Erregistroen kasu honek garrantzia dauka ingelesa Finlandian ikasten duen baten kasuan baina ez da euskara/erdara(k) kasuarekin erabat alderagarria; batetik, gure hizkuntzak nire ustetan ez dituelako hiru erregistroak egoki garatuta eta bestetik, egoera diglosikoan gaudelako. Beraz, Markotik honatago begiratu behar dugu margolanak paisaia lausoa eskaintzen baitigu.

Markoarena

Benito — Sun, 16 Sep 2007 14:22:48 +0200

Markoa aipatu duzula, interesgarria iruditu zait markoak erregistroez dioen hau:

Ikaskuntzaren hasieran (esan dezagun B1 mailan), erregistro nolabait neutrala da egokiena, baldin ta ez badago horren kontrako indar handiko arrazoirik bederen. Erregistro hori erabiliko dute, ziur aski, ama-hizkuntza dutenek atzerritarrekin eta arrotzekin, eta horixe da, halaber, haiengandik espero dena.

Litekeena da erregistro formalagoak edo arruntagoak ikastea denborak aurrera egin ahala, testu-mota desberdinak irakurriz agian (eleberriak batez ere), ulermenezko gaitasun gisa hasieran. Kontu handia izan behar da erregistro formalagoak edo arruntagoak erabiltzean, horiek behar bezala ez erabiltzeak okerreko interpretazioa eta gaizki ulertzea ekar baitezake, eta baita barregarri gelditzea ere.

Hala da?

Osatu

plisti-plasta — Sun, 16 Sep 2007 10:20:35 +0200

Roberto Alkarterriren aipatzen duzun artikuluan hizkuntza eta hizkera bereizten dira, batuari "hizkuntzaren" jitea aitortuz eta euskalkiei "hizkerarena". Biak ala biak beharrezko direla dio Robertok, elkarren osagarri direlako. Kezkatuta agertzen zaigu idazlea gaur egun bien arteko nolabaiteko aurkaritza sumatzen duelako.

Ikus dezagun auzia beste ikuspuntu batetik, egin diezaiegun begiratutxoa erregistroei.

Erreferentzi Marko Europarrak, kasu, hiru erregistro mota bereizten ditu: formala, informala eta neutroa. Eta galdera da: ba al ditu batuak hiru erregistro mota horiek garatuta? Eta euskalkiek?

Ni neu behintzat kamuts aritzen naiz euskalkian erregistro formaletan aritu behar dudanean eta kamuts batuan erregistro informalean ("bixi" aritu ezinda).
Eta batuara etorrita (berau irakasten baitugu euskaltegi gehienetan) zeintzuk dira ondorioak?

Ondorioa Robertok bere artikuluan aipatzen duena da: zenbait euskaldunberrik batua ikasi ostean euskalkian trebatzeari ekin diola bere ama-hizkuntzan duen besteko konpetentzia lortzearren. Hori ote da bidea, ordea?

Euskaltegietatik irtendako ikasle asko ez da gai bere lanean erregistro informala erabiltzeko, hala badagokio ere. Pentsa ezazue ikastolan dabilen Sestaoko ume batengan: gurasoek ez dakite euskaraz (edo apurtxo bat) eta ikastolan irakasleak ( gure euskaltegian ibilitakoa berau) ederki irakasten dio baina hizkuntz-erregistro formalean edo neutroan, jakina. Nola demontre nahi dugu ikasle hau atsedenaldian erregistro informalean aritzea lagunartean? Euskalkia edo kaleko hizkuntza (nongoa?) ikasi behar al du horretarako? Jainkoarren!

Irtenbidea argia bezain zaila delakoan nago, hau da, arazoaren kontzientzia hartu eta batua bere osotasunean eraikitzeari ekin behar diogu, hiru erregistroak eskainiz, eta hizkuntzaren goitik beherako norabideari (Euskaltzaindia, literatura...) behetik gorakoa gehituz.

Betiko gurpil zoroa, ezta? Irtenbidea ere betikoa: ERABILERA. Bada garaia hizkuntzaren zaintzan (arauak...) jarritako indar zenbait (oraindik ere erretentxoren bat utzi beharko da lan hori egiten) hizkuntzaren erabileraren sustaketan jartzeko, komunikazio beharrek ekarriko baitute behetik gorako jarioa eta hizkuntza batua osatzeko (uler bedi hitz hau batuazko zein bizkaierazko ohiko adieretan) bidea.

Probatxua

Karrajua — Tue, 26 Sep 2006 16:51:31 +0200

Animatzen hasi naiz. Hemen lehenengo proba. Irudia eta ahotsa txarrak, baina lehenengoa da, txarragorik ez dut egingo.