Karrajua - Korrika2.0 - Comments

Egokitzapena

Karrajua — Fri, 02 Mar 2007 13:50:36 +0100

Karrajuko mapak egokitzen hasi gara Tagzaniak ematen dituen aukera baliatuta, eta emaitzak nabaritu egiten dira.

Honela funtzionalitate gehiago ematen zaie mapei duda barik. Ideiren bat gehiago ere okurrituko zaigu .

Txorierri osoko kilometroak

txerra — Thu, 01 Mar 2007 13:06:58 +0100

Txorierriko AEKk botatako erronkari eutsi eta Txorierri osoko kilometroak tagzaniarekin markatu ditugu.
http://www.blogari.net/tximintx/2007/02/27/title_1726

Beste kontu bat: Txorierriko AEKk bloga ireki du aikor.com helbidean.
http://www.aikor.com/bloga/txepetxaaek

Albiste ona

Karrajua — Thu, 01 Mar 2007 07:57:03 +0100

Ondo Luistxo, ondo! Eskerrik asko animoengatik eta, gehien bat, zuen lanagatik.

Egia da tag-en artean nahastetxoa sortu dela, hemen "korrika15" proposatu genuen, baina batzuk "korrika"rekin geratu dira. Tagzanian "korrika+korrika15" erakutsi daiteke, "korrika OR korrika15" moduko zerbait ondo legoke. Tira ba, edozelan ere estimatzekoa da zuena.

Korrika Tagzanian, puntu gehiago erakusteko aukera

Luistxo — Thu, 01 Mar 2007 07:18:16 +0100

Orain, Tagzaniatik beste norabait itsasten diren mapetan, 200 puntu arteko mapak erakusteko aukera dago. Hemen eta han Korrika eta Korrika15 etiketei ematen diezuen martxa ikusita (bi tag-en artean kontraesan apur bat, akaso?), 200 ez dira nahikoa izango korrikako puntu guztiak erakusteko (ez horixe) baina mapa zabal zabal bat egiteko aukera egon daiteke. Aurrera Korrika eta Karrajua!

http://www.tagzania.com/tag/korrika

http://www.tagzania.com/tag/korrika15

Marrapunturen ideia burutzen...

Xala — Mon, 05 Feb 2007 08:14:00 +0100

Marrapuntu.org gunean holako zerbait egitea proposatzen zen http://www.marrapuntu.org/index.php?q=node/63 istorioan. Badirudi orain egi bihurtuko dela, korrikaren ibilbide osoa korriblogariek kontatua.

Tximintxekoak lehen pausoak

tximintx — Sat, 03 Feb 2007 09:25:26 +0100

Tximintxeko blogean jarri ditugu Derioko kilometro guztiak non hasten diren tagzaniarekin markatuta. Aurrerantzean kilometro bakoitzari dagokion ordua eta argazkiak igoko ditugu.

Erreferentzia hemen: http://www.blogari.net/tximintx/2007/02/03/korrika_2_0_derio

Korrika2.0

Benito — Wed, 31 Jan 2007 01:57:09 +0100

AEKn ez zabiltzatenok ere zerbait entzuten hasiko zineten honez gero, aurten Korrika daukagu, eta edizio hau blogosferan sartzen hasi da. Ale bi hauek Korrika kulturalarekin daukate zer ikusia:

Korrikaren gune ofizialean Korrikaren blog irekia proposatu dute. Izena emanda publikatzeko aukera, Sustaturen antzera-edo.

AEKren inguruko blogetan ere hasi dira zantzuak agertzen.

Ez dakit Korrika honek noraino daukan 15.arekin batera 2.0 ere izateko intentzioa. Errazena: korrika edo korrika15 etiketak blogetan, flickr, youtube, del.icio.us eta enparauetan. Ideia gehiago? Lekukoaren ibilibidea RSStik jarraitzeko moduren bat, Tagzania moduko zerbitzuetan ibilbidea markatu, Flickr-en Korrikaren argazkiak egin ahal geolokalizatzen joan, Technoratin korrikaren jarraipena egin... Pentsatzen hasita,...

Gehiago?

Nik hasteko etiketak ipiniko dizkiot mezu honi.