B&B bai?

Karrajua(e)k bidalita 2007, maiatza 21 - 23:55(e)an.

AOI eta blogen inguruko artikuluan proposamena bota nuen duela egun batzuk erdi broman (bromatik %5 baino ez zeukan baina!) euskaltegien mundu honetan blogari gabiltzanok halako Blog & Beers batean juntatzeko. Eta Berbetaneko Josu enbidoari tiratzen hasi da, eta norbera berotu.

Ez dakizuenontzat, Blog & Beers blogarien bilera informalak dira, garagardoa (edo beste zerbait) hartu bitartean blogariek aurrez aurre jardun dezakete lasai eta lagunartean. Ohikoak izaten dira leku edo interes bateko blogarien artean. Adibidez, blogari euskaldunen artean bi egin dira dagoeneko, lehenengoa Elgetan eta bigarrena Bilbon.

Kontua euskaltegien eta euskararen irakaskuntzaren inguruan ibili eta blogekin ausartu garenok (irakasleak, ikasleak eta bestelako endredanteok) egun batean gure abentura eta buruhaste blogeroak konpartitzeko eta komentatzeko batzea da.

Zer? Animatuko gara? Josu eta biok bai.

Hemen partaide izateko kandidato batzuk:

Eta gehiago ere egongo dira ba... Zabaldu deialdia eta hasi lekuak eta egunak proposatzen.

Etiketak: euskaltegiblogak | web2.0
Karrajua (r)en bloga

Erantzunak

Eztabaida honen jarioa

Hiru

Txelis ere animatu zaigu. Animoa ba!

Benito | 2007, maiatza 22 - 13:16 | erantzun honi

Lekua: Ez dakit ba,

Lekua: Ez dakit ba, bizkaizentrikoegia Bilbon balitz?

Eguna: Ekainean izan liteke, ikasturtea amaitu baino lehen...

Ordua: Gatxa izango da denontzako egokia topatzea, euskaltegietako irakasleok dugun "kabaretera ordutegiarekin" baina, tira, garagardoa edateko arratsaldea egokiago, ezta?

Formatua: Informala, garagardo artean bururatzen zaizkigunekin antolatuko ditugu gero jardunaldi batzuk-edo.

Berbetagaia: Norberak lekarkeena

Josu (ez da egiaztatu) | 2007, maiatza 22 - 15:20 | erantzun honi

Konforme

Orain arte apuntatu garenok Bilbo ingurukoak gara, eta beste gehienak ere bai. Bizkaizentrikoa baino praktikoena iruditzen zait (zoritxarrez).
Ekainean, konforme, igual azkenengo astearen bueltan (25-29), denok apur bat trankilago ibiliko gara seguruenik. Oporretan ez bagaude behintzat.
Arratsaldean egin liteke, edo bestela okurritzen zaidan aukera bazkaria eta bazkalostea da.
Ez dakit merezi duen wifi instalazioa daukan lokala bilatzea. Ala trastoak etxean utziko ditugu?

Benito | 2007, maiatza 22 - 16:04 | erantzun honi

Blogs&Beers hirugarren edizioa Larrabetzun egin zen

http://larrabetzu.org/bloga/?p=10

Iaz, AEK egunaren gerizpean, B&B 3.0 LarraB&Btzun ospatu genuen. Blogari euskaldun batzuk batu, eta garagardo batzuk be hartu genituen.

Orduko kronikak topatuko dituzu blog&beers 3.0 bilatzaileetan idatzita.

ptx | larrabetzutik (ez da egiaztatu) | 2007, maiatza 22 - 17:56 | erantzun honi

Egia da, ahaztu ere egitea!

Egia da Patxi, ahaztu egin zait, gainera AEKegunaren bezperetan! Arratoien Fedea ba!

Benito | 2007, maiatza 22 - 19:46 | erantzun honi

B&B

Aste horretan izan liteke, bai. Bazkariarena ere ez da ideia txarra. Hasi gaitezen apuntatzen. Eta trastoak etxean egongo dira hobeto... diot nik.

Josu (ez da egiaztatu) | 2007, maiatza 24 - 08:18 | erantzun honi

B&B&O

Ea ba! Proposamen bilbainoa egingo dut orduan. Ekaineko azken astean Bilbo inguruko garagardotegi batean B&B&O (Blogs&Beers&Oilaskoa, estilo honetako zerbezerak Bilbo inguruan baino ez daudela diote). Bazkaria edo merienda, nahi duzuena.

Eguna, 29an adibidez?

Apuntatzeko mezu honi erantzun.

Benito | 2007, maiatza 24 - 17:09 | erantzun honi

Uff ...badirudi ez dela

Uff ...badirudi ez dela erreza egun egoki bat aurkitzea, eh!!
Nire partetik eskerrak inbitazioagatik, baina ezin dut joan, zapatuetan ere lana egiten dut eta, ea hurrengoan bitartetxo bat aurkitzen dudan

Edu Euskarazoak (ez da egiaztatu) | 2007, maiatza 25 - 08:41 | erantzun honi

28an izan liteke?

Ai, ai, ai... 29an ikasturte azkeneko T&B (txikitoak & bazkaria) daukagu irakasleok... 28an izan liteke? 27an? Edo aurreko barikuan, 22an?

Josu (ez da egiaztatu) | 2007, maiatza 24 - 17:49 | erantzun honi

Bai, arazo barik. Niri 22koa

Bai, arazo barik. Niri 22koa gustatzen zait. Barikuan trankilago ibiltzen gara eta. 27, 28 eta 29an gainera HABEren ikastaroak eta Moodlemoot daude.

Benito | 2007, maiatza 24 - 18:35 | erantzun honi

B&B

Aupa
Irakaslea naiz eta bloga daukat, nahiz eta blogean ez dudan klasekoaz ia berbarik egiten. Baina oso interesgarria begitantzen zait gremioko beste batzuekin
elkartzea blogen gainean berba egiteko. Hori bai, Josuk dioen moduan, gure ordutegiekin... Ekainaren 22a proposatu duzue, baina niri ezinezkoa zait, oraindik klaseak amaitu barik izango ditugu-eta.
Bestela, zuek elkartu, bidea egin, eta hurrengoan agertuko naiz.
Ondo segi

Leire N (ez da egiaztatu) | 2007, maiatza 24 - 19:17 | erantzun honi

Kaguenlatxota Leire! Klase

Kaguenlatxota Leire! Klase aldaketarik ezin duzu egin?
29an merienda?
Ezin bada, izan dadila 22an eta zer egingo zaio.
Galdakaotik 2 irakasle joango ginateke.

(Bidebatez, jakin ezazue "kabaretera ordutegia"rena Leireren esaldia dela)

Josu (ez da egiaztatu) | 2007, maiatza 25 - 08:22 | erantzun honi

Sentitzen dut!

Pena da, baina azken eguna izanda ez ditut ikasleak horrela abandonatu! Kurtso osoan elakrrekin egonda....
Zuek elkartu eta hurrengoan ni ere joango naiz.
"Kabaretera ordutegia" nik asko erabiltzen dut, baina egia aitortze badizuet "ostutakoa" da. Ikastaro batean, irakasleak erabili zuen eta niri ikaragarri gustatu...
Pena da, baina ez naiz hain originala.
Ondo segi

Leire N (ez da egiaztatu) | 2007, maiatza 25 - 17:38 | erantzun honi

noiz non

Hiru katu baino ez gara egongo, baina onenak hori bai.
Gelditu beharko dugu ordu eta leku baten, ezta? Esan zuk.

Josu eta Iñigo (ez da egiaztatu) | 2007, ekaina 18 - 16:00 | erantzun honi

BBBB...

Gitxi, baina behin bati entzun nion modura, gutxi badatoz ere, egin egin behar da, bestela hurrengoan gutxi horiek ere ez.

Non egin? Hiru proposamen bota dira: Kobeta, Arbolantxa eta Deustua. Kobetakoa kendu egingo nuke, asteburu honetan hain zuzen Bilbao live izango da eta inguru hori apur bat inpraktikablea egon liteke. Deustukoa Erriberan ei dago, metrotik apur bat urrun, eta kotxearekin joanez gero Bilbo erdian sartu behar zara. Arbolantxakoa metrotik urrun bai, baina autobusa hartuz gero (03-Otxarkoaga-Plaza biribila, 10 minuturik behin) justu zerbezeraren azpian utziko zaitu, gainera kotxez etorriz gero, Egirletako autobidea hartu eta Otxarkoagako irteeratik ere berton paratzen zara ensegidan. Beraz Arbolantxakoa proposatuko dut. DEUSTUAN AZKENENEAN!!!

http://www.bilbao.bi/point/463/

Ordua? Bazkal orduan-edo, 14.30etan zelan?

E, eta "lurkerrak" ere gonbidatuta zaudete!

Benito | 2007, ekaina 18 - 17:43 | erantzun honi

Zuzenketa!!!

Oraintxe deitu dut garagardotegira eta bariku eguerdian itxita dago, arrastian bakarrik.
Beraz, Deustuan egingo dugu.

Benito | 2007, ekaina 18 - 17:56 | erantzun honi

Bidali iruzkin berria

Zure izena: *

Helb. elek.: *

The content of this field is kept private and will not be shown publicly.

Hasierako orria:

Gaia:

Iruzkina: *

Lineak eta paragrafoak automatikoki egiten dira.
Link to content with [[some text]], where "some text" is the title of existing content or the title of a new piece of content to create. You can also link text to a different title by using [[link to this title|show this text]]. Link to outside URLs with [[http://www.example.com|some text]], or even [[http://www.example.com]].
Web and e-mail addresses are automatically converted into links.
Use  to create page breaks.

Formatu aukerei buruz informazio gehiago Captcha Image: you will need to recognize the text in it.