Soziolinguistika eta beste

Benito(e)k bidalita 2006, abendua 28 - 17:50(e)an.

Helduen euskalduntzeak normalizazioari begira zer paper duen hausnartu beharra sarri aipatu dudan kontua izan da. Horrek soziolinguistikaren mundura txangotxoren bat egiten jartzen nau batzuetan, horren inguruko blogetara adibidez. Karrajuko agregatzailean badaukagu horretarako atala hain zuzen. Bada zeri jarraitua, hona gomendio batzuk:

Erabili.com - Berri berriak
Erabili.com - Iritzi-muinetik
tiraka (Jaurlaritzako euskaltzale batzuk)
Izioqui dugu... guec ajutu ez dugu (Erramun Osa)
Hiznet-en bloga
Hizkuntzaren soziologia eta beste

Azken hau gomendatu nahi diet soziolinguistikan, edo hobeto esanda, hizkuntzaren soziologian hasteko interesa daukatenei. Txerra Topaguneko langileak egiten du, berak dioen modura lanabesa dauka hizkuntza eta horreninguruan darabilena zabaldu nahi du sarera. Definizioak eman eta irakurtzen dituen liburu-artikuluen gaineko iruzkinak eta gomendioak ematen ditu. Haren post baten eskola munduaz eta irakurri dituenak direla-eta hausnarketa interesgarri hau plazaratu digu, gurera erraz asko ekartzeko modukoa nire ustez:

...Artikulu mamitsua eta interesgarria egin du Ibon Olaziregik (....) Bere ustez, eskolak bide polita egin du euskalduntzean, baina bide horretan aurrerago egin ez badu, ez da bere erruagatik. Gizarteak lagundu ez diolako baizik. Horrek gogora ekarri dit Topaguneak orain gutxi plazaratutako liburu batean IÃ±aki Martinez de Lunaren aipu bat. Labur-labur honela dio aipuak: Gasteizen bidegorriak egin dituzte baina bat-batean amaitu egiten dira, ez doaz inora. Berak ere horrela uste du gertatu dela eskolarekin. Eskolan tematu gara, ondo tematu ere, eta gero haur eta gazte horiek kalera doazenean ez daukate nondik ibili, bidegorririk ez dago. Eta, gainera, kexu gara.

Ni ere horrekin nago. Itsutu gara eskolarekin, kriston zama bota dugu bere gainera, baina gizartearen mekanismoak ez ditugu euskaldundu eta gainera ardura haur eta gazteei egotzi....

Etiketak: blogak | normalizazioa
Benito (r)en bloga

Erantzunak

Eztabaida honen jarioa

Eskerrik asko eta eskaria

Aupa Benito:
Eskerrik asko egindako aipamenagatik. Pentsatzen nuen inork ez zuela nire bloga irakurtzen, baina tira ematen du baten batek irakurri egiten duela.

Eta orain eskaera: berbalagunekin eta euskaltegiekin hainbat blogetatik ateratako postekin blog berriak (edo) egin dituzu. Zergatik ez beste bat soziolinguistikarekin (edo hizkuntza soziologia ete zan?)? Nik neuk egingo nuke baina ezagutza falta jaste.

txerra (ez da egiaztatu) | 2006, abendua 28 - 20:01 | erantzun honi

metablogak eta blogaren metak

Aupa Txerra, Blogen asuntu honekin konturatzen hasi naiz, ez digu nahi genukeen bestek irakurtzen (edo nahi genituzkeenek), baina pentsatzen dugun baino gehiagok bai (edo pentsatzen ez dugunak), animoa! ze behar polita zabiltza egiten. Eskatu duzuna dela eta, uste dut zehazki Xfruits-ekin egin ditudan metablogeengatik esan duzula: mintzalagunena eta euskaltegiena. Hala da?

Horrela bada, erraza da, Blog bakoitzaren RSSarekin egiten da. Xfruits-era joan, kontu bat zabaldu (debalde da) eta behin kontua zabalduta, koadro batzuk agertuko zaizkizu hasteko, AGGREGATOR RSS agertzen den koadroa sakatu. Ipini nahi duzun titulua eta 2. pausoan, ezkerreko koadroetan sartu nahi dituzun blogen jarioak (jarioak, RSSak, ez blogen helbideak). Beheko botoi berdeari sakatu eta interesatzen zaizkizun blogen RSSa edukiko duzu. Nabegatzaile askotan RSS hori web-orri edo blog baten modura agertuko da.

Probatxoa egin dut soziolinguistikaren inguruko blog batzuekin. Hemen daukazu. Ez dakit hori ote den nahi duzuna, bestela galdetu beldur barik. Aukera asko-asko daude eta.

Benito | 2006, abendua 29 - 03:03 | erantzun honi

Blogen metak

Bai, Benito, horixe da nik esaten nuena. Eskerrik asko probagaitik. Ensegida harpidetuko naiz, eta horrela soziolinguistikari buruzko hainbat bog batera ikusteko aukera izango dut. Esker mila, atzera ere.

txerra (ez da egiaztatu) | 2006, abendua 29 - 09:27 | erantzun honi

Zeure blogean

Bide batez, Xfruits-en sortzen duzun jarioa hartu eta MuseStorm zerbitzua erabilita zure blogean, alboko barran honako zerbait ipini dezakezu.

Benito | 2006, abendua 29 - 13:24 | erantzun honi

Egin dut

Zuk esandakoa egin dut eta nire blogean gehitu dut horren moduko leiho bat. Eskerrik asko ideiagatik eta emandako laguntzagatik.

txerra (ez da egiaztatu) | 2006, abendua 30 - 16:47 | erantzun honi

Bidali iruzkin berria

Zure izena: *

Helb. elek.: *

The content of this field is kept private and will not be shown publicly.

Hasierako orria:

Gaia:

Iruzkina: *

Lineak eta paragrafoak automatikoki egiten dira.
Link to content with [[some text]], where "some text" is the title of existing content or the title of a new piece of content to create. You can also link text to a different title by using [[link to this title|show this text]]. Link to outside URLs with [[http://www.example.com|some text]], or even [[http://www.example.com]].
Web and e-mail addresses are automatically converted into links.
Use  to create page breaks.

Formatu aukerei buruz informazio gehiago Captcha Image: you will need to recognize the text in it.